Mayk Pens

Vikipediya, açıq ensiklopediya
Jump to navigation Jump to search
Infobox-realisateur.png
Mayk Ricard Pens
Fotoqrafiya
bayraqAmerika Birləşmiş Ştatlarının 48-ci vitse-prezidentibayraq
20 yanvar 2017-dan
Prezident Donald Tramp
Sələfi Cozef Bayden
bayraqİndiana ştatının 50-ci qubernatorubayraq
14 yanvar 2013 — davam edir
Sələfi Maykl Daniels
Xələfi Erik Holkomb

Partiya Respublikaçılar partiyası
Doğum tarixi 7 iyun 1959 (1959-06-07) (59 yaş)
Doğum yeri Kolumbs, İndiana, ABŞ
Həyat yoldaşıKaren Pens (1985)
Uşaqları3
VikiAnbarda Commons-logo.svg əlaqəli mediafayllar

Mayk Pens (ing. Michael Richard "Mike" Pence) - Amerikalı Respublikaçı siyasətçi, İndiana ştatının 50-ci qubernatoru və Amerika Birləşmiş Ştatlarının 48-ci vitse-prezidenti. 2000-ci ildə ABŞ Nümayəndələr Palatasına seçilmişdir.

Mayk Pens 1959-cu ildə ABŞ-ın İndiana ştatının Kolumbs şəhərində anadan olmuşdur. Hanover Kollecini bitirdikdən sonra İndiana Universitetinin Robert Makkinli hüquq məktəbində hüquqşünaslıq üzrə təhsil almışdır. 1988, 1990-cı illərdə ABŞ Konqresinə namizəd olsada seçilməmişdir. 1994 - 1999-cu illərdə siyasi və tənqidi fikirləri məşhurlaşmış televziya və radio verlişlərinə rəhbərlik etmişdir. 2000-ci ildə İndiana ştatından ABŞ Nümayəndələr Palatasına seçilmiş və 2013-cü ilə qədər bu vəzifədə qalmışdır. Mayk Pens siyasi karyerasında daha çox Çay partiyası hərəkatının ideoloqu və təsübkeşi kimi tanınmışdır.[1][2]

2012-ci ildə İndiana ştatının 50-ci qubernatoru seçilmiş, 2013-cü ilin yanvar ayından etibarən vəzifələrinin icrasına başlamışdır. İndiana ştatının qubernatoru seçildikdən sonra ştat daxilində təhsil imkanlarının artırılması, vergi sisteminin nizamlanması və əhalinin rifah halının artılması sahəsində önəmli işlər görmüşdür. İndiana ştatında əldə edilmiş uğurlarla yanaşı, Mayk Pensin adı müxtəlif qalmaqallarlada hallanıb. İndiana ştatında Pensin qubernator olduğu müddətdə qəbul olunmuş Dini Azadlıqların Restavrasiyası Aktı iş dünyasının nümayəndələri və LGBT tərəfdarları tərəfindən müqavimətlə qarşılanmışdır. Nəticədə, Pens LGBT fərdlərinin hüquqlarını qoruyan əlavə qanun lahiyəsini qəbul etmək məcburiyətində qalmışdır.[3] Bundan əlavə geniş müzakirələrə səbəb olmuş abort haqqında qanun lahiyəsidə Pens tərəfindən imzalanmışdır.

2016-cı ildə Amerika Birləşmiş Ştatlarında keçirilən 58-ci prezident seçkiləri zamanı Mayk Pens ABŞ Respublikaçılar Partiyasının əsas namizədlərindən olan Donald Trampın vitse-prezidenti kimi mübarizəyə qoşulmuşdur. Respublikaçılar Partiyasının daxilində keçirilən praymerzlərdə qalib gələn Donald Tramp 2016-cı ilin 9 noyabr tarixində ABŞ Demokrat Partiyasından olan namizəd Hillari Klinton ilə apardığı prezidentlik mübarizəsində qalib gələrək 45-ci ABŞ prezidenti seçilmişdir. 2013-cü ildən etibarən İndiana ştatının qubernatoru vəzifələrini icra edən Mayk Pens 2017-ci ilin 20 yanvar tarixindən etibarən ABŞ-ın 48-ci vitse-prezidenti kimi vəzifələrinin icrasına başlayıb[4].

Həyatı[redaktə | əsas redaktə]

Mayk Ricard Pens 1959-cu ilin 7 iyun tarixində İndiana ştatının Kolumbs şəhərində Edvard və Nensi Penslərin altı uşaqlıq ailəsində dünyaya gəlmişdir. Yeniyetməlik dövründə yanacaq doldurma məntəqəsində işləməyə başlamışdır.[5][6] Penslər ailəsi katolik icmasına daxil olan irlandlardan ibarət idi.[7] Ailənin İrlandiyadan Amerika Birləşmiş Ştatlarına mühacirət etməsi Mayk Pensin babasının adı ilə bağlıdır. Ricard Maykl Kouley İrlandiyanın Sligo bölgəsindən Nyu-Yorkda miqrantların qəbul edildiyi Ellis adasına gəlmiş, sonralar İllinoys ştatının Çikaqo şəhərində avtobus sürücüsü işləməyə başlamışdır.[8] Nənəsidə İrlandiyanın Donberq bölgəsindəndir.[9][10]

1977-ci ildə Kolumbs şəhərində yerləşən orta məktəbdən məzun olmuşdur. 1981-ci ildə Mədəniyyət ixtisası üzrə Hannover Kollecinə daxil olmuş, növbəti təhsilini isə İndiana Universitetinin Robert Makkinli hüquq məktəbində hüquqşünaslıq üzrə oxuyaraq əldə etmişdir. İndiana Universitetində olan hüquq təhsilini 1986-cı ildə tamamlamışdır. Hannover kollecində təhsil aldığı müddətdə, kollec daxilində fəaliyyət göstərən Phi Gamma Delta xeyriyyə təşkilatına üzv olmuş və bir müddət sonra həmin təşkilatda bölmə rəhbəri seçilmişdir.[11] Kollec təhsilini tamamladıqdan sonra 1981-1983-cü illərdə Kollec üzrə məsləhətçi vəzifəsində çalışmışdır.[12]

İndiana Universitetinin Robert Makkinli hüquq məktəbində hüquqşünaslıq təhsilini bitirdikdən sonra Pens özəl vəkillik xidməti göstərən şirkətlərdə hüquqşünas kimi işləməyə başlayır.[13] İctimai fəaliyyətini genişləndirməsi və işgüzar nüfuzunun olması Mayk Pensə İndiana ştatından ABŞ Konqresinə namizəd olmaq yolunu açır və ilk dəfə namizədliyini 1988-ci ildə irəli sürsədə seçilmir. Oxşar uğursuzluq iki il sonra keçirilən seçkilərdə də baş verir və nəticədə Pensin 19881990-cı illərdə ABŞ Konqresinə seçilmək cəhtləri uğursuzluqla nəticələnir.

Bu dövrlərdə mərkəzi İndiana ştatının Raşvil şəhərində yerləşən WIFE-FM radiosunda Mayk Pens Şou siyasi-tənqidi verlişinin aparıcısı olan Pens müxtəlif siyasi-iqtisadi mövzuların müzakirəsində fəal iştirak edir.[14][15] Fikirlərinə görə mühafizəkar Raş Limbotla müqayisə edilsədə, Pens özünü Raş Limbotun kofeynsiz forması kimi qələmə vermişdir.[16] Mayk Pens Şou siyasi-tənqidi verlişi WIBC radiosuda daxil olmaqla, 18 radio stansiyada yayımlanmışdır.[14] Radio verlişlərdən əlavə Pens, 1995-1999-cu illər ərzində həftəsonları İndianapolis şəhərində siyasi verlişlərə rəhbərlik etmişdir.[17][18]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Amber Phillips, 10 things you should know about Mike Pence, Donald Trump’s likely running mate, The Washington Post (July 14, 2016).
  2. Michael Muskal, Mike Pence to run for Indiana governor: Republicans had expected Rep. Mike Pence, a 'tea party' favorite, to join the state race to succeed Gov. Mitch Daniels, who may make a run for the GOP presidential nomination, Los Angeles Times (May 5, 2011).
  3. "Indiana business leaders embrace RFRA fix". Indy Star. 2 April 2015. http://www.indystar.com/story/news/politics/2015/04/01/indiana-rfra-deal-sets-limited-protections-for-lgbt/70766920/.
  4. https://report.az/diger-olkeler/tramp-abs-in-45-ci-prezidenti-kimi-vezifesinin-icrasina-baslayib/
  5. "Wedding Bells Ring Out For 3 S. Side Couples". Chicago Daily Tribune. April 5, 1956. http://pqasb.pqarchiver.com/chicagotribune/access/515013912.html?dids=515013912:515013912&FMT=ABS&FMTS=ABS:AI&type=historic&date=Apr+05%2C+1956&author=&pub=Chicago+Tribune&desc=WEDDING+BELLS+RING+OUT+FOR+3+S.+SIDE+COUPLES&pqatl=google.
  6. Cuetara, Ines De La (July 14, 2016). "Mike Pence: Everything You Need to Know". ABC News. http://abcnews.go.com/Politics/mike-pence/story?id=40279288. İstifadə tarixi: July 15, 2016.
  7. Burton, Danielle (November 15, 2006). What You Didn't Know About Rep. Mike Pence of Indiana, U.S. News & World Report accessed March 31, 2015.
  8. Jason Deparle, Star of the Right Loses His Base at the Border, New York Times (August 29, 2006).
  9. Carswell, Simon (Mar 21, 2013). "Mike Pence and Donald Trump’s Irish connection: Doonbeg". The Irish Times. http://www.irishtimes.com/news/world/us/mike-pence-and-donald-trump-s-irish-connection-doonbeg-1.2720970. İstifadə tarixi: July 15, 2016.
  10. McMahon, Páraic (15 July 2016). "Doonbeg links aplenty in US Presidential race". clareherald.com. http://clareherald.com/2016/07/doonbeg-links-aplenty-in-us-presidential-race/. İstifadə tarixi: 1 October 2016.
  11. Kelly, Niki (February 10, 2016). "Pence pegs Holcomb for state's No. 2 post". The Journal Gazette. http://www.journalgazette.net/news/local/indiana/Pence-pegs-Holcomb--for-state-s-No--2-post-11404551.
  12. Tony Cook (May 31, 2014). "Is Gov. Mike Pence moving to the center amid talk of presidential run?". The Indianapolis Star. http://www.indystar.com/story/news/politics/2014/05/29/gov-mike-pence-moving-center-amid-talk-presidential-run/9728025/.
  13. "Here's what you should know about Mike Pence". Huffington Post. http://www.huffingtonpost.com/entry/mike-pence-things-to-know_us_5787c2b1e4b0867123e02df7.
  14. 14,0 14,1 "Mike Pence Congressional Papers". Indiana University. 2014. http://libraries.iub.edu/mike-pence-congressional-papers.
  15. "Mike Pence and His Family". Mike Pence for Congress. Arxivləşdirilib: [1] saytından January 19, 2001 tarixində. https://web.archive.org/web/20010119095000/http://www.cybertext.net/pence/bio.html.
  16. Montanaro, Domenica (July 14, 2016). "5 Things To Know About Mike Pence". NPR. http://www.npr.org/2016/07/14/486032078/5-things-to-know-about-mike-pence.
  17. "Arena Profile: Mike Pence". Politico. 2010. http://www.politico.com/arena/bio/mike_pence.html.
  18. "Hear Mike Here!". WIBC. Arxivləşdirilib: [2] saytından June 11, 2000 tarixində. https://web.archive.org/web/20000611101202/http://www.wibc.com/people/pence/mradlist.html.