Oçkanvəng monastırı

Vikipediya, azad ensiklopediya
Naviqasiyaya keçin Axtarışa keçin
Oçkanvəng monastırı
Ölkə  Azərbaycan
Şəhər Xocalı
Yerləşir Badara kəndi
Tikilmə tarixi XII-XIII əsrlər
Oçkanvəng monastırı (Azərbaycan)
Oçkanvəng monastırı

Oçkanvəng monastırıXocalı rayonunun Badara kəndi ərazisində yerləşən tarix-memarlıq abidəsi. Oçkanvəngin kitabəsi abidənin ən geci XII-XIII əsrlərdə inşa edildiyini göstərir.

Tarixi[redaktə | mənbəni redaktə et]

Ərazidə olan xaçdaşlar və kitabələr üzərinəki yazılar zədəli, bəzi yerlərdə isə silinmiş vəziyyətdədir. Lakin, kilsə kitabəsində qeyd edilən adlar Qarabağın digər abidələri və tarixi mənbələrdən də elmə məlumdur.[1] Kitabədə adı qeyd edilən Arzu Xatun III Aterk hakimi Vaxtanq Taqavoraznın həyat yoldaşıdır. Arzu Xatun Xudavəng monastırının başkilsəsinin də sifarişçisi olmuşdur və həmin kilsənin kitabəsində də Arzu Xatunun adı xatırlanır.[1] Kitabədə qeyd edilən digər ad Smbat isə Xaçın knyazı kimi Badara kilsəsindəki xaçdaşlardan birində qeyd edilir.[1] Oçkanvəngin kitabəsi abidənin ən geci XII-XIII əsrlərdə inşa edildiyini göstərir.[1]

Memarlıq xüsusiyyətləri[redaktə | mənbəni redaktə et]

Monastır əlçatmaz dağlıq ərazidə yerləşir. Kənd ərazisindəki Badara monastırından Oçkanvəngə kimi yolu olmayan meşəlik ərazi ilə təxminən 7-8 km yol qət edilməlidir. Sıx bitən nadir ağac növləri arasında yerləşən mamırlarla örtülü qayalığın zirvəzində Oçkanvəng monastırı yerləşir.[2]

Monastır kompleksi kilsə binası, bir neçə xaraba vəziyyətdə olan tikili və qədim qəbirsanlıqdan ibarətdir. Tağtavanlı örtüyə malik birnefli bazilika olan kilsə binası yaxşı saxlanmışdır. Kilsənin ibadət zalının şimal tərəfində iki köməkçi otaq yerləşir. Badara kəndinin digər abidələri kimi Oçkanvəngin kilsə binası da yonulmamış kobud daşlardan inşa edilmişdir.[2]

Kilsənin giriş qapısı qərb divarında yerləşir. Şərq divarında iki, şimal divarında isə bir pəncərə yeri vardır. Kilsə divarlarında dörd niş vardır.[2]

İstinadlar[redaktə | mənbəni redaktə et]

  1. 1,0 1,1 1,2 1,3 Mkrtçyan, 1989. səh. 159
  2. 2,0 2,1 2,2 Mkrtçyan, 1989. səh. 158

Ədəbiyyat[redaktə | mənbəni redaktə et]

  • Mkrtçyan, Ş. M., Историко-Архитектурные Памятники Нагорного Карабаха, İrəvan, 1989