Həqiqət Rzayeva

Vikipediya, azad ensiklopediya
Jump to navigation Jump to search
Həqiqət Rzayeva
Həqiqət Rzayeva.jpg
Sənətçi məlumatları
Doğum tarixi 20 may 1907(1907-05-20)
Doğum yeri Darquba, Lənkəran, Bakı quberniyası, Rusiya İmperiyası
Vəfat tarixi 2 avqust 1969 (62 yaşında)
Vəfat yeri Bakı, Azərbaycan SSR, SSRİ
Dəfn yeri Fəxri xiyaban
Vətəndaşlığı Rusiya İmperiyası Rusiya İmperiyası
Azərbaycan AXC
SSRİ SSRİ
Peşələri Müğənni
Aktrisa

Üslub Opera
Musiqi aləti vokal
Fəaliyyət illəri 1927
Təhsili
Mükafatları "Azərbaycan SSR xalq artisti" fəxri adı — 1943
Commons-logo.svg Vikianbarda əlaqəli mediafayllar

Həqiqət Əli qızı Rzayeva (20 may 1907 – 2 avqust 1969) — müğənni (soprano), pedaqoq. Azərbaycanın xalq artisti (1943), Azərbaycan səhnəsində çıxış edən ilk qadın müğənnilərindəndir.

Həyatı[redaktə | əsas redaktə]

Lənkəranın Darquba kəndində anadan olmuşdur. Atası Əli kişi o hələ səkkiz aylıqkən dünyasını dəyişir. Həqiqətin anası ikinci dəfə mövhumatçı, dindar bir kişiyə ərə gedir. 1917-ci ildən Həqiqət Lənkəranda məktəbə getməyə başlayır. Azərbaycan sovetləşəndən sonra isə onun ailəsi Bakıya köçür.

Gənc Həqiqətdə operaya və səhnəyə həvəs Bakıda həvəskar teatr dərnəyinə getməsindən sonra yaranır. Bəstəkar Müslüm Maqomayev səsini yoxlayandan sonra onu Azərbaycan Opera Teatrında işə götürür. Bununla da ailəsinin narazılıqlarına baxmayaraq, Həqiqət xanım opera teatrına ömürlük bağlanmış oldu.

1928-1932-ci illərdə Azərbaycan Dövlət Konservatoriyasının muğam şöbəsində oxuyur, Cabbar Qaryağdıoğlu, Seyid ŞuşinskiQurban Pirimovdan dərs alır. 1927-1952-ci illərdə Opera və Balet Teatrının solisti, muğam və xalq mahnılarımızın ifaçısı kimi tanınır. Ərəbzəngi ("Şah İsmayıl" - Müslüm Maqomayev), Leyli, Əsli, Telli ("Leyli və Məcnun", "Əsli və Kərəm", "Arşın Mal Alan" - Üzeyir Hacıbəyov), Şahsənəm ("Aşıq Qərib" - Zülfüqar Hacıbəyov) onun yaratdığı əsas səhnə obrazlarıdır.[1]

Həqiqət Rzayevanın kino fəaliyyətinə gəldikdə isə o, çox az filmdə çəkilmişdir. "Ögey Ana" filmində Qəmər xala obrazını oynamışdır. Qəmər xala filmdə mənfi obrazdır. O kürəkəni Arifin İsmayıla yeni ana gətirməyini qəti surətdə rədd edir və filmin sonuna kimi Dilarənin yaxşı bir ana olacağına şübhə ilə yanaşır. Hətta onun filmdə işlətdiyi "Mən ölü, sən diri. Bundan İsmayıla ana olmayacaq. Yad qızından ana olmayıb, olmayacaq." sitatı yaddaşlara həkk olunmuşdur.

Bəstəkar Azər RzayevinHəsən Rzayevin anasıdır.

Mükafatları[redaktə | əsas redaktə]

  • Azərbaycan SSR xalq artisti — 1943

Xatirəsi[redaktə | əsas redaktə]

Bakıda adına küçə var.

Filmoqrafiya[redaktə | əsas redaktə]

  1. Lətif (film, 1930) — Ögey ana (Tammetrajlı bədii film)
  2. İsmət (film, 1934) — Həqiqət (Tammetrajlı bədii film)
  3. Dostlar (film, 1934) — Ana (Qısametrajlı bədii film)
  4. Ögey ana (film, 1958)
  5. Muğamlar (film, 1965)
  6. Üzeyir ömrü (film, 1981)

İstinadlar[redaktə | əsas redaktə]

  1. Məhərrəmova, T. Səhnəmizin ən gözəl və ən uzunömürlü Leylisi: [Gözəl aktrisamız Həqiqət Rzayevanın həyat və yaradıcılığı haqqında] //Kaspi.- 2010.- 20 may.- S. 15.

Mənbə[redaktə | əsas redaktə]

Xarici keçidlər[redaktə | əsas redaktə]