Murad Hüseynov (pianoçu)

Vikipediya, azad ensiklopediya
Naviqasiyaya keçin Axtarışa keçin
Murad Hüseynov
Ümumi məlumatlar
Doğum tarixi (50 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ→
Azərbaycan Azərbaycan
Musiqiçi məlumatları
Fəaliyyəti musiqiçi
Musiqi aləti piano
Mükafatları "Azərbaycan Respublikasının xalq artisti" fəxri adı — 2011 "Azərbaycan Respublikasının əməkdar artisti" fəxri adı — 2005
"İncəsənət və ədəbiyyat" ordeni kavaleri (Fransa) — 2012 "Ləyaqət" ordeninin cəngavərlik xaçı (Macarıstan) — 2012
Vikianbarın loqosu Vikianbarda əlaqəli mediafayllar

Murad Fərid oğlu Hüseynov (1 dekabr 1973, Bakı) — Azərbaycan pianoçusu, beynəlxalq müsabiqələr laureatı, Azərbaycan Respublikasının xalq artisti (2011),Beynəlxalq Muğam Mərkəzinin direktoru (2011-2023),Azərbaycan Respublikasının Mədəniyyət Nazirinin müavini (1 mart 2023-dən)

Həyat və yaradıcılığı[redaktə | mənbəni redaktə et]

Murad Hüseynov 1 dekabr 1973-cü ildə Bakıda anadan olub. O, yaradıcılıq fəaliyyətinə Bülbül adına Orta Xüsusi Musiqi Məktəbində başlayıb. 1991–1996-cı illərdə Bakı Musiqi Akademiyasında təhsil alaraq buranı fərqlənmə diplomu ilə bitirib və 1996–1999-cu illərdə bu Bakı Musiqi Akademiyası aspirantı (professor F. Bədəlbəylinin sinfi) olub. M. Hüseynov Fransa hökuməti tərəfindən təqaüdə layiq görülərək 2000–2002-ci illərdə A. Korto adına Paris Ali Musiqi Akademiyasının Liseyində, 2004–2006-cı illərdə isə P. Çaykovski adına Moskva Dövlət Konservatoriyasında peşəkar musiqi təhsilini davam etdirib.[1]

Murad Hüseynov beynəlxalq piano müsabiqələri laureatı (Fransa, 1998) və mükafatçısıdır (Tbilisi, Gürcüstan, 1997). O, Limojda keçirilən 3-cü Fransis Pulenk beynəlxalq piano müsabiqəsinin qalibidir (Fransa, 2002). O həmçinin fransız bəstəkarlarının əsərlərini ən yaxşı ifa etdiyinə görə 3 xüsusi mükafat da qazanmışdır.[1]

Pianoçu dünyanın müxtəlif ölkələrində (Fransa, İngiltərə, ABŞ, İtaliya, İspaniya, Türkiyə, Yaponiya, Rusiya, Almaniya, Macarıstan, Gürcüstan, Malta, Əfqanıstan və s.) Azərbaycanın ifaçılıq mədəniyyətini təmsil edir. O, bir çox klassik musiqi festivallarında iştirak etmişdir: Bax Musiqi Festivalı (İstanbul, 2000), Piano Festivalı (İstanbul, 2000), Fortepiano Festivalı (İstanbul, 2000), Fortepiano Festivalı (Hiroşima, 2002), Musiqili Kreml (Moskva, 2004) və s.[2]

Musiqiçi bir sıra məşhur orkestr və ansambllar — London Kral Filarmonik Orkestri, Limoj Simfonik Orkestri (Fransa), Azərbaycan Dövlət Simfonik Orkestri, Qara Qarayev adına Dövlət Kamera Orkestri, (Azərbaycan), Yeni Rus Kvarteti (Rusiya) və s. ilə konsertlərdə çıxış etmişdir. Onun çıxış etdiyi konsert zalları sırasına P. İ. Çaykovski adına Moskva Dövlət Konservatoriyasındakı Raxmaninov zalı, Dövlət Kreml Sarayı (Moskva), Pleyel, Korto zalları, Fransa Senatı əsas zalı, Beynəlxalq Diplomatik Akademiya (Paris), Auditoriya (Roma), Dunay Sarayı (Budapeşt), Camal Rəşid Rey (İstanbul) və s. daxildir.[2]

Murad Hüseynov Bakı Musiqi Akademiyasında pedaqoji fəaliyyətlə də məşğul olmuşdur. O, 2011-ci ilin noyabr ayında Beynəlxalq Muğam Mərkəzinin direktoru təyin edilmişdir.[3]

2023-cü il mart ayının 1-də Azərbaycan Respublikasının Prezidenti cənab İlham Əliyevin sərəncamı ilə Azərbaycan Respublikası mədəniyyət nazirinin müavini vəzifəsinə təyin edilib

Ailəsi[redaktə | mənbəni redaktə et]

Ailədir. İki övladı var.

Mükafatları[redaktə | mənbəni redaktə et]

Azərbaycan
Digər dövlətlər

İstinadlar[redaktə | mənbəni redaktə et]

  1. ↑ 1 2 "Murad Huseynov" (PDF). caspianetude.az (ingilis). International Competition for Young Pianists. İstifadə tarixi: 9 fevral 2020.[ölü keçid]
  2. ↑ 1 2 Conway, P.; Swierczewski, J. Gara Garayev Sonata for Violin and Piano; 24 Preludes for Piano (PDF) (ingilis). London: Toccata Classics. 2017. səh. 12. 2021-09-01 tarixində arxivləşdirilib (PDF). İstifadə tarixi: 2020-02-14.
  3. ↑ "Beynəlxalq Muğam Mərkəzinə direktor təyin olunub". apa.az. 26 noyabr 2011. 15 fevral 2020 tarixində arxivləşdirilib. İstifadə tarixi: 14 fevral 2020.
  4. ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". e-qanun.az. 16 sentyabr 2005. 15 fevral 2020 tarixində arxivləşdirilib. İstifadə tarixi: 9 fevral 2020.
  5. ↑ "Üzeyir Hacıbəyli adına Bakı Musiqi Akademiyasının əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". president.az. 20 dekabr 2011. 15 fevral 2020 tarixində arxivləşdirilib. İstifadə tarixi: 9 fevral 2020.
  6. ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". e-qanun.az. 5 may 2009. 15 fevral 2020 tarixində arxivləşdirilib. İstifadə tarixi: 15 fevral 2020.
  7. ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". e-qanun.az. 5 may 2010. 15 fevral 2020 tarixində arxivləşdirilib. İstifadə tarixi: 15 fevral 2020.
  8. ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". e-qanun.az. 3 may 2011. 15 fevral 2020 tarixində arxivləşdirilib. İstifadə tarixi: 15 fevral 2020.
  9. ↑ 1 2 3 "Heydər Əliyev Mərkəzində "Heksameron" əsəri altı ölkə pianoçularının ifasında təqdim olunacaq". Azərbaycan Dövlət İnformasiya Agentliyi. 13.02.2019. 15 fevral 2020 tarixində arxivləşdirilib. İstifadə tarixi: 9 fevral 2020.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]

Mənbə — "https://az.wikipedia.org/w/index.php?title=Murad_Hüseynov_(pianoçu)&oldid=7160072"