Hüseyn Məmmədov (siyasətçi, 1900)

Vikipediya, azad ensiklopediya
Jump to navigation Jump to search
Hüseyn Məmmədov
Hüseyn Qurban oğlu Məmmədov.jpg
Şəxsi məlumatlar
Doğum tarixi 15 may 1900(1900-05-15)
Doğum yeri
Vəfat tarixi 24 noyabr 1970(1970-11-24) (70 yaşında)
Vəfat yeri
Dəfn yeri
Partiya
Hərbi xidmət
Döyüşlər

Təltifləri Sosialist Əməyi Qəhrəmanı
"Lenin" ordeni "Lenin" ordeni "Lenin" ordeni "Qırmızı əmək bayrağı" ordeni "Qırmızı ulduz" ordeni "Şərəf nişanı" ordeni

Məmmədov Hüseyn Qurban oğlu (15 may 1900, Dırnıs, Ordubad rayonu24 noyabr 1970, Bakı) — dövlət xadimi, Sosialist Əməyi Qəhrəmanı (1948).

Həyatı[redaktə | mənbəni redaktə et]

Hüseyn Məmmədov gəncliyində Bakı neft mədənlərində fəhləlik etmişdir. Bakıda hərbi siyasi məktəbi bitirdikdən sonra 1925-ci ilədək orduda siyasi rəhbər işləmişdir.

Hüseyn Məmmədov 1920-ci ildə Kommunist Partiyasına üzv olmuş, 1930-cu ildən Qonaqkənd rayonu, 1934-1936-cı illərdə isə Masallı və Kürdəmir rayon MTS-lərində çalışmışdır. 1936-1938-ci illərdə Kürdəmir, sonra isə Qaryagin rayonu (indiki Füzuli rayonu) partiya komitəsinin katibi olmuşdur.

1938-1943-cü illərdə Azərbaycan SSR Xalq toxuculuq komissarının müavini olmuşdur. 1943-1951-ci illərdə Ağsu Rayon Partiya Komitəsinin katibi olmuşdur. 1951–1953-cü illərdə Azərbaycan KP Naxçıvan Vilayət Komitəsinin 2-ci katibi, 1952–1967-ci illərdə Naxçıvan MSSR Ali Soveti Rəyasət Heyətinin sədri – Azərbaycan SSR Ali Soveti Rəyasət Heyəti Sədrinin müavini olmuşdur.

Hüseyn Məmmədov 1947-ci ildə Ağsu rayonu üzrə planların yerinə yetirilməsində yüksək əmək göstəricilərinə nail olmuşdur. SSRI Ali Sovetinin (4-cü çağırış), Azərbaycan SSR Ali Sovetinin (1–6-cı çağırış) deputatı olmuş, dəfələrlə Azərbaycan KP MK üzvü seçilmişdir. 3 dəfə "Lenin" ordeni, "Qırmızı Əmək Bayrağı", "Qırmızı Ulduz", "Şərəf nişanı" ordenləri və medallarla təltif edilmişdir. Dırnıs kənd məktəbi Hüseyn Məmmədovun adınadır.

İstinadlar[redaktə | mənbəni redaktə et]