RAST (qrup)
 | Bu məqaləni vikiləşdirmək lazımdır. |
 | Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. |
| RAST | |
|---|---|
| Ümumi məlumatlar | |
| Milliyyəti |
 Azərbaycan, Bakı |
| Musiqiçi məlumatları | |
| Fəaliyyət illəri | 1993-dən indiyədək |
| Janrlar | pop, caz, muğam |
| Albom şirkəti | Rast production |
RAST — Azərbaycanda, əsasən pop — caz janrında ifa edən məşhur qrup
Rəhbəri Azərbaycan Respublikasının Əməkdar Artisti pianoçu-bəstəkar, həmçinin aranjemançı Rəşad Haşımovdur,
Yaranması və fəaliyyəti
[redaktə | mənbəni redaktə et]1990'lar
[redaktə | mənbəni redaktə et]1993-cü ildə Vaqif Gərayzadənin rəhbəri olduğu ''Aypara'' qrupunun 4 üzvü (Rəşad Haşımov (pianoçu), Asif Kərimov (skripka), Vilayət Qəhrəmanzadə (ritm guitar), İlqar Quliyev (vokal)) tərəfindən yaradılmışdır. Bir müddət sonra qrupa İlham Ələsgərov (solo guitar) Sevda Ələkbərzadə (vokal), daha sonralar Ruslan Hüseynov (bass guitar) İsgəndər Ələsgərov (zərb alətləri) Emin Kərimi (pianoçu) qoşulmuşdur.
1993–2001-ci illərdə qrupun solisti Sevda Ələkbərzadə olmuşdur. 1996-cı ildə Fransada keçirilən ''Radio France Internationale'' müsabiqəsində 365 qrupdan 11 ən yaxşı qrup adını qazanmışdır.
1997-ci ildə ''Rast"[1] adlı ilk albom tamaşaçılara təqdim olunmuşdur. Bu albomun ən çox sevilən mahnılarından "Gəl Yanıma"[2] və "Ömrün Allahı Sevgidir"[3] kliplərini misal göstərmək olar.
Qrup, 1999-cu ildə H. Əliyev adına sarayda möhtəşəm solo konsertlə tamaşılarını sevindirmişdir.[4]
2000-ci ildə isə ''Rast Dünyası"[5] adlı albomlar tamaşaçılara təqdim olunmuşdur. Bu albomun, ümumilikdə bu dövrün ən çox sevilən mahnısı ''Kaş ki, mən dəniz olaydım'' [6] klipidir. Mahnının sözləri Samirə Xasməmmədovaya, musiqisi Rəşad Haşımova aiddir.
2000'lər
[redaktə | mənbəni redaktə et]Sevda Ələkbərzadə'nin solo karyeraya başlamasının ardından, qrup Zülfiyyə Xanbabayeva ilə əməkdaşlığa başladı. ''Qəlbinə Yol'' [7] , (söz : Altun Şaşıqoğlu, musiqi : Rəşad Haşımov) həmçinin 7 mahnı Rəşad Haşımov tərəfindən aranjıman olunmuşdur.
2003-cü ildən qrupun solistləri Jalə və Lamiyə Kərimova bacıları olmuşdur. Qrupun yeni solistlərlə ilk klipi ''Rast gələrəm'' [8] (söz : Altun Şaşıqoğlu, musiqi : Rəşad Haşımov) , ardından "Bilmirəm"[9] ''Sənə görə'' [10] mahnıları tamaşaçılar tərəfindən böyük maraqla qarşılanmışdır. ''Qaragilə''[11] xalq mahnısı, musiqisi Cahangir Cahangirova məxsus ''Bana bana gəl"[12] mahnılarına yeni nəfəs verilmişdir. Vətənpərvər ruhda "Azərbaycan" [13] ifa olunmuşdur.
2005-ci il 13 sentyabr tarixində Heydər Əliyev fondunun dəstəyi ilə Akademik Yusif Məmmədəliyevin 100 illik yubileyi ilə Fransanın paytaxtı Paris şəhərində qrup konsert proqramı ilə çıxış etmişdir [14] . Eyni zamanda, sözləri və musiqisi Rasim Müzəffərliyə aid olan aranjımanı Emin Kərimi və Rəşad Haşımova məxsus 'Sən bizə qonaq gələndə'' [15] klipində qrupun solistləri ilə yanaşı, Respublikanın Xalq artisti Mübariz Tağıyev, Elnur Hüseynov, Emil Əliyev və ''Qaya'' qrupu çıxış etmişdir. ''RAST'' production və ''PLANET PARNİ İZ BAKU'' studiyasının təqdimatında sözləri Altun Şaşıq, musiqisi Rəşad Haşımova məxsus olan ''Ana Vətən, Azərbaycan'' [16] klipində Respublikanın Xalq artisləri İlqar Muradov, Zülfiyyə Xanbabayeva, Zabit Nəbizadə, Əməkdar artistlər Mətanət İsgəndərli, Abbas Bağırov, ifaçılar Fərid Əsgərov, Samira, həmçinin ''QAYA'' kollektivi və Əməkdar artistlər Cabir və Tahir İmanov, Elçin Həmidov, Coşqun Rəhimov, Rafael İsgəndərov çıxış etmişdir.
Daha sonra Jalə Kərimova qrupdan ayrılmışdır. Lamiyə Kərimova hal hazırda qrupun solisti olaraq karyerasına davam edir.
2010'lar
[redaktə | mənbəni redaktə et]Lamiyə Kərimova ifasında ən sevilən ifalardan ''Gəl, yanıma'' [17], ''Qayıdıram''[18] mahnılarını misal göstərmək olar. Hər 2 ifanın sözləri Altun Şaşıq, musiqisi Rəşad Haşımovundur. Musiqisi Fikrət Əmirov'a məxsus olan ''Lay-lay''[19] mahnısına Rəşad Haşımovun aranjemanı ilə yeni nəfəs verildi.
48-ci Montro Caz Festivalı (48th Montreux Jazz Festival)
[redaktə | mənbəni redaktə et]Hər ilin iyul ayında, Beynəlxalq Caz Festivalından sonra dünyada ikinci ən böyük caz festivalı olan İsveçrənin Montro şəhərindəki Montro caz festivalına 2014-cü ildə Rast qrupu fəxri qonaq kimi dəvət almışdır. [20] Rast qrupu əfsanəvi amerikalı funk və soul-jazz saksofon ifaçısı Maceo Parker ilə bir səhnəni bölüşüblər. [21]
Rast 20 il
[redaktə | mənbəni redaktə et]2014-cü il 21 oktyabr tarixində Bakı Caz Festivalı çərçivəsində Heydər Əliyev sarayında qrupun yaranmasının 20 illiyinə həsr edilən gecə keçirilmişdir. Konsertdə qrup rəhbəri Rəşad Haşımov, qrup üzvləri əməkdar artist [22] Lamiyə Kərimova (vokal), Cəmilə Haşımova (bek-vokal), Emiliya Yaqubova (bek-vokal), Etibar Əsədli (pianoçu), əməkdar artist İsgəndər Ələsgərov (zərb alətləri), əməkdar artist Tofiq Cabarov (perkussiya), əməkdar artist Emil Həsənov (bas gitar), Yiğit Şener (solo gitar), nəfəs alətlərində Teymur Süleymanbəyli (saksofon), əməkdar artist [23] Azad Quliyev(tenor sax), Azad Qurbanov (trumpet), Dəyanət Məmmədov (trompone) xüsusi qonaq kimi Xalq Artisti Ənvər Sadıqov (qarmon), Xalq Artisti Mircavad Cəfərov (ud) və Abbas Səfərov (nağara) iştirak etmişdir.[24] Konsertdə ən sevillən ifalar səslənmişdir. [25]
2019
[redaktə | mənbəni redaktə et]2019-cu ildən etibarən, qrupda bəzi dəyişikliklər oldu. ''Məhəllə 3'' filmi üçün musiqisi Aytən İsmixanovaya aid olan ''Bakı'' mahnısına Rəşad Haşımov aranjımanı ilə ikinci nəfəs verildi [26] Yeni hit mahnılar ''Canan''[27], ''Sevgi vergidir''[28], ''Yeni il''[29] mahnılar tamaşaçılar tərəfindən maraqla qarşılandı. Hər 3 mahnı sözləri Mircamal Haşımov, musiqisi Rəşad Haşımovundur.
| Musiqi aləti | Musiqiçi | Musiqiçi | Musiqiçi | Musiqiçi |
|---|---|---|---|---|
| Piano | Rəşad Haşımov | |||
| Piano | Emin Kərimi | *Eldar Məmmədov | Etibar Əsədli | Tərlan Məmmədli |
| Zərb alətləri | İsgəndər Ələsgərov | Evgeni Manukhin | ||
| Perkussiya | *Tofiq Cabbarov | Sultan Hüseyn Rzayev | ||
| Solo Guitar | İlham Ələsgərov | Yiğit Şener | Əli İbrahimzadə | |
| Bass Guitar | Ruslan Hüseynov | Emil Həsənov | Nicat Paşazadə | |
| Saksofon | *Lütfiyar Əliyev | *Teymur Süleymanbəyli | Aydın Zeydullayev | |
| Balaban | *Şirzad Fətəliyev | *Coşqun Sadıxov | Nicat Məsimov | |
| Vokal | İlqar Quliyev | Sevda Ələkbərzadə | Jalə Kərimova | Lamiyə Kərimova |
| Bek vokal | Cəmilə Haşımova | Emiliya Yaqubova | ||
| Trumpet | *Firudin Həmidov | Azad Qurbanov | ||
| Skripka | Asif Kərimi | |||
| Ritm Guitar | Vilayət Qəhrəmanzadə |
Qarşısında * olan musiqiçilər qrupla sadəcə əməkdaşlıq ediblər.
Əməkdaşlıq
[redaktə | mənbəni redaktə et]"Rast" qrupu 2002-ci ildə H. Əliyev adına sarayda Zülfiyyə Xanbabayevanın ikinci solo konsertinin [30], 2016-cı il H. Əliyev adına saray [31] və 2018-ci il "Baku Congress Center"də [32] Röyanın solo konsertlərinin [33] , 2017-ci ildə Aygün Kazımovanın "Baku Crystall Hall"da keçirilən solo konsertinin musiqi rəhbəri olmuş Rəşad Haşımovun rəhbərliyi ilə çıxış etmişdir.