Nazim Abdullayev (şəhid)

Vikipediya, azad ensiklopediya
Jump to navigation Jump to search
Nazim Abdullayev
Abdullayev Nazim Xanlar oğlu
Nazim Abdullayev (I).jpg
Doğum tarixi 10 noyabr 1967(1967-11-10)
Doğum yeri Laçın Rayonu
Vəfat tarixi 21 aprel 1994(1994-04-21) (26 yaşında)
Vəfat yeri Füzuli rayonu,Horadiz qəsəbəsi
Dəfn yeri Bakı şəhəri
Mükafatları "Azərbaycan Bayrağı" ordeni

Abdullayev Nazim Xanlar oğlu — “Azərbaycan Bayrağı” ordeni ilə təltif edilmiş döyüşçü, Qarabağ müharibəsi şəhidi.

Həyatı[redaktə | əsas redaktə]

Nazim Xanlar oğlu Abdullayev 10 noyabr 1967-ci ildə Laçın şəhərində doğulmuşdur[1].Laçın rayonu 1 saylı orta məktəbdə təhsil alıb. Orta məktəbi bitirdikdən sonra 1986-1988-ci illərdə Rusiyanın Vladivostok şəhərində hərbi xidmət keçmişdir. 1992-ci ildə oxuduğu Bakı Neft-Kimya Texnikumunu yarımçıq qoyaraq Laçın rayon Polis Şöbəsinin post-patrul xidmətinə polis nəfəri kimi baş serjant rütbəsində işə qəbul edilib.

Ermənilərin torpaqlarımıza göz dikdiyi andan silaha sarılaraq vətənimizin müdafiəsinə qalxmışdır.

Laçın rayonunun Zabux, Tığik, Cicimli, Güləbird, Zerti kəndləri uğrunda gedən döyüşlərdə qəhrəmanlıqla vuruşmuşdur.Füzuli Horadiz-Cəbrayıl istiqamətində gedən döyüşlər zamanı qəhrəmanlıqla vuruşub.

Horadiz qəsəbəsi döyüşlərində göstərdiyi şücaətə görə Azərbaycan Respublikası Prezidenti Heydər Əliyevin 18 dekabr 1993-cü il tarixli 77 saylı fərmanı ilə Azərbaycan Respublikasının müstəqilliyinin və ərazi bütövlüyünün qorunub saxlanmasında xüsusi xidmətlərinə görə Laçın rayon polis şöbəsinin polis nəfəri Abdullayev Nazim Xanlar oğlu “Azərbaycan Bayrağı” ordeni ilə təltif edilmişdir[2].

1994-cü il aprelin 21-də Füzuli rayonunun Horadiz qəsəbəsi uğrunda gedən döyüşlərdə şücaət göstərərək dostlarının mühasirədən çıxması üçün öz canını fəda etmiş, qəhrəmancasına həlak olmuşdur[3].

Bakı şəhərində II Fəxri xiyabanda dəfn edilib. Subay idi.

İstinadlar[redaktə | əsas redaktə]

4.http://karabakhmedia.az/main/6323-lachin-f edaisi.html?fbclid=IwAR2syvOTkT_yeS0SJRwLX-tJ70knWWl9-9Llm_ZgwhTheujkLzTYi2JzTsA