Nadir Rüstəmov

Vikipediya, azad ensiklopediya
Jump to navigation Jump to search
Nadir Rüstəmov
Nadir Rüstəmov.png
bayraqAzərbaycan SSR meliorasiya və su təsərrüfatı naziribayraq
18 aprel 1974 — 21 mart 1980
Sələfi Zülfüqar Bağırov
Xələfi Mahmud Əliyev
bayraqAzərbaycan SSR Nazirlər Soveti Dövlət Su Təchizatı, Su Ehtiyatlarının Mühafizəsi və İşlədilməsi İstehsalat Komitəsinin sədribayraq
15 oktyabr 1964 — 18 aprel 1974
Sələfi qurumun adı dəyişdirilib
Xələfi qurum ləğv edilib
bayraqAzərbaycan SSR Nazirlər Soveti Yerüstü və Yeraltı Su Ehtiyatlarını İşlətmə və Mühafizə Komitəsinin sədribayraq
14 mart 1961 — 15 oktyabr 1964
Sələfi qurum yaradılıb
Xələfi qurumun adı dəyişdirilib
1961–1963-cü illərdə Yerüstü və Yeraltı Su Ehtiyatlarından İstifadə və Onları Mühafizə Komitəsinin sədri kimi
bayraqAzərbaycan Kommunist Partiyası Mirbəşir Rayon Komitəsinin birinci katibibayraq
1957 — 1960
Xələfi Salman Məlikov
Şəxsi məlumatlar
Doğum tarixi 1913
Doğum yeri
Partiya
Təhsili

Təltifləri "Şərəf nişanı" ordeni "Qafqazın müdafiəsinə görə" medalı

Nadir Həbib oğlu Rüstəmov — Azərbaycan-sovet dövlət xadimi, Azərbaycan SSR meliorasiya və su təsərrüfatı naziri (1974–1980), Azərbaycan SSR Nazirlər Soveti Dövlət Su Təchizatı, Su Ehtiyatlarının Mühafizəsi və İşlədilməsi İstehsalat Komitəsinin (1964–1974) və Yerüstü və Yeraltı Su Ehtiyatlarını İşlətmə və Mühafizə Komitəsinin (1961–1964) sədri.

Həyatı[redaktə | mənbəni redaktə et]

Nadir Həbib oğlu Rüstəmov 1913-cü ildə Tərtərdə yoxsul kəndli ailəsində anadan olmuşdur. Valideynlərini erkən yaşda itirdiyi üçün Tərtərdə uşaq evinə qəbul edilmiş, 1920–1925-ci illəri burada keçirmişdir. Burada o, birinci dərəcəli məktəbi bitirmiş, sonra isə Şuşa Pedaqoji Texnikumuna oxumağa göndərilmişdir. 1929-cu ildə texnikumu bitirdikdən sonra Tərtər rayonundakı Evoğlu kənd məktəbinə direktor təyin edilmiş və burada 1931-ci ilin sentyabr ayınadək işləmişdir.[1]

1931-ci ildə Nadir Rüstəmov Tiflisdəki Zaqafqaziya Mühəndis-Meliorasiya İnstitutuna daxil olmuş, 1933-cü ildə həmin institut Azərbaycan Kənd Təsərrüfatı İnstitutu ilə birləşdirildiyi üçün bu institutun Hidromeliorasiya fakültəsində təhsilini davam etdirmişdir. 1935-ci ildə fakültənin nəzəri kursunu bitirərək Tərtər HES tikintisində iş icraçısının köməkçisi vəzifəsində çalışmış və burada diplom işini başa çatdırıb müdafiə etmişdir.[1]

Nadir Rüstəmov 1938-ci ildə Bakıya gələrək Azərbaycan dəyirman tresti sistemində işləmiş, sonra Azərbaycan SSR Su Təsərrüfatı Xalq Komissarlığı Mexaniki Suvarma İdarəsinin tikinti qrupuna rəhbərlik etmişdir. 1944-cü ildə o, Azərbaycan SSR Dövlət Nəzarəti Nazirliyinə keçirilmiş, 1950-ci ildə SSRİ Dövlət Ərzaq və Material Ehtiyatları Nazirliyinin Azərbaycan ərazi idarəsi üzrə SSRİ Dövlət Nəzarəti Nazirliyinin baş nəzarətçisi təyin edilmişdir.[1]

Nadir Rüstəmov 1955–1957-ci illərdə Azərbaycan Kommunist Partiyası Mərkəzi Komitəsinin kənd təsərrüfatı şöbəsi müdirinin müavini[1], daha sonra müdiri işləmişdir.[2] 1960-cı ilədək Azərbaycan KP Mirbəşir Rayon Komitəsinin birinci katibi, 1961-ci ildən Azərbaycan SSR Nazirlər Soveti Yerüstü və Yeraltı Su Ehtiyatlarını İşlətmə və Mühafizə Komitəsinin, 1964-cü ildən isə Dövlət Su Təchizatı, Su Ehtiyatlarının Mühafizəsi və İşlədilməsi İstehsalat Komitəsinin sədri olmuşdur.[3] 1974-cü ildə Azərbaycan SSR meliorasiya və su təsərrüfatı naziri vəzifəsinə təyin edilmişdir.[2]

Nadir Rüstəmov 1945-ci ildə ÜİK(b)P (Sov.İKP) üzvü üzvlüyünə qəbul edilmişdir. O, Azərbaycan Azərbaycan Kommunist Partiyası Təftiş Komissiyasının sədri olmuş, 5-ci və 9-cu çağırış Azərbaycan SSR Ali Sovetinin deputatı seçilmişdir.[2]

İstinadlar[redaktə | mənbəni redaktə et]

  1. 1 2 3 4 Надир Һәбиб оғлу Рүстәмов // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 410.
  2. 1 2 3 Рүстәмов Надир Һәбиб оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 302.
  3. Rustamov, Nadir Garibogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 529.