Mirik

Vikipediya, açıq ensiklopediya
Keçid et: naviqasiya, axtar


Kənd
MİRİK
A-Lacin.PNG
Laçın rayonu
Ölkə Azərbaycan
Rayon Laçın
Koordinatlar 39°41′19″N 46°19′57″E / 39.68861°N 46.33250°E / 39.68861; 46.33250Koordinatlar: 39°41′19″N 46°19′57″E / 39.68861°N 46.33250°E / 39.68861; 46.33250
Saat qurşağı UTC+04:00
Mirik is located in Azerbaijan
Mirik

MirikAzərbaycan Respublikasının Laçın rayonu inzibati ərazi vahidində kənd. 1992-ci ildə Ermənistan Respublikası Silahlı Qüvvələri tərəfindən işğal edilmişdir.

Tarixi[redaktə | əsas redaktə]

Mirik kəndinin yuxarı hissəsi

Mirik kəndinin yaranma tarixi ilk orta əsrlərə, buradakı ilk insan məskənlərinin mövcudluğu isə ibtidai icma dövrünə qədər gedib çıxır. Bu kəndin ərazisindəki siklon xarakterli memarlıq nümunələri, antik qala, yeraltı mağaralar, tunellər və kəhrizlər Azərbaycan tarixini öyrənmək üçün çox maraqlı, əvəzsiz materiallardır.

Qədim dövrlərə aid daş əmək alətləri, daşdan yonulmuş istehsal vasitələri və Azərbaycanın qiymətli Mədəniyyət nümunələrindən sayılan bədii daşlar, qabartmalar, oymalar, ornamentlər və digər dekorativ tətbiqi sənətə aid olan əvəzsiz nümunələr Mirik kəndinin ərazilərində hələ də qalmaqdadır. Tarixən öz evlərini və ərazilərini xarici düşmənlərdən qorumaq üçün bu kəndin çoxlu sayda biri digərini əvəz edən Ələkbər Qələndər oğlu, Abbas Məmməd oğlu, Fərman Alirza oğlu kimi qoluzorlu kişiləri (sərkərdələri), mərd övladları olmuşdur.

Xain qonşularımızın Azərbaycan Respublikasına məlum təcavüzü zamanı Mirik kəndinin əhalisi də respublikamızın ərazi bütövlüyünün qorunması proseslərində yaxından iştirak etmişdir, ümumilikdə kənd respublikamızın ərazi bütövlüyü uğrunda gedən doyüşlərdə iki şəhid vermiş onlarla müharibə iştirakcısı olmuş və iki nəfər itkin düşmüşdur.

İtkin düşənlər.

1.Nəcəfalıyev Sərdar Əli oğlu.

2.Ağalarova Gülyetər Ədil qızı.

Şəhidlər.

1.Şərifov Şərif Müzəffər oğlu.

2.Həşimov Hamlet Kərim oğli.

Şərifov Şərif Müzəffər oğlu 1968-ci ildə Laçın rayonunun Mirik kəndində anadan olmuşdur. Orta təhsilini, hərbi xidmətini başa vurub, 1989-cu ildən Laçın polisinin tərkibində Laçının Ermənistanla həmsərhəd olan Sadınlar, Ağoğlan, Hacılar kəndinin erməni basqınçılarından qorunmasında iştirak edib. 1992-ci ilin aprel-may aylarında ermənilər Laçına güclü qüvvə və texnika ilə hücuma keçir. Şərif o zaman Fərcan, Suarası kəndlərində döyüşürdü. O döyüşlərdə düşməni xeyli itki verməyə məcbur edən döyüşçülərimizdən biri də Şərif olub. Laçının süqutundan sonra Şərif Hocazın, Mişninin müdafiəsində dayanan polislərimizin sırasında idi. Düşməndən xeyli videokassetlər, xəritələr ələ keçirən Şərif erməni ekspedisiya korpusunun Laçın dəhlizi vasitəsilə Qarabağa yeni qüvvə daşımasının qarşısını alanda da döyüşçülər arasında qorxmazlığı və cəsarətilə seçildi. Son döyüşü 1993cü ilin fevral ayında olan polis serjantı Şərif Şərifov Ağdərə-Kəlbəcər ərazisində şəhid olub. Məzarı Bərdənin Alaçadırlı kənd qəbiristanlığındadır.Ailəli idi 2 övladı var.

Mirik kəndi orta hissə

Tarixi abidələri[redaktə | əsas redaktə]

  • Məbəd, XVI-XIII əsr Mirik kəndi
  • Qala, Antik dövr Mirik kəndi
  • Sovmə, XVI əsr Mirik kəndi
  • Bulaq (Behbudalı bulağı), XVIII əsr Mirik kəndi
  • Dəyirman, Orta əsr Mirik kəndi
  • Evdamı, Orta əsr Mirik kəndi
  • Evdamı, Orta əsr Mirik kəndi
  • Evdamı, Orta əsr Mirik kəndi
  • Evdamı, Orta əsr Mirik kəndi
  • Qara dam, Orta əsr
  • Qara dam, Orta əsr Mirik kəndi
  • Qara dam, Orta əsr Mirik kəndi
  • Körpü, 1970 Mirik kəndi 45 Mağara (Qaranlıq kaha) Mirik kəndi
  • Kurqanlar (Təpələr) Mirik kəndi
  • Kalafalıq (yaşayış yeri), daş dövrü Mirik kəndi
  • Süjet xarakterli oyma Mirik dərəsi
  • Süjetli daş fiqur Mirik dərəsi

Məbəd-xvı-xvııı əsr - Mirik kəndinin qərb hissəsində (Bozlu kəndi istiqamətində) çılpaq sal daşlar üzərində inşa edilmiş və divar daşı üzərində tikilmə tarixi 1655-ci il yazılan Qafqaz Albaniyası dövrünün çox nadir memarlıq nümunələrindən biri olan üçnefli Bazilika hal – hazırda istifadəyə yararlı vəziyyətdə qalmaqdadır.

Bazilikanın xaricindən ümumi uzunluğu 20,60 metr eni isə 12 metrdir. Divarın qalınlığı 1,55 metrə bərabər olan abidənin tikintisində yerli pud daşlardan və əhəngdən istifadə olunmuşdur. Binanın yeganə çıxış qapısının ətrafı və cənub fasadı maraqlı ornamet və oymalarla bəzədilmişdir. Abidənin interyerində daş üzərində günəş saatı oyulmuşdur.

Bazilikanın daxili, içəri tərəfdən genişləndirilən 6 pəncərə vasitəsi ilə işıqlandırılır. Binanın daxili sütunları bərabər məsafədə dairəvi şəkildə formalaşdırılmışdır. Tağ daşlarının çıxıntıları binanın künc daşlarına qədər uzanaraq xüsusi bir dəqiqliklə hörülərək, binaya məxsusi bir gözəllik verir. Binanın tavanı fraqmetləşdirilən daşlarla yan divarların hörgüsünə bərkidilmişdir. Abidənin tikinti quruluşu deməyə əsas verir ki, bu abidənin istifadəsində dini ayinlərin icrası nəzərdə tutulmayıb.

İşğaldan sonra ermənilərin abidənin divarları üzərində dəyişiklik edib etməmələri hələlik bizə məlum deyildir. Yalnız bir şey məlumdur ki, Ermənistan Hökuməti 2006-ci ildən bu abidəyə öz xüsusi qərarrı ilə erməni kilsəsi statusu verib.

Sovet dövrü bu abidə kəndin əvvəlcə ərzaq ambarı sonralar isə kənd mədəniyyət evi kimi fəaliyyət göstərmişdir.

Coğrafiyası və iqlimi[redaktə | əsas redaktə]

Qırxbulagın meşəsi (Qalaca tərəfdən görünüş)

Mirik kəndi Həkəri çayın Minkənd qolunun sol sahilində, Bozlu kəndindən qərb tərəfə 2 km hündürlükdə dəniz səviyyəsindən 1440-1520 metr yüksəklikdə yerləşir.

Kəndin ərazisindən axan çaylar: Mirik çayı, Dəlikli suyu, Həkəri çayının Minkənd qolu.

Kəndin bulaqları: Alışan bulağı, Hümmət bulağı, Navlı bulaq,Şirinlərin bulagı,3 ədəd Şor bulaq, Korca bulaq, Daş bulaq, Şirin bulaq, Qızlar bulagı,Həmzə bulagı,Məmmo bulağı,2 ədəd Turş bulaq, Səlim bulağı, Şərih bulaq, Şeyin bulağı, Kərbəlayi Behbudalı bulağı, Göybulaq, Sona bulağı, Qırxbulaq.

Kəndin yer adları və örüşləri[redaktə | əsas redaktə]

Mirik cayı(caylar-Alma bagı,Gilas bagı),Kərimlərin bagı, Bəylərlərin-Sevdimalıların şamı,Cabbarların şamı,Qədmalların bagı,Gülmalların bagı,Ələkbərlərin bagı,Əmralların bagı,Mollauşagının bagı,Mehtilərin bagı,Qorcuların bagı,Hümmətlərin bagı, Nazdının yeri,Təpə,Əyrilər,Agalarların yerı,Novruzların yeri,Alışanın meşəsi,Sarı təpə,Qırrov şamı,Daşlı yol,Qasım əkən, Həsənlərin meşəsi,Dolayı yol,Enli dərə, Yanığın döşü, Haça daş, Qənşər tələsi, Mirik qüzeyi ,Damın quzeyi,Huruklər,Nagı talaları,Edilxan cuxuru,Top daş,Şirin bulagın dərəsi, Mirik güneyi ,Daşli guney,Mumlu qaya,Şaver talası,Çaxmaxlının guneyi,Qızıl qaya,Şişlər,Qalanın başı,Parca meşə, Qırxbulagın meşəsi, Qalanın dalı, Bayqarabaşı,Haxver talası,Qırxbulaq,Dəliklinin kahası,Dəliklinin dərəsi, Qülləqən çölü, Kalafalıq, Şeyin mərzi, Yurdlar, Qafar tələsi,Allahverdiölən dərə,Təpələr, Arpa dərəsi, Göybulaq, Sonabulagı,Quru dərə,İbrahim Xəlil qalagı, Qalax tələsi.

Əhalisi[redaktə | əsas redaktə]

Mirik kəndinin etnik tərkibi Azərbaycan Türklərindən ibarətdir. Faktiki olaraq əhalinin sayı 2000 nəfərdən çoxdur.

Nəsillər[redaktə | əsas redaktə]

  • Hopurlar ( və ya Hopurru) – qolları: Həsənlər, Abbaslar, Alirzalar, Alişanlar
  • Urtikli (Hurtikli)
  • Qəlilər (və ya Qəllər) – qolları: Gulmallar, Niftallar, Hüsenyuşağı, Nəcəflilər (və ya Qədmallar)
  • Dəmolar
  • Kolanılar
  • İmanlılar
  • Qaraxanlar – qolu: Həşimlər
  • Əhmədlər – qolları: Qorcular, Nurular, Ələsgərlər, Kərbəlayı, Suleymanlar (və ya Kərimlər)

İqtisadiyyatı[redaktə | əsas redaktə]

Əhalinin əsas məşğuliyyəti bostançılıq, bağçılıq, arıçılıq, heyvandarlıq və qismən də olsa toxuculuq idi. Son zamanlar kənddə ticarətə meyl artırdı. Kənd təsərrüfatı məhsullarının xüsusi ilə də kartof istehsalına görə Mirik kəndi rayonda çox mötəbər yerlərdən birini tuturdu. Əhalinin yaşayış evləri kahalardan, qara damlardan, və sonralar müasirləşən müasir tipli balkonlu kənd evlərindən ibarət idi.

İstinadlar[redaktə | əsas redaktə]

Qalereya[redaktə | əsas redaktə]

Xarici keçidlər[redaktə | əsas redaktə]