Hüseyn Məmmədov (Qurbаn оğlu)

Vikipediya, azad ensiklopediya
Jump to navigation Jump to search
Hüseyn Məmmədov
Doğum tarixi 1900
Doğum yeri
Vəfat tarixi 1970
Vəfat yeri
Dəfn yeri
Vətəndaşlığı

Məmmədov Hüseyn Qurban oğlu (15.5. 1906, Ordubad rayonu nun Dırnıs kəndi – 24.11.1970, Bakı) – dövlət xadimi, Sosialist Əməyi Qəhrəmanı (1948).

Həyatı[redaktə | əsas redaktə]

Hüseyn Məmmədov gəncliyində Bakı neft mədənlərində fəhləlik etmişdir. Bakıda hərbi siyasi məktəbi bitirdikdən sonra 1925-ci ilədək orduda siyasi rəhbər işləmişdir.

Hüseyn Məmmədov 1925-1951-ci illərdə Azərbaycan KP İsmayıllı, Kürdəmir rayon komitələrinin katibi, Qonaqkənd (Quba rayonu), Füzuli, Ağsu rayonları komitələrinin 1-ci katibi, 1951-1953-cü illərdə Azərbaycan KP Naxçıvan Vilayət Komitəsinin 2-ci katibi, 1953-1967-ci illərdə Naxçıvan MSSR Ali Soveti Rəyasət Heyətinin sədri – Azərbaycan SSR Ali Soveti Rəyasət Heyəti Sədrinin müavini olmuşdur.

Hüseyn Məmmədov 1947-ci ildə Ağsu rayonu üzrə planların yerinə yetirilməsində yüksək əmək göstəricilərinə nail olmuşdur. SSRI Ali Sovetinin (4-cü çağırış), Azərbaycan SSR Ali Sovetinin (1–6-cı çağırış) deputatı olmuş, dəfələrlə Azərbaycan KP MK üzvü seçilmişdir. 3 dəfə "Lenin" ordeni, "Qırmızı Əmək Bayrağı", "Qırmızı Ulduz", "Şərəf nişanı" ordenləri və medallarla təltif edilmişdir. Dırnıs kənd məktəbi Hüseyn Məmmədovun adınadır.

Xarici keçidlər[redaktə | əsas redaktə]