Franklin Delano Ruzvelt

Franklin Delano Ruzvelt
	ing. Franklin Delano Roosevelt
	4 mart 1933 — 12 aprel 1945
Vitse-prezident	Con Qarner (1933-1941); Henri Uolles (1941-1945); Harri Trumen (1945)
Sələfi	Herbert Huver
Xələfi	Harri Trumen
Partiya	Demokratlar partiyası
Təhsili	1) Harvard Universiteti; 2) Kolumbiya Universiteti
Doğum tarixi	30 yanvar 1882
Doğum yeri	Hayd Park, Nyu-York, ABŞ
Vəfat tarixi	12 aprel 1945 (63 yaşında)
Vəfat yeri	Uorm-Sprinqs, Corciya, ABŞ
Dəfn yeri	Hayd Park, Nyu-York, ABŞ
Atası	Ceyms Ruzvelt
Anası	Sara Delano
Həyat yoldaşı	Eleanora Ruzvelt
Uşaqları	oğulları: Ceyms, Franklin, Eliot, Franklin Delano və Con; qızı: Anna
Qoşun növü	ABŞ Silahlı Qüvvələri
Döyüşlər	Birinci Dünya müharibəsi və İkinci Dünya müharibəsi;
Vikianbarda əlaqəli mediafayllar

Franklin Delano Ruzvelt (ing. Franklin Delano Roosevelt; d. 30 yanvar 1882, Hayd Park, Nyu-York, ABŞ - ö. 12 aprel 1945, Uorm-Sprinqs, Corciya, ABŞ) — Amerika Birləşmiş Ştatlarının 32-ci prezidenti (1933-1945). 2 dəfədən artıq seçilmiş yeganə ABŞ prezidentidir. 4 dəfə prezident seçilmiş, 4-cü hakimiyyət müddətinin başlamasından qısa müddət sonra beyninə qan sızmasından vəfat etmişdir.

1921-ci ilin avqustunda poliomelit xəstəliyinə tutulmuş və bundan sonra ayaqları tam işləmədiyi üçün ömrünün qalan hissəsini əlil arabasında keçirməli olmuşdur. Bu onun 3 il ərzində siyasətdən uzaqlaşması ilə nəticələnsə də, o özündə güc taparaq əvvəlcə Nyu-York ştatının qubernatoru, daha sonra isə prezident seçilmişdir.

Onun tarixi xidmətləri arasında "Böyük Depressiya"nın aradan qaldırılması, SSRİ ilə münasibətlərin yaxşılaşdırılması və İkinci dünya müharibəsi dövründə Avropadakı müttəfiqlərini yaxından dəstəkləməsini qeyd etmək olar.

Tarixdə 100 ən çox öyrənilmiş şəxsiyyətlər siyahısına daxil edilib.