Alıqulu

Vikipediya, açıq ensiklopediya
Keçid et: naviqasiya, axtar
ALIQULU
Xəritə
Laçın rayonu
Laçın rayonu
Məlumatlar
Koordinatlar
İnzibati İdarə
Ölkə Azərbaycan
Rayon Laçın

AlıquluAzərbaycan Respublikasının Laçın rayonu inzibati ərazi vahidində kənd.

1992-ci ildə Ermənistan Respublikası Silahlı Qüvvələri tərəfindən işğal edilib.

Tarixi[redaktə | əsas redaktə]

Alıqulu kəndi vaxtı ilə o, dövrki bəylərin nəzarətində olan ərazi olubdur. Alı uşağı nəslindən olan bəylər başqa millətlərin nümayəndələrini bu ərazidə qul kimi işlətmişdilər. Bu səbəbdən də kəndin adı Alı uşağının qulu, sonradan isə Alıqulu kimi adlandırılmışdır. Kənd qədim yaşayış məskəni olmuşdur. Qazıntılar zamanı kənddə tapılan küp qəbrlər və s. bunun sübutudur.

Mədəniyyəti[redaktə | əsas redaktə]

Kənddə orta məktəb, mədəniyyət evi, kitabxana, qarışıq mallar mağazası, feldşer-mama məntəqəsi fəaliyyət göstərirdi. Bundan əlavə Alıqulu kəndinin ətrafında "Yalkənd" adlanan dağın üstündə kiçik həcmli televizor ötürücü stansiyası fəaliyyət göstərirdi. Kəndin idarə və müəsisələri, 50-ə yaxın fərdi yaşayış evi telefonlaşdırılmışdır.

Azərbaycan Respublikası Nazirlər Kabinetinin 17 sentyabr 1996-cı il qərarı ilə Alıqulu kənd mədəniyyət evinə şəhid Sədrəddin Nurəddin oğlu Allahverdiyevin adı verilmişdir.

Coğrafiyası və iqlimi[redaktə | əsas redaktə]

Alıqulu kəndi rayon mərkəzinin şimal-qərbində yerləşir. Rayon mərkəzindən 36 km məsafədədir. Ərazisi 834 ha-dır (Meşəli ərazilər daxil deyildir). Kənd Pircahan kənd inzibati ərazi vahidliyinin tabeliyindədir. Dəniz səviyyəsindən 1500-1600 mr yüksəklikdədir. Laçın-Kəlbəcər, Laçın-Şəlvə-Qorçu magistral yolunun üstündədir. Pircahan, Aşağı Qaraçanlı, Yuxarı Qaraçanlı, Bülövlük yaşayış məntəqələri ilə həmsərhəddir. Kəndin ətrafında "Mirəyal" dağ meşələri, Yalkənd dağı və Şeştaxta adlanan düzənlik, Qızdırma bulağı, Daş bulaq və s. yerləşir.

Əhalisi[redaktə | əsas redaktə]

Erməni işğalınadək kənd əhalisi əsasən Azərbaycan türklərindən ibarət idi. Lakin assimlyasiya olunmuş kürdlər də yaşayırdılar. Belə ki, Məmmədsəfilər deyilən nəslin əsli 19-cu əsrin əvvəlində İrandan gəlmiş kürd idi

[1]

[2]. Erməni işğalında qədər kənddə evlərin sayı 86, əhalinin sayı 369 nəfər olmuşdur.

Tanınmış şəxsiyyətlər

  1. Novruz Əzimov - Bakı futbol klubunun baş məşqçisi.
  2. Ənvər Hüseynov - Uzun müddət Azərbaycanın Moskvada daimi nümayəndəliyinin rəhbəri olmuşdur.
  3. Miriş Hüseynov - Kimya elmləri namizədi.
  4. Mülkünat Ağayeva - Əmək qəhrəmanı "Lenin ordeni" ilə təltif edilmişdir.
  5. Söhrab İbrahimov - Rusiya Federasiyası Yaroslav Azərbaycan Konqresinin sədri.

Kənd əhalisindən Qarabağ müharibəsi zamanı şəhidlik zirvəsini fəth edən fatehlər

  1. Allahyarov Nurəddin Sədrəddin oğlu - 25 oktyabr 1994-cü ildə Laçın rayonunun Piçənis kəndində şəhid olub.
  2. Allahyarov İlqar Nurəddin oğlu - 10 yanvar 1994-cü ildə Füzuli rayonunda şəhid olub.

İqtisadiyyatı[redaktə | əsas redaktə]

Əsas təsərrüfatı heyvandarlıq idi.

İstinadlar[redaktə | əsas redaktə]

Xarici keçidlər[redaktə | əsas redaktə]