Vağazin

Vağazin
39°46′47″ şm. e. 46°28′44″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	1.510 m
Saat qurşağı	UTC+04:00
Vağazin
Vikianbarda əlaqəli mediafayllar

Vağazin — Azərbaycan Respublikasının Laçın rayonu Vağazin kənd inzibati ərazi dairəsində kənd.

1992-ci ildə Ermənistan Respublikası Silahlı Qüvvələri tərəfindən işğal edilib. 1 dekabr 2020-ci ildə Azərbaycan Silahlı Qüvvələrinin nəzarətindədir.

Tarixi

Ölkəmizin qədim tarixə malik olan kəndlərindən biridir. Vağazin kəndinin adı bir rəvayətə görə şəxs, digər rəvayətə görə isə quş (vağ) adındandır. Bəzi məlumatlara görə isə kəndin digər adı Şorcur (Şorsu) olmuşdur. 1933-cü ildə kənd Vağazin kimi qeydə alınmışdır. Oykonim vaqa (kömür) və zin (İran dillərində “di”-nin sinonimi kimi yer mənasını bildirir) komponentlərindən düzəlib, “kömürçü kəndi” mənasındadır.

Mədəniyyəti

Vağazin kəndində orta məktəb, kitabxana, klub, tibb məntəqəsi və rabitə qovşağı var idi.

Alban dövrünə aid abidələr bu ərazilərdə onlarcadır.

Coğrafiyası və iqlimi

Vağazin kəndi təxminən rayon mərkəzindən 41 km şimal qərbdə yerləşir.

Ərdəşəvi çayının sahilində Qarabağ silsiləsinin yamacındadır.

Əhalisi

2009-cu il dekabr ayına olan məlumata əsasən kənd əhalisinin sayı 1098 nəfərdir.

Şəhidləri

1. Baxşəli Məmmədbağır oğlu İsayev (1940-1992)
2. Nadir Mikayıl oğlu İsayev (1964-1992)
3. Əlövsət Həmid oğlu Sarıyev (1969-1992)
4. Ələddin Süleymanov (1958-1993)
5. Nəsir Rəhim oğlu Nəsibov (1937-1992)
6. Səməd Aydın oğlu Əmirov (1932-1992)
7. Müzəffər Əfqan oğlu Qiyasov (1971-!992)

İqtisadiyyatı

Əsas təsərrüfatı heyvandarlıq idi.