Qiyas Sadıqov

Vikipediya, azad ensiklopediya
Naviqasiyaya keçin Axtarışa keçin
Qiyas Sadıqov
bayraq
Azərbaycan Xalq Partiyasının sədrinin birinci müavini
bayraq2
Vəzifədədir
25 dekabr 2022-ci ildən
SədrPənah Hüseyn
bayraq
Azərbaycan Xalq Partiyasının sədr müavini
bayraq2
7 oktyabr 2012 – 25 dekabr 2022
SədrPənah Hüseyn
bayraq
Azərbaycan Xalq Partiyasının sədr əvəzi
bayraq2
2003 – 7 oktyabr 2012
ƏvvəlkiPənah Hüseyn
SonrakıPənah Hüseyn
bayraq
Azərbaycan Respublikası Prezidentinin İşlər müdiri
bayraq2
1993 – 26 iyun 1993
PrezidentƏbülfəz Elçibəy
ƏvvəlkiOqtay Şahbazov
SonrakıAkif Muradverdiyev
Şəxsi məlumatlar
Doğum tarixi 27 mart 1960(1960-03-27) (63 yaş)
Doğum yeri
Partiya
Fəaliyyəti siyasətçi

Qiyas Böyükağa oğlu Sadıqov (27 mart 1960, Sabirabad) — Azərbaycan Xalq Partiyasının sabiq sədr əvəzi, Azərbaycan Respublikası Prezidentinin sabiq İşlər müdiri.

Həyatı[redaktə | mənbəni redaktə et]

Qiyas Sadıqov 27 mart 1960-cı il tarixində Sabirabad şəhərində anadan olmuşdur.[1] 1976-cı ildə M. Ə. Sabir adına Sabirabad şəhər orta məktəbini bitirmişdir. Qiyas Sadıqov ali təhsilini Azərbaycan Politexnik İnstitutunda almış, oradan 1976-cı ildə məzun olmuşdur. Daha sonra ordu sıralarında zabit olaraq fəaliyyət göstərib. 1985–1992-ci illərdə Sabirabad Mexaniki Təmir Zavodunda usta və Həmkərlar Təşkilatında sədr kimi fəaliyyət göstərmişdir.

Ailəlidir, bir övladı var.

Siyasi fəaliyyəti[redaktə | mənbəni redaktə et]

Qiyas Sadıqov siyasi fəaliyyətə Azərbaycan Xalq Cəbhəsi üzvü olaraq başlamışdır. O, 1989-cu ildə Azərbaycan Xalq Cəbhəsi Salyan Rayon Şöbəsinin təsisçilərindən biri olaraq Azərbaycan Xalq Cəbhəsi Ali Məclisinin üzvü seçilmişdir.

Qiyas Sadıqov 1992-ci ildə Azərbaycan Respublikası Prezidentinin İşlər müdirinin müavini vəzifəsinə, 1993-cü ildə isə müdiri vəzifəsinə təyin olunmuşdur. O, 26 iyun 1993-cü il tarixində Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri Heydər Əliyevin 651 nömrəli fərmanı ilə vəzifəsindən azad edilmişdir.[2]

Qiyas Sadıqov sabiq baş nazir Pənah Hüseyn ilə bərabər 4 aprel 1999-cu ildə Azərbaycan Xalq Partiyasını təsis etmişdir. Partiya 9 iyul 1999-cu il tarixində rəsmi dövlət qeydiyyatına alınmışdır.[3]

2003-cü il prezident seçkilərində Azərbaycan Xalq Partiyası Bizim Azərbaycan Blokunun prezidentliyə vahid namizədi İsa Qəmbəri dəstəkləmişdir.[4] Lakin seçki nəticələri açıqlandıqdan sonra İsa Qəmbərin seçkiləri İlham Əliyevin ardından ikinci sırada tamamladığı məlum olmuş, nəticələr əleyhinə etiraz aksiyaları başlamışdır. Bunun nəticəsi olaraq bir neçə partiya sədri vəzifəsindən istefa vermişdir. Eləcə də, Azərbaycan Xalq Partiyası sədri Pənah Hüseyn 2003-cü il tarixində vəzifəsindən istefa vermiş, sədr əvəzi olaraq Qiyas Sadıqov fəaliyyətə başlamışdır. 7 oktyabr 2012-ci il tarixində Azərbaycan Xalq Partiyasının II Qurultayı keçirilmiş və qurultayda yenidən Pənah Hüseyn sədr seçilmiş və Qiyas Sadıqov sədrlikdən getmişdit.[5]

Qiyas Sadıqov 2007-ci ildən 2010-cu ilədək deputat Pənah Hüseynin köməkçisi vəzifəsində çalışmışdır.

Azərbaycan Xalq Partiyasının 11 dekabr 2022-ci il tarixli V Qurultayında seçilmiş yeni İdarə Heyətinin 25 dekabr 2022-ci il tarixli iclasında aldığı qərara əsasən Qiyas Sadıqov Azərbaycan Xalq Partiyası sədrinin birinci müavini təyin olunmuşdur.[6]

Seçkilərdə[redaktə | mənbəni redaktə et]

Qiyas Sadıqov 2010-cu il parlament seçkilərində Azərbaycan Xalq Partiyası üzvü olaraq Klassik Xalq Cəbhəsi Partiyası tərəfindən 63 saylı Sabirabad birinci seçki dairəsi üzrə deputatlığa namizəd göstərilmişdir.[1] O, seçkilərdə 2015 (12.57%) səs toplayaraq Yeni Azərbaycan Partiyası namizədi Ceyhun Osmanlının ardından seçkiləri ikinci sırada tamamlamışdır.[7]

Qiyas Sadıqov 2020-ci il parlament seçkilərində Azərbaycan Xalq Partiyası üzvü olaraq öz təşəbbüsü ilə 63 saylı Sabirabad birinci seçki dairəsi üzrə deputatlığa namizəd olmuşdur.[8] O, 2217 səs (10,08%) toplayaraq Yeni Azərbaycan Partiyasının deputatlığa vahid namizədi Kamal Cəfərovun ardınca seçkiləri ikinci sırada bitirmişdir.[9]

İstinadlar[redaktə | mənbəni redaktə et]

  1. 1,0 1,1 "Arxivlənmiş surət". 2021-11-05 tarixində arxivləşdirilib. İstifadə tarixi: 2022-05-02.
  2. "Arxivlənmiş surət". 2021-01-21 tarixində arxivləşdirilib. İstifadə tarixi: 2022-05-02.
  3. "Arxivlənmiş surət". 2021-05-18 tarixində arxivləşdirilib. İstifadə tarixi: 2022-05-02.
  4. "Arxivlənmiş surət". 2009-08-30 tarixində arxivləşdirilib. İstifadə tarixi: 2022-05-02.
  5. "Arxivlənmiş surət". 2021-09-03 tarixində arxivləşdirilib. İstifadə tarixi: 2022-05-02.
  6. "Pənah Hüseyn oğlunu müavin təyin etdi". 2023-01-16 tarixində arxivləşdirilib. İstifadə tarixi: 2023-02-21.
  7. "Arxivlənmiş surət". 2021-11-07 tarixində arxivləşdirilib. İstifadə tarixi: 2022-05-02.
  8. "Arxivlənmiş surət". 2021-11-05 tarixində arxivləşdirilib. İstifadə tarixi: 2022-05-02.
  9. "Arxivlənmiş surət". 2022-02-11 tarixində arxivləşdirilib. İstifadə tarixi: 2022-05-02.