Pavlo Vışebaba

Vikipediya, azad ensiklopediya
Naviqasiyaya keç Axtarışa keç
Pavlo Vışebaba
Doğum tarixi 28 mart 1986(1986-03-28) (38 yaş)
Doğum yeri
Fəaliyyəti musiqiçi, siyasi fəal[d]
Vikianbarın loqosu Vikianbarda əlaqəli mediafayllar

Pavlo Aleksandroviç Vışebaba (ukr. Павло Олександрович Вишебаба; 28 mart 1986, Kramatorsk, Donetsk vilayəti) — Ukrayna ekoloji fəalı, musiqiçisi və yazıçısı. "Edina planeta" QHT-nin həmtəsisçisi və rəhbəri, BMT-nin İnkişaf Proqramının Ukraynadakı tolerantlıq üzrə nümayəndəsi.[1]

Həyatı

[redaktə | mənbəni redaktə et]

Pavlo Aleksandroviç Vışebaba Kramatorskda anadan olmuşdur. O, Kramatorsk musiqi məktəbinə müraciət etsə də, heç bir musiqi qabiliyyətinin olmadığı qeyd edilərək müraciəti qəbul edilməmişdir.[2] Donbass Maşınqayırma Akademiyasında mühəndislik təhsili almağa başlamışdır. Buna baxmayaraq, Vışebaba üçüncü kursdan sonra sənədlərini geri götürmüş və Mariupol Dövlət Universitetinin jurnalistika fakültəsinə daxil olmuşdur. O, oxuduğu müddətdə üç il "Priazovski raboçi" qəzetində çalışmışdır.[3]

Vışebaba 2012-ci ildə universiteti fərqlənmə diplomu ilə bitirmiş və ardınca Kiyevə köçmüşdür. O, Ləyaqət inqilabında, xüsusilə Milli Müqavimət Ştabının mətbuat mərkəzinin işində fəal iştirak etmişdir. Yanukoviç rejiminin devrilməsindən sonra Vişebaba il yarım Ukrayna Nazirlər Kabinetinin mətbuat xidmətində işləmişdir. O, burada olduğu müddətdə beynəlxalq əlaqələr və nazirliklər arasında rabitə üzrə fəaliyyətlə məşğul olmuşdur. Vışebaba ukrayn dili əvəzinə rus dilindən istifadə etməkdən imtina etmişdir. O, bu hərəkətin Kramatorskın "Rusiya Federasiyasının muzdluları və əməkdaşlar" tərəfindən işğalı olduğunu müdafiə etmişdir.[4]

Vışebaba 2013-cü ildə vegetarian olduğunu açıqlamışdır. O, 2015-ci ildə veqan həyat tərzinə keçmiş, dəniz məhsulları və heyvanlardan hazırlanmış geyimlərdən imtina etmişdir.[5] Vışebaba verdiyi müsahibələrin birində mənəvi istinad nöqtələri kimi Mahatma Qandi və Nelson Mandelanın adını çəkmiş, Ukrayna fiqurları arasında isə Qriqori Skovoroda və Taras Şevçenkonu qeyd etmişdir.[2] Vışebaba 13 aprel 2016-cı ildə Ukraynada "One Planet" adında ilk veqan kafesini açmışdır. O, həmin ilin avqustunda insan və təbiətin harmoniyasına həsr olunmuş orijinal musiqi və mahnılar ifa edəcək musiqi orkestrini yaratmağa qərar vermişdir.[5] "One Planet Orchestra" 2017-ci ilin yayında "Spilnokoşt" kraudfandinq platformasında 45 mindən çox qrivna toplamışdır.[6] Bu, albomun yazılması üçün tam dövlət maliyyəsi alan ilk Ukrayna musiqi qrupu olmuşdur.[7]

Vışebaba 2016-cı ilin dekabrında "Edina planeta" QHT-nin həmtəsisçisi olmuşdur.[8] Təşkilatın məqsədlərinə heyvanların istismarına son qoymaq, xəz təsərrüfatlarını qadağan etmək, növ ayrı-seçkiliyini aradan qaldırmaq, iqlim dəyişikliyi və növlərin yox olması ilə mübarizə aparmaq daxildir.[9] Vışebaba 2017-ci ildə BMT-nin İnkişaf Proqramının Ukraynadakı tolerantlıq məsələləri üzrə səfiri seçilmişdir.[10][11]

Vışebaba xəz əleyhinə "XutroOFF" adlı kampaniyada iştirakı sayəsində geniş ictimaiyyətə tanınmışdır. 2018-ci ilin sentyabrında onun Ukraynada xəz istehsalına qadağa ilə bağlı Ali Radaya müraciət etdiyi petisiya 27 min imza toplamışdır. Bu, o dövrdə ictimai dəstəyin tarixi maksimumu olmuşdur.[12] Həmin il noyabrın 26-da Ukraynanın Qırmızı Kitabına salınmış sığına ovçuluq qadağasının götürülməsinə qarşı keçirilən mitinqdə rəqibləri Vışebabanın üzərinə yaşıl çay tökmüşdülər.[13]

Vışebaba 2019-cu ilin əvvəlində Volın vilayətində yerləşən Pidhirne kəndində holland sənayeçi tərəfindən susamuru fermasının tikintisinə qarşı mübarizəyə rəhbərlik etmişdir.[14] O, 7 fevral 2019-cu ildə Ali Radada qeydə alınmış Ukraynada xəz istehsalının qadağan edilməsi haqqında 10019 saylı qanun layihəsinin yaradılması təşəbbüsü ilə çıxış etmiş, onun işlənib hazırlanmasında fəal iştirak etmişdir.[15]

Rusiyanın Ukraynaya hücumu başlayandan sonra Vışebaba könüllü olaraq Ukrayna Silahlı Qüvvələrinə qoşulmuş və Donbass regionunda vuruşmağa başlamışdır.[16][17]

İstinadlar

[redaktə | mənbəni redaktə et]
  1. ↑ de 2023, Por Joaquín Sánchez Mariño24 de Febrero. "Comandante en el frente de batalla de día, poeta best seller de noche: Pavlo Vyshebaba, el nuevo héroe nacional ucraniano". infobae. 2023-02-27 tarixində arxivləşdirilib. İstifadə tarixi: 2023-03-02.
  2. ↑ 1 2 Gumenyuk, Nataliya. "Ukrainians are rejoicing at victory — and awash in trauma and grief". washingtonpost.com (ingilis). September 22, 2022. December 3, 2022 tarixində arxivləşdirilib. İstifadə tarixi: March 2, 2023.
  3. ↑ "Випускник МДУ, посланець з питань толерантності ПРООН в Україні Павло Вишебаба поспілкувався зі студентами". Офіційний сайт МДУ. 15 лютого 2019 tarixində arxivləşdirilib. İstifadə tarixi: 15 лютого 2019.
  4. ↑ "9 листопада відзначили день української мови". «4 канал». 15 лютого 2019 tarixində arxivləşdirilib. İstifadə tarixi: 15 лютого 2019.
  5. ↑ 1 2 "Відомі українці-вегетаріанці розповіли про життя без м'яса". «Новое время». 15 лютого 2019 tarixində arxivləşdirilib. İstifadə tarixi: 15 лютого 2019.
  6. ↑ "Нова українська музика! Випуск альбому One Planet Orchestra". «Велика ідея». 18 лютого 2019 tarixində arxivləşdirilib. İstifadə tarixi: 17 лютого 2019.
  7. ↑ "Профіль One Planet Orchestra". «Moon Records». 18 лютого 2019 tarixində arxivləşdirilib. İstifadə tarixi: 17 лютого 2019.
  8. ↑ "ГРОМАДСЬКА ОРГАНІЗАЦІЯ "ЄДИНА ПЛАНЕТА" — 41042906 — Опендатабот". opendatabot.ua (ukrayna). 2023-03-01 tarixində arxivləşdirilib. İstifadə tarixi: 2022-08-11.
  9. ↑ "Головна". Єдина Планета (ukrayna). 2021-04-19 tarixində arxivləşdirilib. İstifadə tarixi: 2022-08-11.
  10. ↑ "«Толерантність і повага до всіх робить життя краще», — випускник МДУ Павло Вишебаба обраний посланцем доброї волі ООН в Україні". Офіційний сайт МДУ. 15 лютого 2019 tarixində arxivləşdirilib. İstifadə tarixi: 15 лютого 2019.
  11. ↑ "Посланці толерантності ПРООН". ПРООН в Україні (ukrayna). 20 січня 2022 tarixində arxivləşdirilib. İstifadə tarixi: 2020-09-16.
  12. ↑ "Петиція за заборону хутра в Україні набрала достатньо голосів. Тепер її має розглянути Рада". «Українська правда. Життя». 15 лютого 2019 tarixində arxivləşdirilib. İstifadə tarixi: 15 лютого 2019.
  13. ↑ "Зоозахисника облили зеленкою під час акції проти полювання на лосів". «The Village». 18 лютого 2019 tarixində arxivləşdirilib. İstifadə tarixi: 17 лютого 2019.
  14. ↑ "Пояснили, яку небезпеку може нести хутряна ферма для волинян. ВІДЕО". Сайт міста Луцька. 18 лютого 2019 tarixində arxivləşdirilib. İstifadə tarixi: 17 лютого 2019.
  15. ↑ "Pavlo Vyshebaba - Interview with a Ukrainian poet fighting in the Donbas • WarTranslated". WarTranslated. 29 noy 2022. 2022-12-15 tarixində arxivləşdirilib. İstifadə tarixi: 2023-03-02.
  16. ↑ "Musician and environmental activist Pavlo took up arms to defend his land". 2023-02-04 tarixində arxivləşdirilib. İstifadə tarixi: 2023-03-02.
  17. ↑ Kirk, Niamh; Odeen-Isbister, Sara. "Ukrainian soldier surprises daughter, 6, after three months apart in sweet clip". mirror. 22 iyl 2022. 2022-10-07 tarixində arxivləşdirilib. İstifadə tarixi: 2023-03-02.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Pavlo_Vışebaba&oldid=6970055"