Lətafət Ələkbərova
 | Bu məqalədə bəzi məlumatlarının mənbəsi göstərilməmişdir. |
| Lətafət Ələkbərova | |
|---|---|
 | |
| Doğum tarixi | 21 iyul 1976 (47 yaş) |
| Doğum yeri | |
| Təhsili | |
| Fəaliyyəti | aktrisa |
 Vikianbarda əlaqəli mediafayllar | |
Lətafət Ələkbərova (tam adı: Lətafət Nadir qızı Ələkbərova) (21 iyul 1976, Bakı) — televiziya və radio aparıcısı, aktrisa və müğənni (1996-cı ildən).
Həyatı[redaktə | mənbəni redaktə et]
Lətafət Nadir qızı Ələkbərova Bakıda doğulmuşdur. Orta təhsilini Nərimanov rayonu 39 saylı məktəbdə almışdır. Məktəb illərində çox fəal olan Lətafət məktəbdə keçirilən ictimai tədbirlərdə aparıcılıq etmiş, önəmli tədbirlərdə, şeir müsabiqələrində, olimpiyadalarda şəhər birinciliyi əldə etmişdir. Qarabağ müharibəsi illərində yaralı əsgərlərlə, veteranlarla görüşlərin keçirilməsində daim fəal iştirak etmişdir. 90-cı illərdə ölkənin ən populyar qəzetlərində vətənpərvərlik mövzularında məqalə və şeirləri dərc olunmuşdur.
Bir övladı var (Rəna Cəfərzadə, 2007)
Təhsili[redaktə | mənbəni redaktə et]
1993 – 1997-ci illərdə yüksək nəticələrlə Bakı Slavyan Universitetinin Filologiya fakultəsinə qəbul olunaraq təhsilni davam etdirmişdir. Təhsil aldığı dövrlərdə müəllimləri SSRİ Xalq Artisti, Beynəlxalq Televiziya və Radio Akademiyasının Akademiki, Azərbaycan Respublikası Prezidentinin Fərdi təqaüdçüsü, Xalq Artisti Sabir Ələsgərovun, Əməkdar İncəsənət Xadimi, alim, Teleradio Akademiyasının rektoru Etibar Babayevin və Xalq Artisti, "Şöhrət" ordenli Vasif Babayevin rəğbətini qazanmışdır. Bütün bunların nəticəsi olaraq 1996-cı ildə o dövrdə ölkədə məşhur olan Sara TV-də aparıcı kimi fəaliyyətə başlamış, 1996 – 1999-cu illərdə bir çox televiziya və radio proqramlarında aparıcılıq etmişdir. 2003 – 2005-ci illərdə Bakı Slavyan Universitetinin Filologiya ixtisası üzrə magistr təhsili almış və fərqlənmə diplomu ilə bitirmişdir.
Televiziya fəaliyyəti[redaktə | mənbəni redaktə et]
2002 – 2013-cü illərdə SPACE TV-də, 2013 – 2014-cü illərdə Xəzər TV-də televiziya və radio aparıcısı vəzifəsində çalışmışdır. Bu illərdə “Azəri-Star, “Favorit-show”, maqazin və əyləncə proqramlarında, yarişma proqramlarında, rəsmi dövlət tədbirlərində, Azərbaycanın rayon və şəhərlərində, cəbhə bölgələrində keçirilən müxtəlif tədbirlərdə, konsertlərdə aparıcılıq etmişdir. Bir çox uğurlu TV layihələrin təşkilatçısı və aparıcısı olmuşdur. 2014 – 2015 –ci illərdə ANS TV-də daha ağır formatlı proqramlarda çalışmış, belə ki, millət vəkilləri, idman və sənət xadimləri, tanınmış şəxslərin dəvət olunduğu o dövrdə populyar olan “Əslində mən” portret – proqramının bir il müddət üzrə aparıcısı olmuşdur. Azərbaycan TV məkanında Lətafətin yadda qalan işlərindən biridə Afrikada, Namibiya ölkəsində baş tutan Space TV-nin Ekstrim proramında iştirakçı olmasıdır. Çəkilişlərin birində ciddi xəsarət (qabırğası qırılmış) almışdır.
Lətafət Ələkbərova 2016-cı ildə Xəzər tv-də yayımlanan "Dadlı Səyahət" verilişinin aparıcısı və ssenaristi olmuşdur. O hal-hazırda həmin kanalda yayımlanan "Hədiyyəmiz+biz" verilişinin aparıcısı kimi fəaliyyət göstərir.[1]
2017-ci ildən etibarən Lətafət Ələkbərova müğənnilik fəaliyyətinə də başlamışdır. Bununla əlaqədar bir müddət Fidan Hacıyeva Vokal Musiqi Məktəbində vokal dərsləridə almışdır.
Səfərləri[redaktə | mənbəni redaktə et]
Lətafət Ələkbərova Türkiyə ilə həmişə sıx bağlı olmuşdur. Gözəl aparıcımız qardaş ölkədə sevilən bir şəxsdir. Xəzər TV və ANS TV-də çalışdığı müddətdə dəfələrlə Türkiyə TMB kanalının qonağı olmuş və Türkiyədə keçirilən bir çox mühüm tədbirlərə aparıcı kimi dəvət olunmuşdur. 2016-cı ildə Türkiyənin Alanya şəhərində keçirilən 10-dan çox ölkənin qatıldığı “Kristal Kale” Beynəlxalq film festivalında aparıcılıq etmiş, gecədə Türkiyə və digər ölkələrdən məşhur aktyor və rejissorlar iştirak etmişdir.
2017-ci ilin mart ayında Türkiyədə terror təhlükəsinin olduğu bir dövrdə İstanbulda tanınmış türk aktrisa Vilma Ellesin dəvəti ilə şəxsi qonağı olmuş, Vilma ilə birlikdə Türkiyənin “MoonLife” ilin ən yaxşıları ödül törənində qonaq qismində iştirak etmişdir. İstanbulda oldugu müddətdə verdiyi “Türkiyə qorxulacaq yox, seviləcək ölkədir” mesajı qardaş ölkədə çox rəğbətlə qarşılanmışdır.
Televiziya aparıcılıq fəaliyyəti[redaktə | mənbəni redaktə et]
- Sara TV aparıcı, 1996 – 1999
- Xəzər TV “Dadlı səyahət”, aparıcı və ssenarist, 2016
- Space TV “Azeri Star”, aparıcı, 2004 - 2010
- Space TV “Favorit show”, aparıcı, 2004 – 2006
- Azad Azərbaycan TV “Bacanaqlar” serialında kiçik rollarda
- ANS TV “Əslində mən”, aparıcı, 2014 – 2015
- “Azərsun Holding” tədbirlərinin aparıcısı, 2007-ci ildən
- Xəzər TV “Hədiyyəmiz+Biz”, aparıcı, 2017-ci ildən
İstinadlar[redaktə | mənbəni redaktə et]
- ↑ ANS-in xanım aparıcısı "Xəzər TV"də - VİDEO Arxivləşdirilib 2017-10-23 at the Wayback Machine qaynarinfo.az, 21.07.2016. (az.)