Rəşad Mehdiyev (rejissor)

Vikipediya, açıq ensiklopediya
Jump to navigation Jump to search
Rəşad Mehdiyev
Rəşad Telman oğlu Mehdiyev
Rəşad Mehdiyev (rejissor).jpg
Doğum tarixi 29 dekabr 1975(1975-12-29)
Doğum yeri Bakı, Azərbaycan SSR, SSRİ
Vəfat tarixi 17 avqust 2017 (41 yaşında)
Vəfat yeri Kiyev, Ukrayna
Vəfat səbəbi işemiya
Atası Telman Mehdixanlı
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Milliyyəti azərbaycanlı
Təhsili AMİU
Fəaliyyəti rejissor

Mehdiyev Rəşad Telman oğlu — azərbaycanlı rejissor.

Həyatı[redaktə | əsas redaktə]

Rəşad Mehdiyev 1975-ci il dekabrın 29-da Bakı şəhərində anadan olub. Orta məktəbi bitirtdikdən sonra Azərbaycan Mədəniyyət və İncəsənət Universitetinə daxil olub. Burda o, tanınmış televiziya rejissoru Tariyel Vəliyevin kursunda təhsil alıb. Tələbəlik illərindən Azərbaycan Dövlət Televiziya və Radio Verilişləri Şirkətində müxtəlif vəzifələrdə çalışıb.

Həqiqi hərbi xidmətdən sonra fəaliyyətini Space TV-də davam etdirib.

Televiziya rejissoru kimi fəaliyyət göstərdiyi illərdə "Dünyanı gözəllik xilas edəcək", "Mugam müsabiqəsi", "Sərhəddə", "Qara qızılla ağ günə...", "Mir Möhsün Ağa" kimi bir çox televiziya verilişlərinin və sənədli filmlərin rejissoru olub.

Rəşad Mehdiyev özünü kino janrında da rejissor kimi sınayıb. O, ssenari müəllifi Qasım Səfəroğu olan tammetrajlı "Bomba" kinokomediyasının quruluşçu rejissorudur.

Rəşad Mehdiyevin yaradıcılığı televiziya və kino ilə məhdudlaşmır. O, İlqar Muradov, Zöhrə Abdullayeva, Teyyub Aslanov, Zaur Əmiraslanov, Nazim Pişyari, Namiq Qaraçuxurlu və digər populyar müğənnilərin mahnılarına çəkilən kliplərə rejissorluq edib.

Rəşad Mehdiyev 2017-ci il avqustun 17-də işemiya xəstəliyindən dünyasını dəyişib.

Filmoqrafiya[redaktə | əsas redaktə]

Xarici keçidlər[redaktə | əsas redaktə]