Qaradədələr hadisəsi
| Qaradədələr hadisəsi | |
|---|---|
| türk. Karadedeler olayı | |
 | |
| Janr | qorxu filmi |
| Rejissor | Bağbakan qardaşlar |
| İstehsalçı | Pra Films |
| Distribütor | Tiglon[1] |
| İlk baxış tarixi | 16 sentyabr 2011 |
| Müddət | 87 dəq.[2] |
| Gəlir | 623.705 TL[3] |
| Ölkələr |
 Türkiyə |
| Dil | türkcə |
| İl | 2009–2011 |
| IMDb | ID2036391 |
Qaradədələr hadisəsi — 16 sentyabr 2011-ci ildə yayımlanan türk trilleri, sirr və qorxu filmi.[4] Hekayəsi və çəkiliş tərzi ilə "Blair Witch Project" və "Paranormal Activity" filmlərinə bənzəyən filmin prodüserləri filmdəki hadisələrin 1989-cu ildə çəkilmiş həvəskar videoların birləşdirilərək yaradıldığını deyirlər. Ona görə də bu istehsalın bədii deyil, sənədli film olduğunu iddia edirlər.
Hazırlıq mərhələsi[redaktə | mənbəni redaktə et]
Film, çəkiliş qrupunun 2009-cu ildə əldə etdiyi məlumatların, sənədlərin və üç VHS kasetinin araşdırılması ilə ortaya çıxan bir əsərdir. 2011-ci ildən etibarən film haqqında ictimaiyyətə məlumat verilməyə başlanmış və kinoteatrlarda nümayiş etdirilən treylerlərdə 18 mart 2011-ci ildə ekranlara çıxacağı bildirilmişdi. Daha sonra bu tarix 25 mart 2011-ci ilə dəyişdirildi, lakin buraxılış tarixi yenidən təxirə salındı. 10 avqust 2011-ci il tarixində filmin rəsmi Facebook səhifəsində edilən açıqlama ilə film layihəsinin avqust ayında tamamlanacağı və 16 sentyabr 2011-ci ildə ekranlara çıxacağı bildirildi.
Mövzu[redaktə | mənbəni redaktə et]
Prodüser şirkəti tərəfindən sənədli film olaraq xarakterizə edilən film 1989-cu ilin yanvarında baş verdiyi iddia edilən bir hadisədən bəhs edir. Həmin ay xəbər agentlikləri K… rayonunun D… kəndində kənd sakinlərinin hava qaralandan sonra iblis varlıqlar gördüyünü və həmin gündən sonra hava qaraldıqca kəndlilərin qorxusundan küçəyə çıxa bilmədiklərini yazmışdı. Bu xəbər o vaxt qəzetlərin əksəriyyətində kiçik hissələrlə dərc olunurdu.
Bu hadisə eyni vaxtda məktəbi yeni bitirmiş jurnalist H. B.-nin də diqqətini çəkib və gənc jurnalist hadisəni araşdırmaq üçün D… kəndinə gedib. On bir gün kənddə olan H. B. gəldiyi zaman kənd camaatından müsahibə alıb və bu müsahibələri kamerası ilə lentə alıb. Kənd sakinləri müsahibələri zamanı sirli varlıqlar gördüklərini bildiriblər və gənc jurnalisti kənddə qalmağa razı salıblar. Lakin kənddə olduğu müddətdə heç bir anormal hadisə ilə qarşılaşmayan H. B. kəndi tərk etmək qərarına gəlsə də, kənd sakinlərinin təkidi ilə kamerasını kənddəki 14 yaşlı uşağa həvalə edib. Əgər kənddə qeyri-adi bir hadisə baş versəydi, oğlan bunu kamerası ilə çəkər, sonra isə lentləri jurnalistə verəcəkdi.
Jurnalist kənddən ayrıldıqdan 3 gün sonra İstanbuldakı evindən kənddə çəkdiyi kasetlərlə birlikdə gecə saatlarında mülki geyimli 4 jandarma tərəfindən aparılaraq L… rayon jandarma komandanlığına gətirilib və burada jandarma komandiri, baş kapitan A. S. tərəfindən dindirilib. Kameraya düşən sorğu-sualın səbəbi kənddəki 3 evdə yaşayan 7 nəfərin qismən parçalanaraq öldürülməsi, H. B.-nin adının bir evin divarına qandan istifadə edərək ərəb əlifbası ilə yazılması olub. Ölənlər arasında H. B.-nin kamerasını verdiyi uşaq da olub.
Bu hadisənin rayon camaatında qorxu və təşviş yaratmaması üçün kənd camaatına dəlilik kimi xəbər verilib. Cəsədlər kənd qəbiristanlığında böyük məxfilik şəraitində, yalnız kənd camaatının və jandarma qüvvələrinin iştirakı ilə basdırılıb, lakin bu hadisədən sonra kənd sakinlərinin çoxu kəndi tərk edib.
Dindirilməsi başa çatdıqdan sonra sərbəst buraxılan H. B.-nin paltarları, çəkmələri, dəftəri və şəxsi əşyaları 1989-cu il fevralın 3-də çərşənbə axşamı D… kəndi ətrafındakı meşədən tapılıb; özü isə heç vaxt tapılmadı.
H. B.-ni sorğu-sual edən kapitan A. S. bu hadisədən bir il sonra həyat yoldaşından boşanaraq psixoloji pozuntuya görə əlilliklə təqaüdə çıxıb. Yenə həmin il İstanbulda məskunlaşaraq müalicə almağa başlayıb. 2006-cı ildə 59 yaşında ikən depressiyaya düşərək öz tapançası ilə başına atəş açaraq intihar edib. Kapitanın qızı S. F. atasının ölümündən sonra şəxsi seyfi açıb və seyfdə üç zərf tapıb. Zərflərin birində ağ-qara fotoşəkillər, digər ikisində isə itkin düşən jurnalist H. B.-yə məxsus bloknot, 1989-cu ilə aid qəzet parçaları və üç video lent var idi. Lentlərdə yazılan tək şey; "Qaradədələr hadisəsi 1989" idi.
Birinci videoyazılarda H. B-nin kənd sakinləri ilə müsahibəsi, ikincisində isə H. B-nin A. S. tərəfindən dindirilməsi yer alıb. Üçüncü və sonuncu video isə kənd uşaqının çəkdiyi görüntülərdən ibarət idi. S. F.-nin kasetlərin şokundan çıxması bir neçə il çəkdi, 2009-cu ildə maddi sıxıntıya düşdü və kasetləri satmalı oldu.
Film heyəti[redaktə | mənbəni redaktə et]
| Rollarda | Personaj | Qeyd |
|---|---|---|
| Saim Qaraqala | Hakkı B. | Jurnalist |
- Rəsmi açıqlamalarda filmdə heç bir aktyorun olmadığı və filmin 1989-cu ildə çəkilmiş üç kasetin yığılaraq yaradıldığı bildirilib. Filmdə görünən insanların bu lentlərdə görünən və hadisəni özləri yaşamış insanlar olduğu iddia edilir.
Hekayənin cərəyan etdiyi yer[redaktə | mənbəni redaktə et]
Filmdə hadisənin baş verdiyi yer haqqında dəqiq məlumat verilmir. Yer və adam adlarının senzuraya məruz qaldığı filmdə hadisənin baş verdiyi yer "K… ilinin L… rayonunun D… kəndi" kimi göstərilir. Türkiyədə yaşayış məntəqələri arasında "K" hərfi ilə başlayan rayonlar araşdırıldığında, "L" hərfi ilə başlayan rayon olan yeganə il Kırklarelidir. Kırklarelindəki bu rayon isə Lüləburqazdır. Lüləburqazda "D" hərfi ilə başlayan iki kənd var. Bu kəndlər Davudlu və Düğüncübaşı kəndləridir.[5] Ancaq filmin ikinci treylerindəki qəzet parçaları araşdırıldıqda və senzuraya məruz qalan hərflərin sayı nəzərə alındıqda bu kəndin Davudlu olduğu anlaşılır.
İstinadlar[redaktə | mənbəni redaktə et]
- ↑ "Karadedeler Olayı". boxofficeturkiye.com. 6 may 2015 tarixində arxivləşdirilib. İstifadə tarixi: 12 avqust 2011.
- ↑ "Basın açıklaması - Künye" (PDF). karadedelerolayi.net. 27 oktyabr 2011 tarixində arxivləşdirilib (PDF). İstifadə tarixi: 18 avqust 2011.
- ↑ ""Karadedeler Olayı". boxofficeturkiye.com. 30 yanvar 2012 tarixində arxivləşdirilib. İstifadə tarixi: 6 may 2015.
- ↑ "Karadedeler Olayı'nı günışığına çıkartan yapım..." yenicaggazetesi.com.tr. 22 avqust 2016 tarixində arxivləşdirilib. İstifadə tarixi: 12 avqust 2011.
- ↑ "Karadedeler Olayı". lifeburgaz.com. 24 dekabr 2014 tarixində arxivləşdirilib. İstifadə tarixi: 12 avqust 2011.