Lindon Conson

Lindon Beyns Conson
ing. Lyndon Baines Johnson
Amerika Birləşmiş Ştatlarının 36-cı prezidenti 22 noyabr 1963 — 20 yanvar 1969
Vitse-prezident	olmayıb (1963-1965) Hyubert Hamfri (1965-1969)
Sələfi	Con Ficerald Kennedi
Xələfi	Riçard Nikson
Amerika Birləşmiş Ştatlarının 37-ci vitse-prezidenti 20 yanvar 1961 — 22 noyabr 1963
Prezident	Con Ficerald Kennedi
Sələfi	Riçard Nikson
Xələfi	Hyubert Hamfri (1965-dən)
Partiya	Demokrat partiyası
İxtisası	Müəllim
Doğum tarixi	27 avqust 1908(1908-08-27)
Doğum yeri	Stounvol, Texas, ABŞ
Vəfat tarixi	22 yanvar 1973 (64 yaşında)
Vəfat yeri	Stounvol, Texas, ABŞ
Dəfn yeri	Lyndon B. Johnson National Historical Park
Əvvəlki adı	ing. Lyndon Baines Johnson
Atası	Samuel Conson
Anası	Rebekka Beyns
Həyat yoldaşı	Klaudiya Alta Conson (1912-2007)
Uşaqları	Linda Börd Conson Rob Lüsi Beyns Conson Tarpin
Qoşun növü	ABŞ hərbi donanması
Rütbəsi	lieutenant commander
Döyüşlər	Vyetnam müharibəsi, İkinci Dünya müharibəsi, Salamaua–Lae campaign və Invasion of Salamaua–Lae
Lindon Conson Vikianbarda

Lindon Beyns Conson (ing. Lyndon Baines Johnson; 27 avqust 1908, Stonuoll, Texas, ABŞ — 22 yanvar 1973, Stonuoll, Texas, ABŞ) — Amerika Birləşmiş Ştatlarının 36-cı prezidenti (1965-1969) və 37-ci vitse-prezidenti (1961-1963).

Lindon Beyns Conson 27 avqust 1908-ci ildə fermer ailəsində anadan olmuşdur. O, 1930-cu ildə Müəllimlər kollecini bitirmiş, bir müddət dərs demişdir. 1939-1948-ci illərdə ABŞ Demokratlar Partiyasından Nümayəndələr palatasının üzvü, 1949-1961-ci illərdə Texas ştatından senator, 1953-1960-cı illərdə Senatda demokratların lideri olmuşdur.

1960-cı ildə partiyadaxili ilkin seçiklərdə ABŞ prezidentliyinə namizədliyini irəli sürmüş, lakin Con Kennediyə məğlub olmuşdur. Kennedi onun cənublu olmasını nəzərə alaraq, seçkilərdə cənub ştatlarının dəstəyini almaq məqsədilə Consona vitse-prezident postunu təklif edir və bu cütlük seçkilərdə qələbə qazanır. 1961-ci il yanvarın 20-də səlahiyyətlərinin icrasına başlayan Lindon Conson 1963-cü il 22 noyabr tarixində Con Kennedinin öldürülməsindən dərhal sonra and içərək prezident vəzifəsini tutmuşdur.

Onun hakimiyyət dövrü cənub ştatlarında hökm sürən irqi ayrıseçkiliyin aradan qaldırılması, ümumi tibbi sığortanın (Medicare, Medicaid) tətbiqi, "Yoxsulluğa qarşı mübarizə" proqramının qəbulu və ABŞ-ın Vyetnamdakı hərbi iştirakının artması və müharibənin qızışması ilə xarakterizə olunur.

Conson 22 yanvar 1973-cü ildə keçirdiyi sayca üçüncü infarktdan vəfat etmişdir.