Güləbird

Vikipediya, azad ensiklopediya
Jump to navigation Jump to search
Güləbird
Güləbird.jpg
39°28′48″ şm. e. 46°36′31″ ş. u.
Ölkə
Tarixi və coğrafiyası
Saat qurşağı
Xəritəni göstər/gizlə
Güləbird xəritədə
Güləbird
Güləbird

GüləbirdAzərbaycan Respublikasının Laçın rayonu Güləbird kənd inzibati ərazi dairəsində kənd.[1]

Güləbird kəndi Həkəri çayının sahilində, dağətəyi ərazidədir.[2]

1993-cü ilin sentyabr ayında Ermənistan Respublikası Silahlı Qüvvələri tərəfindən işğal olunmuşdur.

2020-ci il noyabrın 9-u Azərbaycan Silahlı Qüvvələri tərəfindən işğaldan azad olunmuşdur.

Tarixi[redaktə | əsas redaktə]

1822-ci ildə Qarabağ xanlığı ləğv olunana qədər hazırkı Güləbird kəndi və ətaf əraziləri mərkəzi Şuşa şəhərində yerləşən Qarabağ xanlığına tabe olmuşdur. 1822-1840-cı Qarabağ xanlığı dağıldıqdan sonra ərazi komendatlıq üsuli-idarəsi ilə idarə olunmuş, 1840-cı ildən Qarabağ əyaləti Şuşa qəzasına çevrilmişdir. 1868-ci ildə Yelizavetpol quberniyası yaradılarkən Şuşa quberniyası bu quberniyaya tabe edilmişdir. 1924-cü ildə yeni Zəngəzur qəzası yaradılaraq Laçın rayonunun əksər hissəsi bu qəzanın tərkibinə verilmişdir. 1929-cu ildə qəzalar ləğv olundu və 1930-cu ildə Laçın rayonu yaradıldı. Məskunlaşması XVI-XVII əsrlərdən başlayan Novruzalılar, Yuxarı Məzməzək, Aşağı Məzməzək, Orta oba, Abas qışlağı, Rəfi, Bayramuşağı kəndləri Laçın rayonunun tərkibinə verildi.

1956-cı ildə bir-birinə yaxın olan qədim tarixləri olan Novruzalılar, Yuxarı Məzməzək, Aşagı Məzməzək, Orta oba, Abaş qışlağı, Rəfi, Bayramuşağı kəndlərinin birləşməsindən yaranıb. Qədim Zəngəzur mahalının bir kəndi olub. Güləbird kəndi Laçın rayonunun əhalisinin sayına, ərazisinin genişliyinə, təsərrüfatının çoxtərəfliliyinə, əlverişli iqlim və coğrafi mövqeyinə görə seçilən kəndlərindəndir. Güləbird kəndi Həkəri çayının sağ sahilində, Laçın rayonunun cənub bölgəsində sonuncu kəndidir. Qubadlı rayonuErmənistan Respublikasının kilometrlərlə uzanan sərhəddində yerləşir.

Keçmiş Güləbird kəndinin tarixi ərazisində salınmış bu kənd Azərbaycanda və digər ölkələrdə məşhur bayatı ustadı aşıq-şair Sarı Aşığın doğulduğu və yaşadığı kənd kimi tanınır.

Toponimikası[redaktə | əsas redaktə]

"Güləbird" toponimi haqqında elmi etimilogiyaya əsasən bu ərazilərin qədim türk torpaqları olduğu və aborigen əhalinin türk olmağı haqqında tarixi-coğrafi, mədəni-ədəbi bilgilər yetrincədir.

Yaşayış məntəqəsi Güləbird qalasının yaxınlığında yerləşdiyi üçün belə adlanmışdır. Güləbird qalasının adı isə "gil qalası, gellərə məxsus qala" deməkdir[3].

Şahyolu, Şahtaxtı, Sarıqaya və s. yer-yurd adları var.

Abidələri[redaktə | əsas redaktə]

XVII əsrdə yaradılan Sarı Aşıq türbəsi, Qədim qəbiristanlıq, qəbiristanlıqda çoxlu sayda oyma, yonma, cızma üsulu ilə daş üzərində həkk olunmuş bədii daş nümunələri var.

Kənd tarixi abidələri ilə zəngindir. Qədim qəbiristanlıq, Qız qəbri, Sultanbud künbəzi, Sarı Aşıq və sevgilisi Yaxşının qəbirüstü abidələri, Nəzər xırmanı, Köhnə Məzməzək, Novruzalılar yaşayış məskənləri və s.

1993-cı ildə erməni vandalları Sarı Aşıgın qəbrini tamamilə dağıtmışlar.

Coğrafiyası və iqlimi[redaktə | əsas redaktə]

Güləbird kəndi Həkəri çayının sahilində Qubadlı rayonu ilə sərhəddə yerləşir, rayon mərkəzindən 36 km məsafədədədir.

İqtisadiyyatı[redaktə | əsas redaktə]

Əsas təsərrüfatı heyvandarlıq və əkinçilikdir.

Əhalisi[redaktə | əsas redaktə]

Əhalisinin bir qismi Cənubi Azərbaycanın Qaradağlı mahalından gələn türk tayfaları təşkil edir. Məşguliyətləri əkinçilik və maldarlıq olub.

Tanınmışları[redaktə | əsas redaktə]

  • Sarı Aşıq — bayatı ustadı.
  • Hüseyn Abdullayev — Zəngəzur Qəza İcraiyyə Komitəsi sədrinin müavini (1921-1922).
  • Səbahəddin Eloğlu — yazıçı, tanınmış jurnalist.
  • Aydın Cəfərov — Professor, Fizika-riyaziyyat elmləri doktoru.
  • Cəbrayıl Qəhrəmanov — pedaqogika üzrə fəlsəfə doktoru, şair, yazıçı-publisist, Azərbaycan Yazıçılar Birliyinin üzvü.
  • Sevindik Hətəmov — icra başçısı.
  • Aqil Nəzərli — Laçın RİH-nin başçıçı
  • Rövşən Atakişioğlu — yazıçı, publisist.
  • Ağaxan Nəzərov — Azərbaycan Respublikasının Əməkdar Kənd Təsərrüfatı işçisi.
  • Mahir Abbaszadə — Azərbaycan iqtisadçı alimi, iqtisad elmləri üzrə fəlsəfə doktoru. Milli Məclisin deputatı
  • Zahir Abbas — şair, Azərbaycan Yazıçılar Birliyinin üzvü, "Qızıl qələm" mükafatı laureatı (2012).
  • Vüsal Məmmədov və ya Vüsal Mətləboğlu — tanınmış jurnalist.

İstinadlar[redaktə | əsas redaktə]

  1. Azərbaycan Respublikasının Dövlət Statistika Komitəsi (2019). "İnzibati ərazi bölgüsü təsnifatı" (PDF) (azərb.). stat.gov.az. 2020-04-16 tarixində arxivləşdirilib (PDF). İstifadə tarixi: 2020-04-16.
  2. "Güləbird". Azərbaycan toponimlərinin ensiklopedik lüğəti. I. Bakı: "Şərq-Qərb". 2007. 304. ISBN 978-9952-34-155-3.
  3. "Güləbird". Azərbaycan toponimlərinin ensiklopedik lüğəti. I. Bakı: "Şərq-Qərb". 2007. səh. 302. ISBN 978-9952-34-155-3.