Lolabağırlı

Lolabağırlı
Lolabağırlı
	39°53′44″ şm. e. 46°21′28″ ş. u.HGYO
Ölkə	Azərbaycan;
Region	Şərqi Zəngəzur iqtisadi rayonu
Rayon	Laçın rayonu
Tarixi və coğrafiyası
Saat qurşağı	UTC+04:00;
	Xəritəni göstər/gizlə Lolabağırlı

Lolabağırlı — Azərbaycan Respublikasının Laçın rayonunun Qarabəyli kənd inzibati ərazi dairəsində kənd.^[1]

1992-ci ildə Ermənistan Respublikası Silahlı Qüvvələri tərəfindən işğal edilib. 1 dekabr 2020-ci ildə Azərbaycan Silahlı Qüvvələrinin nəzarətindədir.

Tarixi

Lalabağırlı kəndi Mamalıçayın (Qorçuçayın qolu) sahilində, dağətəyi ərazidədir. Yerli əhali arasında Lolabağırlı variantında işlənir. Yerli əhalinin məlumatına görə, kəndi Lala Bağır adlı şəxs saldığı üçün onun adı ilə adlandırılmışdır. Oykonim Lələ Bağır antroponimindən və mənsubiyyət bildirən -lı şəkilçisindən düzəlmişdir.^[2] 1902-ci ilə qədər bu ərazilər Qorçu kəndinin yaylağı olub sonradan kiçik bir kənd yarandığı üçün Lələbagirli adlanıb. Kənd camaatı deməy olarki yığma camaat olaraq həm Zağaltın həmdə Qorçu camaatından ibarətdir.

Toponimikası ilə bağlı rəvayət

Rəvayətə görə, kənddə Bağır adlı bir kişi yaşayırmış. Bu kişinin gözünün ağı-qarası bircə oğlu var imiş. Oğlan çox dikbaş imiş. Kənd ağasının sözünə baxmadığı üçün onu boğazından asırlar. Bağır oğlunu kəndinin başı üzərindəki yüksək təpədə basdırır.

Bağır hər gün təpənin başına, oğlunun qəbrini görməyə gedir, lölə (haray) çəkib ağlayır. Nəhayət o, qəbrin üstündə lölə çəkə–çəkə ölür. Camaat Bağırı oğlunun yanında dəfn edir. Həmin hadisədən sonra kəndin adı Löləbağırlı (Lolabağırlı) qalır.

Mədəniyyəti

Qorçu kəndində ibtidai məktəb, kitabxana, tibb məntəqəsi, mağaza və başqa sosial obyektlər var idi.

Coğrafiyası və iqlimi

Kənd rayon mərkəzindən 75 km şimal-qərbdə yerləşir.

Əhalisi

Kənd əhalisi milliyyətcə azərbaycanlılardan ibarətdir.

2006-cı ilin statstikasına görə kəndin əhali sayı 350 nəfər olmuşdur.

2009-cu il dekabr ayına olan məlumata əsasən kənd əhalisinin sayı 395 nəfərdir.

Kənd əhalisindən Birinci Qarabağ müharibəsi zamanı şəhid olanlar:

Qənəhət Ələsgər oğlu Quliyev (1944–1994).

İqtisadiyyatı

Əsas təsərrüfatı heyvandarlıq idi.

İstinadlar

↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 28 fevral 2024. 14 mart 2024 tarixində arxivləşdirilib (PDF). İstifadə tarixi: 5 aprel 2024.
↑ Lolabağırlı // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.

[1] Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 28 fevral 2024. 14 mart 2024 tarixində arxivləşdirilib (PDF). İstifadə tarixi: 5 aprel 2024.

[2] Lolabağırlı // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.

[1]

[2]