Dambulaq

Vikipediya, açıq ensiklopediya
Keçid et: naviqasiya, axtar
DAMBULAQ
Xəritə
Laçın rayonu
Laçın rayonu
Məlumatlar
Koordinatlar
İnzibati İdarə
Ölkə Azərbaycan
Rayon Laçın

DambulaqAzərbaycan Respublikasının Laçın rayonu inzibati ərazi vahidində kənd.

1992-ci ildə Ermənistan Respublikası Silahlı Qüvvələri tərəfindən işğal edilib.

Tarixi[redaktə | əsas redaktə]

Yaşlı nəslin nümayəndələrinin söylədiklərinə görə kəndin yaranma tarixi 1600-1650-ci illərə təsadüf edir. Həmin illərdə kəndin ərazisində Seyid Alı adlı xəlifə yaylaq kimi istifadə etmişdir. Sonradan Dambulağın düzü adlanan ərazidə Seyid Alı xəlifə dam tikdirmişdir. Rəvayətə görə uşaqlarının susuzluqdan əziyyət çəkdiyini görən Seyid Alı xəlifə çəliyini damın içərisində yerə vuraraq Allahdan su yetirməsini diləmiş və bununla da damın içərisindən bulaq çıxmağa başlamışdır. Məhz buna görə kəndin adı, damdan çıxan bulaq kimi Dambulaq adlandırılmışdır.

Kəndin ərazisində çoxsaylı qədim qəbirüstü abidələrin qalıqları, orta əsrlərə aid olan yazı və məişət əşyalarının nümunələri mövcuddur.

Mədəniyyəti[redaktə | əsas redaktə]

Kənddə orta məktəb, mədəniyyət evi, kitabxana, tibb məntəqəsi, uşaq bağçası və mağaza əhaliyə xidmət göstərirdi.

Coğrafiyası və iqlimi[redaktə | əsas redaktə]

Dambulaq kəndi Laçın rayonunun şimal hissəsində rayon mərkəzindən 72 km-lik bir məsafədə yerləşir. Dəniz səviyyəsindən 1800 metr yüksəklikdə yerləşən kənd, rayonun Şəlvə, İmanlar, Kaha, Oğuldərə, ZağaaltıQorçu kəndləri ilə həmsərhəddir.

Əhalisi[redaktə | əsas redaktə]

Kənd əhalisinin milli tərkibi azərbaycanlılar olmaqla ümumi sayı 786 nəfər 204 ailədən ibarətdir. (01 yanvar 2011-ci il tarixli məlumata əsasən)

İqtisadiyyatı[redaktə | əsas redaktə]

Əsas təsərrüfatı heyvandarlıq, əkinçilik, bostançılıq və arıçılıqdan ibarət olmuşdur. Əhalinin istehsal etdiyi əsas məhsullar ət, yağ, pendir, yun, xalça, bal müxtəlif taxıl məhsullarından və tərəvəzlərdən ibarət idi.

İstinadlar[redaktə | əsas redaktə]