Nəcəflilər

Vikipediya, açıq ensiklopediya
Jump to navigation Jump to search
Nəcəfovlar
Titul Bəy
Əcdadı Qaçaq Nəcəf
Mənşəyi Azərbaycan Azərbaycan, Qazax, Aslanbəyli
Təbəəliyi Qazax qəzası, Rusiya İmperiyası
Torpaqları

Azərbaycan Azərbaycanın Qazax rayonunun Aslanbəyli kəndi

Azərbaycan Azərbaycanın Ağstafa rayonunun Qıraq Kəsəmən kəndi

İranın Cənubi Azərbaycan bölgəsinin Qərbi Azərbaycan ostanının (vilayətinin) Xoy şəhristanı

NəcəflilərAzərbaycan xalqının tanınmış soylarından biri. Qaçaq Nəcəfin nəslindəndirlər. Soyun ulu babası Qaçaq Nəcəf Qaçaq Kərəmin babası (ata babası) Molla Zalın qardaşıdır.

Haqqında[redaktə | əsas redaktə]

Qazax rayonunun Aslanbəyli kəndinə mənsub bəy və qaçaq nəslidir.

Soyun zəngin tarixi var. Qaçaq Kərəmin soyundandırlar. Bu nəslin nümayəndələri igidlikdə şan-söhrət qazanmışlar. Bir çox idmançı və pəhləvanları, igid və qəhrəman oğulları ilə tanınmışdır. Nəcəfin ulu babaları 18-ci əsrin əvvəllərində qaçaqlıq edərək Qazax Sultanlığının Kəsəmən kəndindən (indiki Ağstafa rayonu Qıraq Kəsəmən ərazisindən) Cənubi Azərbaycanın Xoy ərazisinə köçmüşlər. 100-120 il orada məşkunlaşmış və ad-san qazanmışlar.

Bir gün düşmənləri guya intiqam almaq adıyla Nəcəfgilin atasını güllələyirlər. Buna dözə bilməyən qardaşlar alınmayan sədd qururlar və atasının qisasını alırlar.

Bir çox düşmənləri olan Nəcəf və 5 qardaşı babaları İskəndər bəyin məsləhəti ilə 19-cu əsrin 30-cu illərində öz ata-baba yurdları olan Qazax elinə qayıdırlar.

Əsasən Ağstafanın Qıraq Kəsəmən, Aşağı Kəsəmən (Yenigün), Qaçaq Kərəm (Ağstafa), Dağ Kəsəmən, Zəlimxan, Poylu kəndlərində, Qazaxın Çaylı, Bala Çaylı (Kommuna Çaylı) kəndlərində, Göyçə mahalının Basarkeçər rayonunun Kəsəmən kəndindən, Gədəbəyin Kəsəmən, Samuxun Kəsəmən, Poylu kəndlərində, Cənubi Azərbaycanın Xoy şəhristanında, Borçalının Marneuli rayonunun Sadaxlı, Sadaxlıya yaxın Yenikənd kəndlərində Qardabani rayonunun Soğanlıq kəndlərində Nəcəflilər soyuna yaxın soylar var.

Nəcəfin babası Kəsəmənli İsgəndər bəyin soyunun qolları[redaktə | əsas redaktə]

Nəcəfgil 6 qardaş olmuşlar. Xoyda babaları İskəndər bəyin məsləhəti ilə tarixi yurdları olan Qazax elində məskunlaşırlar.

Soyun tanınmış nümayəndələri[redaktə | əsas redaktə]

  • Qaçaq Kərəm(1860-1910)- Azərbaycanın xalq qəhrəmanı, XIX əsrin sonu, XX əsrin əvvəllərində Qərbi Azərbaycan, Türkiyə, İranRusiyada tanınmış qaçaq.
  • Qaçaq Nəcəf (Təqribi 19-cu əsrin 10-cu illərindəndir) - Məşhur bəy və qaçaq. Aslanbəyli kəndinin Nəcəflilər soyunun ulu babasıdır.
  • Molla Zal - Məşhur bəy və qaçaq.
  • Nəcəf oğlu Abdulla - Məşhur bəy və igid. Qaçaq Nəcəfin oğludur. Aslanbəyli kəndindəndir.
  • Nəcəf oğlu Mahmud (Mahmud Nəcəfov) - bəy və igid. Cəsur, namuslu və ədalətli insan olmuşdur. Sovet hökumətinin təqibindən qorxmayaraq onların xalqa zülm və işgəncə gətirdiyini söyləmişdir. 1931-ci ildə rus əsgərləri tərəfindən kənddə güllələnmişdir. Qaçaq Nəcəfin oğullarından Əhmədin oğludur. Aslanbəyli kəndindəndir.
  • Nəcəf oğlu Məmməd - bəy və igid. Cəsur, namuslu və ədalətli insan olmuşdur. Qaçaq Nəcəfin nəvəsidir. Aslanbəyli kəndindəndir.
  • Abbas oğlu Məhəmməd (Məhəmməd Abbas oğlu Nəcəfov) — Hacı Mahmud Əfəndi Məscidi dini icmasının keçmiş sədri, Aslanbəyli kəndinin Baş Mollası. Qaçaq Nəcəfin oğullarından Abdulla bəyin nəvəsidir.
  • Zakir Nəcəfov (1952) - alim, İqtisadi İslahatlar Elmi Tədqiqat İnstitunun baş elmi işçisi, AMEA İqtisad İnstitunun elmlər doktoru, AMEA-nın Maliyyə-iqtisad şöbəsinin rəisi. Qaçaq Kərəmin babası (ata tərəfdən babası) Molla Zalın qardaşlarından Qaçaq Nəcəfin kötücəsidir. Aslanbəyli kəndindəndir.
  • Nəcəf Talıbov (1956) - Azərbaycan Respublikası Auditorlar Palatası sədrinin elmi-metodik məsələlər üzrə müşaviri, Azərbaycan Respublikasının “Fəxri auditor”u. 1999-cu ildən Azərbaycan Respublikası Auditorlar Palatasının, 2000-ci ildən Beynəlxalq Daxili Auditorlar İnstitutunun (İİA) üzvü, “Tərəqqi” medallı. Ağköynək kəndindəndir. Ulu babası Talıb Qaçaq Kərəmin babası (ata babası) Molla Zalın qardaşıdır.
  • Ramiz Tağıyev (Ramiz Cahangir oğlu Tağıyev) - Sərbəst güləş üzrə SSRİ idman ustası, SSRİ bədən tərbiyə əlaçısı, Respublika dərəcəli hakim, Azərbaycanın fəxri bədən tərbiyə idman işçisi, Ali koteqoriyalı məşqçi-müəllim, Əməkdar məşqçi, Fəxri idman xadimi, “Qızıl qələm”, “Məmməd Araz” mükafatları laureatları. Firdovsi Umudovun müəllimi olmuşdur. Molla Zalın soyundandır.
  • (Ana tərəfdən) Balasöyün- XIX əsrin sonu, XX əsrin əvvələrində tanınmış qaçaq.Qaçaq Kərəmin silahdaşı və bibisi oğludur. Xalq şairi Hüseyn Arifin babasıdır (ata babası). Anası Gülnaz xanım Molla Zalın qızıdır.
  • (Ana tərəfdən) Fərhad Seyidov (Fərhad Musa oğlu Seyidov) (d. 1940) — Dosent, AMEA Fizika İnstitunun fəlsəfə doktoru. Anası Pəri xanım Aslanbəyli kəndinin Nəcəflilər soyundandır.
  • (Nənəsi tərəfdən) Hüseyn Arif(1924-1992)-Azərbaycanın xalq şairi, 1949-cu ildən AYİ-nın üzvü, "Qızıl oraq" mükafatı, (1971), Azərbaycan SSR Dövlət Mükafatı laureatı (1978). Balasöyünün nəvəsidir.
  • (Nənəsi tərəfdən) Səməd Seyidov (Səməd İsmayıl oğlu Seyidov) (d. 1964) — Alim, psixologiya elmləri doktoru, professor, Azərbaycan Respublikasının Milli Məclisinin deputatı. Ana nənəsi tərəfdən Nəcəflilər soyundandır.

Məmləkətlərinin xəritəsi[redaktə | əsas redaktə]

Mənbə[redaktə | əsas redaktə]

  • Fikrət Seyidov. Aslanbəylidən başlanan xatirələr. Bakı: 2000, 350 səh.
  • Telman Qəhrəmanov. Qaçaq İsmayıl. Bakı. Şəms: 2006, 192 səh.

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]