Mete Qazoz
| Mete Qazoz | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||||
| Şəxsi məlumatlar | ||||||||||||||||||||
| Vətəndaşlığı |
 Türkiyə |
|||||||||||||||||||
| Doğum tarixi | ||||||||||||||||||||
| Doğum yeri | İstanbul, Türkiyə | |||||||||||||||||||
| İdman növü | Oxçuluq | |||||||||||||||||||
|
Medallar
|
||||||||||||||||||||
Mete Gazoz (türk. Mete Gazoz; 8 iyun 1999, İstanbul) — Türkiyə oxatma idmançısı, Olimpiya çempionu, iki Olimpiadanın (2016, 2020) və Dünya Kubokunun finalının iştirakçısı.
Tərcümeyi-hal[redaktə | mənbəni redaktə et]
Mete Qazoz 8 iyun 1999-cu ildə Türkiyənin İstanbul şəhərində anadan olmuşdur. Bağçalıevlərdə yerləşən İxlas Kollecində təhsil almışdır.[1][2]
Karyerası[redaktə | mənbəni redaktə et]
Qazoz 2010-cu ildə oxatma idmanında özünü sınamağa başladı. Beynəlxalq debütü 2013-cü ildə baş tutdu.
Mete Qazoz 2013-cü ildə Çinin Usi şəhərində keçirilən Dünya Çempionatında gənclərdən ibarət komanda turnirində gümüş medal qazandı. 2014-cü ildə Nankində keçirilən Yeniyetmələrin Yay Olimpiya Oyunlarında iştirak etmişdir. 2015-ci ildə Bakıda baş tutan Avropa Oyunlarında Türkiyə yığmasının tərkibində yarışmışdır.[3] Kopenhagendə keçirilən 2015 Dünya Oxatma Çempionatında da iştirak etmişdir.
Qazoz 2015-ci ildə Klagenfurtda Gənclər arasında Avropa Kubokunun kadet kateqoriyasında gümüş medal qazanaraq 2016 Yay Olimpiya Oyunlarına vəsiqə əldə etmişdir.
2016-cı ildə Mete Qazoz Türkiyəni Rio Olimpiadasında təmsil etdi. 8 avqust 2016-cı ildə 1/32 finalda fransız Pyer Plionu 6–5 hesabı ilə məğlub etdi. 1/16 turun ikinci matçında hollandiyalı Şefu van den Berqə 3–7 hesabı ilə uduzdu.
O, Rosarioda keçirilən 2017 Uşaq Dünya Oxçuluq Çempionatında bürünc medal qazanmışdır. Qazoz bu çempionatda Yasemin Anagöz ilə birlikdə çıxış etdi.
2018-ci ildə Cənubi Dakotanın Yankton şəhərində keçirilən Dünya Qapalı Çempionatında gənclər arasında fərdi yarışda gümüş medala layiq görüldü.
2018-ci ildə Tarraqona şəhərində keçirilən Aralıq dənizi Oyunlarında 70 metr məsafəyə atışda fərdi qızıl medal qazandı.
Mete Qazoz koronavirus pandemiyası səbəbindən 2020-ci ildən 2021-ci ilə təxirə salınan 2020 Yay Olimpiya Oyunlarında ardıcıl ikinci dəfə iştirak etmək hüququ qazandı.[4] Fərdi turnirdə London Oyunlarının çempionu italyan Mauro Nespolini finalda məğlub edərək Türkiyəyə bu olimpiyada ilk qızıl medalı qazandırdı.
2021-ci ildə Braziliya yazıçısı Paulo Koelyo Mete Qazoza "Oxçunun Yolu" əsərini həsr edib.[5]
İstinadlar[redaktə | mənbəni redaktə et]
- ↑ Mete Qazoz. Beynəlxalq Oxçuluq. 8 mart 2016. Аrxivləşdirilib. 24 aprel 2016.
- ↑ İxlas Kolleci tələbəsi Mete Qazozdan böyük uğur!. (tr) 25 may 2015 Аrxivləşdirilib. 11 mart 2016.
- ↑ 2015 Bakı Avropa Oyunları. Türkiyə Milli Olimpiya Komitəsi. 8 mart 2015. Аrxivləşdirilib. 4 mart 2016.
- ↑ Mete Qazoz Tokio 2020-yə vəsiqə qazandı. (tr) 18 iyul 2021. Arxivləşdirilib. 4 iyul 2021.
- ↑ "Brazilian author Coelho dedicates his book to Turkish Olympic champ Gazoz". www.aa.com.tr. www.aa.com.tr. 2022-03-10 tarixində arxivləşdirilib. İstifadə tarixi: 20 fevral 2022.