Paşa Zamanov

Vikipediya, azad ensiklopediya
Naviqasiyaya keç Axtarışa keç
Paşa Zamanov
Zamanov Paşa Bayram oğlu
Doğum tarixi 13 mart 1927(1927-03-13)
Doğum yeri
Vəfat tarixi 12 oktyabr 2018(2018-10-12) (91 yaşında)
Vəfat yeri
Milliyyəti azərbaycanlı
Elm sahəsi Aqrokimya
Elmi dərəcəsi Aqrar elmlər doktoru
Elmi adı Professor
İş yerləri
Təhsili
  • K.A.Timiryazev adına Moskva Kənd Təsərrüfatı Akademiyası[d]
Mükafatları "Əmək veteranı" medalı
XTNS bürünc medalı Azərbaycan Respublikasının əməkdar elm xadimi

Paşa Bayram oğlu Zamanov (13 mart 1927, Sədərək, Naxçıvan MSSR – 12 oktyabr 2018, Bakı) — Aqrokimyaçı alim, aqrar elmləri doktoru, professor; Azərbaycanın əməkdar elm xadimi.[1]

Həyatı

[redaktə | mənbəni redaktə et]

Paşa Zamanov 13 mart 1927-ci ildə Naxçıvan Muxtar Respublikasının Sədərək rayonunda anadan olmuşdur.[2]

1952-ci ildə Timiryazev adına Moskva Kənd Təsərrüfatı Akademiyasının Aqronomluq fakültəsini bitirib.

12 oktyabr 2018-ci ildə Bakı şəhərində vəfat edib.[3]

Fəaliyyəti

[redaktə | mənbəni redaktə et]

Elmi fəaliyyəti

[redaktə | mənbəni redaktə et]

Timiryazev adına Moskva Kənd Təsərrüfatı Akademiyasının Aqronomluq fakültəsinin "Suvarılma əkinçiliyi" üzrə alim aqronom diplomunu aldıqdan sonra təyinatla Ümumittifaq Kənd Təsərrüfatı Akademiyasının tabeliyində olan Azərbaycan Pambıqçılıq institutuna göndərilmişdir. Həmin institutun Naxçıvan təcrübə tarlasına müdir təyin edilmişdir. İşlədiyi vaxt ərzində Naxçıvan MR-nın iqlim və torpaq şəraitində yüksək və keyfiyyətli məhsul verən pambıq, qarğıdalı, yonca və başqa yem bitkiləri sortlarının seçilməsi və yayılması sahəsində elmi tədqiqat işləri aparmışdır.

1958-ci ildə AMEA-nın aspirantırasına daxil olmuş və Azərbaycanın əsas tütünçülük rayonlarında tütün bitkisinin gübrələnməsi və becərilməsi sahəsində olan mövzunun icraçısı olmuşdur, 1963-cü ildə AMEA-nın Biologiya bölməsinin birləşmiş müdafiə şurasında namizədlik dissertasiyasını müdafiə emiş, kənd təsərrüfatı elmləri namizədi alimlik dərəcəsi almışdır.

1967–1968-ci illərdə Azərbaycan Milli Elmlər Akademiyasının Torpaqşünaslıq və Aqrokimya İnstitutunun elmi katibi, 1975-ci ildən bu günə qədər İnstitutun Üzvi gübrələr labortaoriyasının müdiri işləmişdir.

1991-ci ildə Moldova EA Bitki fiziologiyası İnstitutunun nəzdindəki ixtisaslaşdırılmış müdafiə şurasında "Azərbaycanda tütün bitkisinin gübrələnmə sistemi və qidalanmasının nizamlanması" mövzusunda doktorluq dissertasiyası müdafiə edərək, aqrar elmləri doktoru alimlik dərəcəsinə layiq görülmüşdür.

Elmi kadr hazırlanması sahəsindəki xidmətlərinə görə 1992-ci ildə SSRİ Ali Attestasiya Komissiyası tərəfindən "Professor" adına layiq görülmüşdür.

Apardığı elmi-tədqiqat işlərinin nəticəsi olaraq, 24 mövzuda tətbiq işlərinin müəllifi və iştirakçısı olmuşdur. 246 elmi əsərin, onlardan 1 monoqrafiya, 16 kitab, 5 tövsiyə, 14 patent və ixtiranın müəllifidir; 16 fəlsəfə doktorunun elmi rəhbəri, 30 nəfərin isə opponenti olmuşdur. 43 Beynəlxalq konfrans və müşavirələrdə elmi məruzə ilə çıxış etmişdir. P.B.Zamanov 1985-ci ildən AMEA-nın Torpaqşünaslıq və Aqrokimya İnstitutu nəzdində Birləşmiş Müdafiə Şurasının üzvü olmuşdur. Respublika və rayon qəzetlərində 44 dəfə müsahibə və məqalə ilə çıxış etmişdir.

Təltif və mükafatları

[redaktə | mənbəni redaktə et]
  • 9 yanvar 1968-ci ildə gənc alimlər şurasının işində aktiv iştirakına görə Azərbaycan Komsomolu MK-nın Fəxri fərmanı ilə təltif edilmişdir.
  • 1970-ci ildə "Rəşadətli əməyə görə" yubiley medalı ilə təltif edilmişdir.
  • 1986-cı ildə Ümumittifaq xalq təsərrüfatının nailiyyətləri sərgisinin "Bürünc Medalı" ilə təltif edilmişdir.
  • 1987-ci ildə uzun illər vicdanlı əməyə görə SSRİ Ali Sovetinin Rəyasət Heyəti tərəfindən "Əmək Veteranı" medalı ilə təltif edilmişdir.
  • 2004-cü ildə Respublika Müharibə Veteranları Şurasının Fəxri fərmanı ilə təltif edilmişdir.
  • 7 fevral 2007-ci ildə Azərbaycan MEA-nın Rəyasət Heyəti tərəfindən Respublikada aqrokimya elminin inkişafında xidmətlərinə görə və anadan olmasının 80 illiyi ilə əlaqədar Fəxri fərman ilə təltif edilmişdir.
  • 2012-ci ilin fevral ayında AMEA-nın Rəyasət Heyəti tərəfindən Respublikada Aqrokimya elminin inkişafındakı xidmətlərinə görə və anadan olmasının 85 illiyi ilə əlaqədar Fəxri Fərmanla təltif edilmişdir.
  • 2012-ci ildə Cəmiyyətin yaranmasında və inkişafında elmi kadrların hazırlanmasında gənc nəslin vətənpərvərlik ruhunda yetişməsində göstərdiyi böyük xeyriyyəçilik fəaliyyətinə görə Sədərək Xeyriyyə Cəmiyyətinin Fəxri Fərmanı ilə təltif edilmişdir.
  • 2013-cü ildə Avropa Nəşriyyatı mətbuat evi "Aqrar elmin inkişafındakı xidmətlərinə görə" "Qızıl Ulduz" medalı ilə təltif edilmişdir.
  • Azərbaycan Respublikası Prezidenti İlham Əliyevin 2015-ci il 3 noyabr tarixli 1509 nömrəli sərəncamı ilə "Əməkdar Elm Xadimi" fəxri adı verilmişdir.[4]

İstinadlar

[redaktə | mənbəni redaktə et]
  1. ↑ "Professor Paşa Zamanov "Heydər zirvəsi" diplomu ilə təltif olunub". 2022-02-22 tarixində arxivləşdirilib. İstifadə tarixi: 2022-02-22.
  2. ↑ Naxçıvan Ensiklopediyası. Bakı. 2002. səh. 587. ISBN 5-8066-1468-9.
  3. ↑ Azərbaycan elminə ağır itki…….[ölü keçid]
  4. ↑ "AMEA-nın bir qrup əməkdaşına fəxri adlar verilib - SİYAHI". 2022-02-22 tarixində arxivləşdirilib. İstifadə tarixi: 2022-02-22.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Paşa_Zamanov&oldid=6808992"