Daşlı (Laçın)

Vikipediya, azad ensiklopediya
Jump to navigation Jump to search
Daşlı
39°49′07″ şm. e. 46°19′41″ ş. u.
Ölkə  Azərbaycan
Rayon Laçın rayonu
Tarixi və coğrafiyası
Saat qurşağı
Daşlı xəritədə

DaşlıAzərbaycan Respublikasının Laçın rayonu Daşlı kənd inzibati ərazi dairəsində kənd.[1]

Tarixi[redaktə | mənbəni redaktə et]

Daşlı kəndi Şəlvə çayının (Həkəri çayının qolu) sahilində, Çalbayır silsiləsinin ətəyindədir. Kəndin ərazisi XIX əsrdə Zəngəzur qəzasında yaşamış qaracorlu tayfasının əliyanlı qolunun qışlaqlarından biri olmuşdur. Sonralar həmin tayfaya mənsub ailələrin məskunlaşması nəticəsində qışlaq daimi yaşayış məntəqəsinə çevrilmışdır. Kənd daşlı ərazidə salındığına görə belə adlandırılmışdır.[2]

Laçın rayonu ərazisindəki Şəlvə çayının hər iki sahilində yerləşən kəndin şimal hissəsi sıx meşəlik, cənub hissəsi isə daşlı - qayalı pöhrəlik olduğundan kəndin adı Daşlı adlandırılmışdır. Kəndin ərazisində Alban mədəniyyətinin yadigarı olan qədim məbəd mövcuddur.

1992-ci ildə Ermənistan Silahlı Qüvvələri tərəfindən işğal edilib[3]. 2020-ci ildə İkinci Qarabağ müharibəsi sonunda imzalanmış atəşkəs bəyanatına əsasən 1 dekabr 2020-ci ildə Azərbaycan Silahlı Qüvvələri tərəfindən işğaldan azad olunub.

Mədəniyyəti[redaktə | mənbəni redaktə et]

Orta məktəb, mədəniyyət evi, çörəkbişirmə sexi, kitabxana, tibb məntəqəsi, rabitə şöbəsi, dəyirmanı və üç mağazası var idi. Azərbaycan Respublikası Nazirlər Kabinetinin 16 sentyabr 1996-cı il qərarı ilə Daşlı kənd klubuna Sulduz Arif oğlu Tağıyevin, Daşlı kənd kitabxanasına Elşad Lətif oğlu Həsənovun adları verilmişdir.

Coğrafiyası və iqlimi[redaktə | mənbəni redaktə et]

Kəndin ərazisi Kiçik Qafqaz dağ massivinə mənsub olan Qarabağ vulkanik yaylasında yerləşir. Rayonun Hətəmlər, Vəlibəyli, Şəlvə, NarışlarKaha kəndləri ilə həmsərhəddir. Rayon mərkəzindən 55 km. şimal qəbdə, Çalbayır silisiləsin ətəyində, Şəlvə çayının (Həkəri çayının qolu) sahilində yerləşir.

İqtisadiyyatı[redaktə | mənbəni redaktə et]

Əsas təsərrüfatı heyvandarlıq idi.

Əhalisi[redaktə | mənbəni redaktə et]

Kəndin əhalisi əsasən bir nəslin törəməsi olmuşdur. Həsənin oğlanları Hüseynxanın, İbrahimxanın, Qələndərin və Cəfərqulunun (Cəfərxanın) Daşlıya gəlmələri təxminən XVIII əsrin əvvəllərinə təsadüf etmişdir. Kəndin əhalisi bu üç qardaşın, Hüseynxanın, İbrahimxanın, Qələndərin nəslindən olanlardır[4].

Kənd əhalisi milli tərkibinə görə azərbaycanlılardı. 2011-cu il yanvar ayına olan məlumata əsasən kənd əhalisinin sayı 932 nəfərdir, 191 ailədən ibarətdir.

Şəhidləri[redaktə | mənbəni redaktə et]

Kənd əhalisindən Qarabağ müharibəsi zamanı şəhidlik zirvəsini fəth edən fatehlər:

  1. Elşad Lətif oğlu Həsənov (1972-1993)
  2. Xəlil Qədir oğlu Həsənov (?)
  3. Təvəkkül Baxış ğlu Əmirov (1954-1992)
  4. Raya Qabil qızı Əmirova (1959-1992)
  5. Silduz Arif oğlu Tağıyev (1974-?)

İstinadlar[redaktə | mənbəni redaktə et]

  1. Azərbaycan Respublikasının Dövlət Statistika Komitəsi (2019). "İnzibati ərazi bölgüsü təsnifatı" (PDF) (azərb.). stat.gov.az. 2020-04-16 tarixində arxivləşdirilib (PDF). İstifadə tarixi: 2020-04-16.
  2. Daşlı (Laçın) // Azərbaycan toponimlərinin ensiklopedik lüğəti. I cild. Bakı: "Şərq-Qərb". 2007. 304. ISBN 978-9952-34-155-3.
  3. "Laçının zəngin təbii ehtiyatları 17 ildir düşmən işğalı altındadır". 2011-08-23 tarixində orijinalından arxivləşdirilib. İstifadə tarixi: 2009-09-17.
  4. Pərviz İsmayılov. "Daşlı kəndi", "Laçın yurdu" jurnalı, №4(11), 2013. Bakı, "Bəxtiyar-4" nəşriyyatı. səh. 32.