Lüləburqaz

Vikipediya, azad ensiklopediya
Naviqasiyaya keçin Axtarışa keçin
Lüləburqaz
41°24′20″ şm. e. 27°21′25″ ş. u.
Ölkə
Tarixi və coğrafiyası
Mərkəzin hündürlüyü 62 m
Saat qurşağı
Əhalisi
Əhalisi
  • 148.037 nəf. (2018)
Digər
luleburgaz.bel.tr
Xəritəni göstər/gizlə
Lüləburqaz xəritədə
Lüləburqaz
Lüləburqaz
Vikianbarın loqosu Vikianbarda əlaqəli mediafayllar

Lüləburqaz (türk. Lüleburgaz, türk: [lyˈlebuɾɡaz]) — Türkiyənin Mərmərə regionundakı Kırklareli vilayətinin ən böyük şəhəri və rayonu. Şəhər Rumelidə, tarixi Şərqi Frakiya regionunda, Bolqarıstanla sərhəddə yerləşir. Şəhərdə adətən XIX əsrdən Türkiyəyə köçmüş Albaniya, Bolqarıstan, Yunanıstan, Rumıniya və keçmiş Yuqoslaviyadan olan Balkan türkləri yaşayır.

Lüləburqaz iqtisadi cəhətdən əczaçılıq və elektron sənayesi, eləcə də kənd təsərrüfatı üçün mühüm istehsal mərkəzidir. Şəhər eyni zamanda, İstanbul-Qapıqüllə Regional Qatarı vasitəsilə İstanbulƏdirnəyə, Balkan Ekspresi və Boğaziçi Ekspresi ilə Plovdiv, Sofiya, Belqrad, BuxarestBudapeştə bağlanır. Bundan başqa, Lüləburqaz avtomobil və dəmir yolu nəqliyyatının mərkəzidir.

Şəhər əvvəllər Roma imperatoru Diokletian tərəfindən 294-cü ildə qurulan Roma vilayətinin paytaxtı olmuşdur.

Tarixi[redaktə | mənbəni redaktə et]

Şəhərin qədim adı Berquladır. İmperator I Feodosi onu oğlu və varisi Arkadinin şərəfinə Arkadiopol olaraq dəyişdirmişdir. Arkadiopol şəhəri 443-cü ildə Şərqi Roma imperiyasına qarşı yürüşü zamanı Atilla tərəfindən ələ keçirilmişdir.

Slavyan Fomanın II Mikailə qarşı üsyanı zamanı şəhər 823-cü ildə Fomanın son sığınacağı olmuşdur. II Mixail şəhərə yürüş etmiş və beş aydan çox davam edən mühasirədən sonra taqətdən düşmüş, aclıqdan əziyyət çəkən qoşunlar imperatorun əfvu qarşılığında öz rəhbərlərini təslim etmişdir. Foma eşşəyə mindirilmiş və işgəncələrə məruz qalmışdır.

970-ci ildə baş tutan Arkadiopol döyüşündə Bizans qüvvələri 161 kilometr (100 mil) şərqdə Konstantinopolu ələ keçirməyi hədəfləyən işğalçı Kiyev-peçeneq-macar qüvvələrini məğlub etmişdir.

Lüləburqas döyüşü Birinci Balkan müharibəsi çərçivəsində, 28 oktyabr–2 noyabr 1912-ci il tarixlərində aparılmışdır. Şəhər müasir Türkiyə Respublikasının tərkibinə qoşulmazdan əvvəl 1920–1922-ci illər arasında Yunanıstan ordusu tərəfindən işğal edilmişdir.

İqtisadiyyat[redaktə | mənbəni redaktə et]

Lüləburqazın iqtisadiyyatı əsasən sənaye sektoru və kənd təsərrüfatına əsaslanır. Şəhərin ətrafında müxtəlif fabriklər var.

"Sanofi-Aventis", "Deva Holding A. S." və "Zentiva" kimi əczaçılıq şirkətlərinin əsas istehsalçıları Lüləburqaz şəhərinin ərazisindədir.

Lüləburqazda geniş miqyasda becərilən məhsullar buğda, qarğıdalı və günəbaxandır ki, bunlar da şəhərin simvollarından biridir. Baş ofisi şəhərdə olan "Trakya Birlik" Türkiyənin əsas günəbaxan yağı istehsalçılarından biridir.

Türkiyənin aparıcı şüşə istehsalçısı "Şişecam" və onun Şərqi Frakiya bölməsi "Trakya Cam" Lüləburqazda bir fabrikə sahibdir.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]