Aygün Kazımova

Vikipediya, açıq ensiklopediya
Jump to navigation Jump to search
Aygün Kazımova
28 may 2017-ci il, Dövlət Bayraq Meydanındakı yürüşdən
28 may 2017-ci il, Dövlət Bayraq Meydanındakı yürüşdən
Ümumi məlumatları
Doğum adı Aygün Kazımova
Ləqəbləri Diva, Super Star
Doğum tarixi 26 yanvar 1971 (1971-01-26) (47 yaş)
Bakı, Azərbaycan SSR, SSRİ
Üslub pop
Peşəsi müğənni, aktrisa
Fəaliyyət illəri 1986-günümüzə qədər
Əlaqələri Snoop Dogg, Sinan Akçıl, Alim Qasımov
Albom şirkətləri Səbuhi, Мелодия Азербайджан, Dokuz Sekiz Muzik, Poll Production
Mükafatları AZ fexri adinin dos nisani.png

IMDb səhifəsi

Kazımova Aygün Ələsgər qızı (26 yanvar 1971, Bakı) — azərbaycanlı müğənni, bəstəkar, aparıcı, aktrisa, Azərbaycanın xalq artistidir (2008)[1]. Aygün Kazımova müasir Azərbaycan musiqisinin yaradıcısı olaraq qəbul edilir.

Həyatı və karyerası[redaktə | əsas redaktə]

Aygün Kazımova (solda)

Aygün Kazımova 26 yanvar 1971-ci ildə Bakı şəhəri Nizami rayonunda dünyaya gəlib. Ailənin dördüncü - sonuncu övladıdır. Aygün 1977-ci ildə 12 saylı məktəbin 1-ci sinfinə qədəm qoyur. Tezliklə o, bütün müəllimlərinin və sinif yoldaşlarının sevimlisinə çevrilir. Məktəbin ən vacib tədbirlərində Aygünün mahnılar ifa etməsi onu bu illərdə daha da həvəsləndirir. 8-ci sinifdə oxuyarkən atasını itirir. Hələ orta məktəbdə təhsil alarkən o, həndbol üzrə yığma komandanın qapıçısı və kapitanı idi. Aygünün həndbol komandasında iştirakı və komanda yoldaşlarıyla oyunları yığmanın bir çox uğurlar qazanmasına səbəb olub. 1986-cı ildə Mədəni Maarif texnikumunda oxuyan Aygün Kazımovanın təhsili müəyyən səbəblərdən yarımçıq qalır. O dövrlərdə Aygün Kazımova “Qaya” Vokal İnstrumental ansamblının solisti olaraq fəaliyyət göstərir.Aygün Kazımovanın ilk evliliyindən İlqarə adlı bir qızı var.[2]

1988-1990-cı illər[redaktə | əsas redaktə]

Bakı Payızı[redaktə | əsas redaktə]

Aygün Kazımova peşəkar səhnəyə ilk dəfə 1988-ci ildə "Bakı Payızı" yarışması ilə gəlmişdir. Müsabiqədə Vaqif Gərayzadənin bəstələdiyi Yarım eşitsin məni mahnısını ifa edir. İlk qrand-prisini məhz bu yarışmada qazanmışdır. Müsabiqənin redaktoru Mikayil Vəkilov Aygünü ilk dəfə dinləyərkən, “Bu qız kimdirsə, Xalq Artistidir” deyir. Müsabiqədən sonra onu artıq hamı tanımağa başlayır. Dahi bəstəkar Tofiq Quliyevin müsahibələrində “Aygün Azərbaycan estrada musiqisi üçün əsl tapıntıdır” deməsi Aygünə qol-qanad olur və o, bütün çətinliklərə baxmayaraq sənətdə, böyük səhnədə iri addımlarla addımlayacağını özünə söz verir.[3]

Yurmala-89[redaktə | əsas redaktə]

1989-cu ildə Latviyada keçirilən "Yurmala-89" mahnı müsabiqəsində iştirak etmişdir. Müsabiqədə Eldar Mansurovun Vahid Əzizin sözlərinə bəstələdiyi Bu sevgi mahnısını ifa edir. Mahnını muğam ilə sintez edən Aygün Kazımova bütün diqqətləri özündə cəmləşdirməyi bacarır. Yarışmada 18 yaşında olmasına baxmayaraq, heç bir dəstək almadan iştirak etdən Aygün Kazımova ölkəmizi layiqincə təmsil edir.[4] 1989-cu ildə Aygün Kazımovanın tarixə düşəcək "Novruz gəlir" mahnısını Azərbaycan Televiziyasının Novruz bayramı buraxılışında ifa etmişdir. 1989-cu ilin 24 dekabında gənclik sevgisi – keçmiş həyat yoldaşı İlqar İbrahimovla evdən qaçır. 1990-cı ilin 7 oktyabrında qızı İlqarə Kazımova dünyaya gəlir. Çox qısa müddət sonra Aygün Kazımova 1991-ci ildə həyat yoldaşından ayrılır. Buna əsas səbəb isə, həyat yoldaşının Aygünə səhnəyə çıxmağa icazə verməməsi, tüfeyli həyat tərzi keçirməsi, Aygünü hər gün incitməsi olub.

1991-1995-ci illər[redaktə | əsas redaktə]

1991-94-cü illərdə Birinci Qarabağ müharibəsində tibb bacısı kimi könüllü olaraq iştirak etmişdir. Qubadlı və Zəngilan rayonlarında gedən döyüşlərdə təxminən 1 ay iştirak etmişdir.[5] 1990-cı ildə Sovet Ordusunun Bakıda törətdiyi "20 Yanvar" faciəsi qurbanlarının xatirəsinə " Şəhidlər" mahnısını oxumuşdur. 1992-ci ildə Qazaxıstanda keçirilən “Asiyanın səsi” mahnı müsabiqəsində iştirak etmişdir. 1993-cü ildə anası Fizzə xanım vəfat edir və Aygün Kazımova depressiyaya düşür. Bir müddət səhnəyə və şou proqramlara çıxmaqdan imtina edir. 1994-cü ildə "İtgin gəlin" mahnısını ifa edir. Mahnı Aygün Kazımovanın ilk liriksasıdır. Aygün Kazımova müsabihələrinin birində ilk öncə mahnının oxumaq istəmədiyini və məhs mahnının müəllifi Cavanşir Quliyevin istəyi ilə mahnını oxuduğunu demişdir. Bu mahnı Aygün Kazımovaya inanılmaz şöhrət gətirir. 1994-cü ildə İlqar Əəkbərovun rejissorluğu ilə "Bizim qızlar" mahnısını lentə alır. 1995-ci ildə Ömrüm - Günüm albomunu dinləyicilərinə təqdim edir. Albom "Bakı-Raks" şirkəti tərəfindən satışa çıxarılıb.[6]

1996-1999-cu illər[redaktə | əsas redaktə]

1996-cı ildə Gəncə şəhərində ilk solo konsertini verir. Aygün Kazımova ilk konsertindən cəmi 1 manat qazanır. 1996-cı ildə Türkiyənin İstanbul şəhərində keçirilən “Türkvizyon” mahnı müsabiqəsində Azərbaycanı "Ah, Vətən" mahnısı ilə layiqincə təmsil edir. Mahnının sözləri Almas İldırıma, musiqisi isə Cavanşir Quliyevə məxsusdur.[7] 1998-ci ilin "Yeni il" bayramında, Aygün Kazımova uzun fasilədən sonra Azərbaycan Dövlət Televiziyasının efirinə çıxır. Bəyaz geyimdə – həzin “Mavi dünyamsan” mahnısını ifa etməsi onun səhnəyə yenidən qayıdışı idi. Aygün Kazımova həmin an 105 kq idi. 1998-ci ildə Aygünün “Gecələr keçir”, “Vokaliz” mahnıları və bu mahnılara çəkilən kliplər böyük səs-sədaya səbəb olur. 1999-cu ildə "Sara TV"-də "Aygün bu gün" verlişində aparıcılıq edir. 1999-cu ildə "Sənsizliyim" mahnısını və ona çəkilən klipini təqdim edir. Mahnı daha çox "Qoy işığı söndürüm" adı ilə məşhurlaşır. 1999-cu ilin aprel ayının 10-da Heydər Əliyev Sarayında, "Aygün bir gün" konsertini vermişdir.

2000-2002-ci illər[redaktə | əsas redaktə]

2000-ci ildə Heydər Əliyev adına sarayda “Ya devuşka vostoçnaya” adlı solo konsertini verir. Bu ildə "İlin müğənnisi", "İlin konserti" - “Aygün bir gün”, "İlin hiti" - “Gecələr keçirQrand milli mükafatlarına layiq görülür. 2001-ci ildə "İlin müğənnisi", "İlin konserti", "İlin hiti" - “Ya i ti” Qrand milli mükafatına layiq görülür. Həmçinin “Şəklimi çək” mahnısı da Qrand milli mükafatına layiq görülür. 2001-ci ildə Heydər Əliyev adına sarayda, Türk sənətçisi Mustafa Sandal ilə birlikdə solo konsert vermişdirlər. Həmin konsertin bitişindən sonra noyabr ayında möhtəşəm şou olacağı bildirilmişdir. Bu dəfə məkan fərqli seçilmişdi, Heydər Əliyev adına idman-konsert kompleksində baş tutan "Qeyri-adi şou" konsertinin bileti çox erkən tükənmişdir və 2001-ci ildə 23 noyabr tarixində böyük anşlaqla baş tutmuşdur. Rusiyanın ən önəmli qadın sənətçilərindən biri bilinən Lolitanın konsert günü, əlavə olaraq Aygün Kazımovanın da çıxışı baş tutmuşdur. 2001-ci ildə “Şəklimi çək”, “Depresyondayım”, “Sevdim”, Uyma, “Tez gəl” mahnılarını və bu mahnılara çəkilmiş misilsiz kliplərini təqdim edir. 2000-ci ildə “Aygün”, 2001-ci ildə isə “Sevdim” albomlarını təqdim edir. Konsert 2002-ci il aprel ayının 5-i Heydər Əliyev Sarayında "Aygün & Lolita - Jenskie istorii" adı altında baş tutmuşdur. Bu konsertdən tam bir ay sonra, 2002-ci il mayın 5-i tarixində, Heydər Əliyev Sarayını "Gələrsiz-görərsiz" adlı solo konsert ilə dolduran Aygün Kazımova, yenə də ilin ən möhtəşəm şousunu göstərmişdi. Sentyabrın əvvəlində Sankt-Peterburqa yola düşən Aygün çox böyük bir riskə əl atdı. 8 saatlıq plastik əməliyyata həyatı bahasına imza atdı. Bu əməliyyat Aygünün son nəfəsi bahasına başa gələ bilərdi…Ona görə də Aygün, rejissorluğunu Ülviyyə Könülün üstələdiyi əməliyyat kadrlarının çəkilməsini və Xanım İsmayılqızının “Tez gəl” mahnısına çəkilən klip şəklində tamaşaçılara təqdim edilməsini vəsiyyət edir. 2002-ci ildə “Best Model of the World” model yarışmasının prezidenti, türkiyəli iş adamı Erkan Özərmanın seçimi ilə “Best Model of Azerbaijan – 2002” müsabiqəsinə təşkilatçılıq edən Aygün bir neçə ay gündəmi məşğul etməyi bacardı. Türkiyəli model Mert Kılıc ilə “aşk yaşadığını” deyən Aygün müsabiqəyə böyük reytinq qazandırdı. Yarışma bitəndən sonra “Mert aşkı” da bitdi. Bu müsabiqəyə Türkiyədən və Rusiyadan qonaqlar da dəvət olunmuşdu. Həmin müsabiqə yüksək səviyyədə təşkil olduğuna görə 94 ölkə arasında birinci yerə layiq görüldü. 2002-ci ildə "Siqara" mahnısını və ona çəkilən klipi təqdim edir. 2002-ci ildə “Best Model of Azerbaijan – 2002” müsabiqəsində Aygün Kazımovanı "Super Star" adı ilə təqdim edirlər və bütün ölkədə onu "Super Star" ləqəbi ilə təqdim edirlər. “Best Model of Azerbaijan – 2002” müsabiqəsindən sonra türk mediasından düşməyən Aygün Kazımova, türk mediasında Azərbaycanın Ajda Pekkanı və Azeri "Diva" ləqəbi ilə olaraq təqdim olunur.[8] 2002-ci ildə "Space TV"-nin lentə aldığı "Qış nağılı" komedik filmində Zülfiyyə Xanbabayevanın qızı rolunu canlandırır. 2002-ci il dekabrın 24-ü Aygün “Azərbaycan Respublikasının Əməkdar Artisti” adına layiq görüldü. Bu adın qiyməti ondadır ki, bu ad dahi Heydər Əliyev imzası ilə verildi.

2003-2005-ci illər[redaktə | əsas redaktə]

2003-cü ilin 24 may tarixində Heydər Əliyev Sarayında "Aygün & Nez - Stereo effekt" konserti baş tutmuşdur. 2003-cü ildə “Vətən anadır”, “Bir söz yetər” mahnılarına çəkdirdiyi klipləriylə özünü rejissor kimi sınadı və kliplər çox uğurlu alındı. 2004-cü ildə meyxanaçı Namiq Qaraçuxurlu ilə “Sevdi ürək” adlı ilk dueti böyük marağa səbəb oldu. 2004-cü ildə Hüseyn Abdullayevin müəllif olduğu "Son Söz" mahnısını ifa edir və mahnıya gürcüstanlı rejissor klip çəkir. 2004-cü ildən meyxanaçı Namiq Qaraçuxurlu ilə eşq yaşamağa başlamışdır. 2005-ci ildə Aygün Kazımova sərhədləri daha da genişləndirdi. Rusiyanın Novossibirsk şəhərində 28 may tarixində "Ya devuşka vostoçnaya" konserti baş tutumuşdur. 2005-ci ildə “Məşədi İbad-94” filmində xarakterinə uyğun Sənəm obrazını canlandırdı. Həmin ildə Arif Qaziyevin çəkdiyi “Xarı bülbüllər” filmində yaratdığı Xan qızı Natəvan obrazıyla aktrisa kimi, bəstələdiyi “Sevərsənmi”, “Bir gün” mahnıları ilə bəstəkar kimi də özünü sınamış oldu. 2005-ci ildə "Mən Aygünəm" mahnısını ifa edir və mahnıya arxivindən ibarət klip çəkdirir. Mahnının musiqisi Eldar Mahnsurova aiddir. 2005-ci ildə Azərbaycan Respublikasının I fövqəladə hallar naziri Kəmaləddin Heydərov bəstəsi olan "Səndən nigaranam" mahnısını və Elşad Xose, Dəyirman qrupu ilə birlikdə "Mavilər" duetini təqdim edir. Həmçinin 2005-ci ildə"Sevərsənmi" albomunu təqdim edir. Alboma Azərbaycanın ən məşhur bəstəkarları Eldar Mansurov, Rəhim Rəhimli, Tünzalə Ağayeva, Gövhər Həsənzadə, İsa Məlikovun əsərləri daxildir. [9]

2006-2009-cu illər[redaktə | əsas redaktə]

2006-cı ilin 26 yanvarında, Moskvanın böyük Kreml sarayında “Ya devuşka vostoçnaya” adlı verdiyi möhtəşəm konsertilə həm də öz 35 illik yubileyini xarici həmvətənləri ilə qeyd etmiş oldu. Məşhur və sevilən rus müğənnisi Filip Kirkorov ilə Calma duetini ifa etməsi və Filip Kirkorovun səhnədə Aygünün qarşısında diz çökərək Azərbaycana, azərbaycan xalqına – Azərbaycan qızı Aygünə öz eşqini bildirməsi Əməkdar Artistimizin növbəti uğuru idi. 2006-cı ilin 3 may tarixində nəhayət ki, Heydər Əliyev adına sarayda “Xarı bülbüllər” filminin təqdimatı keçirilir. Təqdimat əvvəlcə filmin tamaşaçılara nümayişi, muğam ifaçılarının və sonda Aygün xanımın “Azərbaycan” mahnısını ifa etməsi ilə keçirilir. 2006-cı ilin 24 noyabr tarixində, Aygün xanımın ikinci dəfə təşkilatçılığı ilə “Best Model of Azerbaijan – 2006” model müsabiqəsi keçirilir. Bu dəfəki yarışmaya da xaricdən fəxri qonaqlar dəvət olunmuş, onlar yüksək səviyyədə qarşılanmış və təbii ki, Aygün xanımın simasında Azərbaycan qonaqpərvərliyinin bir daha şahidi olmuşlar. Yarışmanın nəticəsində seçilmiş qalib cütlük həmişəki kimi Türkiyəyə – Azərbaycanı təmsil etmək üçün göndərilmiş, ad qazanıb Vətənə qayıtmışlar. 2007-ci ilin 20 iyun tarixində, Tofiq Bəhrəmov adına Respublika stadionunda verdiyi “Öpsən” adlı konserti də Aygün Kazımovanın növbəti hay-küylü layihəsi oldu. 2007-ci ildə Sankt-Peterburqda 5 saatlıq cərrahiyyə əməliyyatı zamanı Aygün Kazımovanın bədənində kiçik plastik əməliyyat keçirilib. Əməliyyatı cərrah Nekrasov həyata keçirmişdir.[10] 2008-ci ildə Aygün Kazımovan ATV-də həftə içi 5 gün yayımlanan "Xeyir Ola" əyləncəli musiqili verilişində aparıcılıq etmişdir. 2008-ci ildə "Xalq artisti" fəxri adına layiq görülmüşdür. 2009-cu ildə "Təkcə səni" mahnısını ifa edir və mahnıya Fuad Əlişovun rejissorluğu ilə klip çəklilir. 2009-cu ildə Yaşıl Teatrda "Olduğum kimi" konserti baş tutmuşdur. [11] Konsertdə Aygün Kazımova 2 saatdan çox canlı ifa etmişdir.

2010-2011-ci illər[redaktə | əsas redaktə]

2010-ci ildə Aygün Kazımova ilə Namiq Qaraçuxurlunun münasibətlərində problemlər yaranır və bu Aygün Kazımovanı depressiyaya salır. Uzun üddət özünə gələ bilməyən "Diva" ləqəbli müğənni sonradan özünü ələ alır və ard-arda hitlər təqdim edir. 2010-ci ildə Miri Yusif ilə Petrol mahnısını ifa edir. Mahnı "SS Production" tərəfindən hazırlanır. Mahnıya klipi gürcü rejissor Basa Potskhishvili çəkmişdir. Klip ilk olaraq Türkiyənin ən məşhur musiqi kanalı olan Kral TV-də yayımlanmışdır. Kral TV-nin TOP-20 "Hit Parad"-ında 17-ci pilləyə qədər yüksəlir. Bu Azərbaycan mahnısının Türkiyədəki "Hit Parad"-lardakı ilk uğuru idi.[12][13][14] 2011-ci ildə "Extreme Azerbaijan" reliti şousu üçün Namibiya yolanan "Xalq artistinin" ov tüfəngini əlinə alaraq nəsli kəsilməkdə olan heyvanı hədəf alaraq atəş açması və ceyranı vurması şounun ən yaddaqalan hadisələrindən biri olmuşdur.[15] 2011-ci ildə meyxanaçı Namiq Qaraçuxurlu ilə münasibətlərinə son qoyan Aygün Kazımova, tam fərqli imicdə tamaşacı qarşısına çıxır və "Düşün məni" mahnısını təqdim edir. Mahnının klipini Türkiyədən gələn 22 nəfərlik peşəkar heyət lentə alır. Klipi türkiyəli rejissor Murat Küçük lentə almışdır. Klipdə 2008-ci ildə "The Best Model of Azerbaijan 2008" yarışmasının qalibi Azər Atakişiyevdə rol almışdır. Klip Aygün Kazımovanın istəyi və arzusu ilə ölkəmizin təqdimatı mövzusundadır.[16] 2011-ci ildə əslən türiyəli olan azərbaycanlı müğənni Gökhan Erolla birlikdə "Bir gecəlik" mahnısını təqdim etmişdir.

2012-2016-cı illər[redaktə | əsas redaktə]

2012-ci ilin ilk günlərində "Səssiz sinema" mahnısını və mahnıya çəkilmiş türkiyəli rejissor Murat Küçük imzalı klipini təqdim edir.[17] 2012-ci ildə müğənni Üzeyir Mehdizadə ilə birlikdə "Qoy bütün aləm bizdən danışsın" mahnısını təqdim edir.[18] 2012-ci ildə Aygün Kazımovanın Gəncə şəhərindəki Heydər Əliyev adına parkında verdiyi konsertdə terror aktının qarşısı alınmışdır.[19] 2012-ci ildə Xalq artisti Aygün Kazımova "FIFA U-17 Qadınlararası Çempionatı Azərbaycan 2012"-yə qızlarımıza dəstək üçün "Qol" mahnısını və ona çəkilmiş klipi təqdim edir.[20][21] 2012-ci ildə türkçə "Hayat Ona Güzel" mahnısını təqdim edir. Mahnının sözləri və musiqisi türkiyəli bəstəkar-müğənni Serdar Ortaça aiddir. 2012-ci ildə Aygün Kazımovanın "Hayat Ona Güzel" mahnısı iTunesdə Türkiyənin ən çox dinlənilən Top50-də 39-uncu pillədə qərarlaşır.[22] Həmçinin türkiyəli bəstəkar-müğənni Sinan Akçılla birlikdə "İkinci Sen" duetini təqdim edir.[23] Klip Avstriyanın İstanbuldakı konsulluğunda çəkilmişdir.

Aygün Kazımova "İkinci Sen" mahnısına Avstriyanın İstanbuldakı konsulluğunda baş tutan klip çəkilişi

2012-ci ildə Türkiyənin "Kral Müzik Ödülləri" musiqi mükafatında iki nominasiya ilə mübarizə aparan Pop Diva fəxri qonaq kimi dəvət alır. "Nankor", "Gəl, Bax, Gör" mahnılarını da təqdim etmişdir. 2012-ci il avqustun 5-də xalq artisti Aygün Kazımova “Atlant” istirahət zonasında möhtəşəm "İkinci Sen" konsert proqramı ilə çıxış etmişdir. 2013-cü ildə Türkiyənin TRT dövlət kanalındakı "Kadır Çöpdemir Koptu Geliyor" proqramında fəxri qonaq kimi çıxış etmişdir. 2013-cü ilin iyun ayında "Telafisi Yok" mahnısını təqdim edir. 2013-cü ilin avqust ayında isə dünya şöhrətli amerikalı reper Snopp Doggla "Coffee from Colombia" duetini təqdim edir. Bu kompakt diskə 1 mahnı və 10 remiks daxildir. Mahnı Azərbaycanda ilk dəfə olaraq "VEVO" musiqi kanalında təqdim olunur.[24] Türkiyəli "Dokuz Sekiz Müzik" şirkəti tərəfindən hazırlanan layihə gözlənilən nəticə vermir. Şirkət Aygün Kazımovanı aldadaraq çoxlu pullar mənimsəyir. Daha sonra Aygün Kazımova türkiyənin başqa bir musiqi şirkəti "Doğan Music Company" ilə işləməyə başlayır. 2013-cü ildə Aygün Kazımova türkiyəli musiqiçi Murat Yeterin müşaəti ilə konsert proqramı ilə çıxış etmişdir. 2013-cü ildə Gəncə şəhər İcra Hakimiyyətinin təşkilatçılığı ilə "Yeni il" və "Dünya Azərbaycanlılarının Həmrəylik Günü münasibətilə" Türkiyənin məşhur müğənnisi Ferhat Göçər ilə Gəncədə konsert proqramı ilə çıxış edir. "Təsadüf", "Azərbaycan bayrağı", "Biletini alma", "Nə Vaxtsa", "Gecə Gündüz", "Səndən Adam Olmayacaq" sinqllarını təqdim edir. 2014-cü ildə "Sənə Xəstəyəm" sinqlını təqdim edir. Mahnı qısa müddət ərzində hit paradlarda və musiqi saytlarında minlərlə yüklənmə və dinlənmə əldə edir. 2014-cü ildə Bakıdakı istirahət mərkəzlərinin birində “Super şou” adlı konsert proqramı ilə çıxış edir.[25] 2014-cü ildə isə Qəbələdə “Səndən Nigaranam” adlı konsert proqramı ilə çıxış edir.[26] 2015-ci ildə "Unutmuşam", "Bir parça keks", "Gecə yarı", "Ağlım başıma gəldi" və "Səni belə sevmədilər" mahnılarını təqdim edir. 2015-ci ilin mart ayından Azad Azərbaycan Televiziyasında yayımlanan "Özünü Tanıt" proqramının üç münsifindən biri olmuşdur. 2015-ci ildə "Big Apple Music Awards" musiqi mükafatına namizəd olmuşdur. Bu böyük uğur idi, amma Aygün Kazımova təşkilatçıların erməni olması səbəbi ilə "Big Apple Music Awards"-dan imtina etmişdir. [27] 2015-ci ildə "Səndən Adam Olmayacaq" və "Ayrılarmı könül candan?" konsert proqramları ilə çıxış edir. "Ayrılarmı könül candan?" konsertini "Avropa Oyunları" qaliblərinə həsr etmişdir. 2016-cı ildə Aprel şəhidlərinin xatirəsinə "Əsgər marşı" mahnısını təqdim edir. Vətənpərlik mahnıları ilə yanaşı "Orasına burasına" və "Arama beni" sinqllarını təqdim edir. 2016-cı ildə Nabranda "Aygün Show" adlı konsert proqramı ilə çıxış edir. Daha sonra Rəhim Rəhimli ilə birlikdə "Aygün Show Rəhimli" adlı konsert proqramı ilə "Dalga Beach" ailəvi istirahət mərkəzində çıxış etmiş və "Hər şey düzələr" duetini təqdim etmişdir. 2016-ci ildə Samir Bağırov ilə birlikdə "Sevgilim" duetini təqdim etmişdir.

Aygün Kazımova "DAF BAMA Music Awards 2016" mükatlandırma mərasimində

Aygün Kazımova 2016-cı ildə Almaniyanın "DAF BAMA Music Awards 2016" beynəlxalq mükafatlandırma mərasimində "Azərbaycanın ən yaxşı qadın sənətçisi" mükafatına layiq görülmüşdür. Müğənni bu mükafata layiq görülən ilk azərbaycanlıdır.[28]

2017-indiyədək[redaktə | əsas redaktə]

2017-ci ildə uzun fasilədən sonra Cavanşir Quliyevin bəstəsi olan "Şairim" mahnısını təqdim edir. Daha sonra Faiq Sücəddinov bəstəsi olan "Dola mənə qolunu", Elçin Cəfərov bəstəsi olan "Gecələrdə" sinqllarını təqdim edir. Dövlət Təhlükəsizlik Xidmətinin rəisi, general Mədət Quliyev fərmanı ilə Aygün Kazımova DTX solisti təyin olunub.[29] "Hey gidi günlər" mahnısını isə "bir bazar surprizi" olaraq təqdim etmişdir. 2017-ci ildə "Səni belə sevmədilər" mahnısını türkçə "Seni böyle sevmediler" adı ilə təqdim etmişdir. 2017-ci ildə Aygün Kazımovanın ən gözlənilməz layihəsi isə "S.U.S." mahnısı oldu. Mahnı və mahnıya çəkilən klip böyük bir ajotaj yaşatdı. 2017-ci il "Soyuq əllər - isti ürəklər" xeyriyyə yarmarkasında Azad Azərbaycan radiosunun təşkilatçılığı ilə 106.3 FM tərəfindən "Milli dalğa-2017" mükafatına layiq görüldü.[30][31]

Aygün Kazımova - 30 il konsertindən görüntü

2017-ci ilin sentyabrın 22-də Aygün Kazımova səhnə fəaliyyətinin 30 illiyi münasibətilə «Aygün Kazımova - 30 il» proqramı ilə Kristal Zalında səhnəyə çıxmışdır.[32] 2017-ci ildə 3 plastik əməliyyat keçirmişdir. 2017-ci ildə "Cücələrim" mahnısını yeni formatda təqdim etmişdir. Aygün Kazımova sıx iş qrafiki səbəbi ilə 2017-ci ildə "Altın Kelebek Ödülleri" və "Daf Bama Music Awards"dan namizədliyinin geri götürülməsini istəmişdir.[33] 2018-ci ildə "Hardasan[34]" sinqlını təqdim edir. Mahnı üçün kamera qarşısına keçən Aygün Kazımova, klipin çəkilişi zamanı burnundan zədə alır. 2018-ci ildə gənc müğənni Rauf Əhmədov‎la birlikdə ifa etdiyi Yaraşdın Mənə‎ duetini təqdim etmişdir. Klip 1920-ci illərin stilində ekranlaşdırılıb. “Great Gatsby” filmini xatırladan klipin rejissoru Nicat Məlikovdur.[35]

Yaradıcılıq[redaktə | əsas redaktə]

Təsirlər[redaktə | əsas redaktə]

Aygün Kazımovanın bəyəndiyi müğənnilər arasında Alla Puqaçova , Zeynəb Xanlarova ,Madonnanı göstərmək olar. Verdiyi müsahibələrinin birində Alla Puqaçovaya olan uşaqlıq sevgisini xüsusi vurğulayır. Amma hər zaman müsahibələrdən qeyd etmişdir ki, sadəcə Alla Puqaçova, Zeynəb Xanlarova, Madonnanı bəyənib, onlara oxşamaq istəməyib. Hər zaman seçilmək istədiyini bildirib.

Musiqi üslubu[redaktə | əsas redaktə]

Xüsusilə pop, janırında mahnılar səsləndirən Aygün Kazımova, əbəs yerə Pop Diva adı ilə tanınmır. Ara-sıra caz, pop rock, muğam, soul, R&B, flamencoYeni Çağ (New age) və s. janrlarda da mahnılar səsləndirib.

Səs tonu[redaktə | əsas redaktə]

Aygün Kazımovanın səs tonu - həm bəmi, həm də zili - 1 oktava sekstadır. [36] [37]

İmici[redaktə | əsas redaktə]

"Sənsizliyim" klipini təqdim etdidikdən sonra seks simvolu olaraq qəbul edildi. Səhnədə açıq-saçıqlığı sevdiyini qeyd edən Aygün Kazımova, səhnə geyimlərini "sadəcə səhnə üçün" olduğunu bildirmişdir.

Şəxsi həyatı[redaktə | əsas redaktə]

Ailə[redaktə | əsas redaktə]

1989-cu ilin 24 dekabında gənclik sevgisi – keçmiş həyat yoldaşı İlqar İbrahimovla evdən qaçır. 1990-cı ilin 7 oktyabrında qızı İlqarə Kazımova dünyaya gəlir. Çox qısa müddət sonra Aygün Kazımova 1991-ci ildə həyat yoldaşından ayrılır. Buna əsas səbəb isə, həyat yoldaşının Aygünə səhnəyə çıxmağa icazə verməməsi, tüfeyli həyat tərzi keçirməsi, Aygünü hər gün incitməsi olub. 1998-ci ildə ACP lideri Rəsul Quliyevin qardaşı oğlu Rza Quliyev Heydər Əliyev adına hava limanında həbs olunarkən xalq artisti Aygün Kazımova gözüyaşlı bir vəziyyətdə telekanallara müsahibə verərək, eks-spikerin qohumu ilə evli olduğunu bildirmişdi.[38] Daha sonra Aygün Kazımovanın eks energetika naziri Natiq Əliyevin oğlu Fərhad Əliyevlə eşq yaşamışdır.[39] 2002-ci ildə Türkiyə mətbuatında, xüsusilə Hürriyət qəzetində Aygün Kazımova və "Best Model Of the Turkey" yarışmasının finalisti Mert Kılıçın eşq macərası yaşadığı ilə bağlı silsilə məqalələr dərc olunmuşdu.[40] 2004-2011-ci illərdə Aygün Kazımova meyxanaçı Namiq Qaraçuxurlu ilə qeyri rəsmi ailə həyatı qurmuşdur. [41]

Siyasi baxışları[redaktə | əsas redaktə]

Aygün Kazımova Yeni Azərbaycan Partiyasını, İlham Əliyevi dəstəklədiyini bildirmişdir. Xüsusilə Heydər Əliyevin hakimiyyəti dövründə dövlət tədbirlərində fəxri qonaq kimi çıxış etmişdir. Aygün Kazımova Türkiyənin "Hürriyet" qəzetinə verdiyi müsahibəsində deyir: "Heydər Əliyev bir gün Rusiya Federasınıyanın prezidenti Vladimir Putinə " Bir daha gəldiyində bu qadını tanımayacaqsan, hər il dəyişir" dedi.[42]

Solo konsertlər[redaktə | əsas redaktə]

Siyahıda əksiklik var, tamamlamağa kömək edin.

Tarix Konsertin adı Konsert Zalı
1999 Aygün, bir gün Heydər Əliyev Sarayı
2000 Я Девушка Восточная Heydər Əliyev Sarayı
2001 Qeyri-adi şou Heydər Əliyev adına İdman Arenası
2002 Aygün & Лолита - Женские истории Heydər Əliyev Sarayı
2003 Gələrsiz-görərsiz Heydər Əliyev Sarayı
2003 Aygün & Nez - Stereo effekt Heydər Əliyev Sarayı
2005 Я Девушка Восточная Rusiyanın Novosibirsk şəhərindəki konsert zalı
2006 Я Девушка Восточная Rusiyanın paytaxtı Moskva şəhərindəki Kreml Konsert Salonu
2007 Öpsən Tofiq Bəhramov adına Respublika Stadionu
2009 Olduğum kimi Yaşıl Teatr
2010 Ay-gün və Gün-ey...(Yusuf Güney ilə birlikdə) Nabran[43][44]
2012 İkinci Sen Nabran[45]
2013 Gəncə (Ferhat Göçer ilə birlikdə) Gəncə[46]
2013 Qala Konsert (Murat Yeter ilə birlikdə) Nabran[47]
2014 Səndən Nigaranam Qəbələ[48]
2014 Super Show Nabran[49]
2015 Səndən Adam Olmayacaq Heydər Əliyev adına Konqres Mərkəzi[50]
2015 Ayrılarmı könül candan? Mambo Beach Club[51]
2016 Aygün Show Nabran[52]
2016 Aygün Show Rəhimli Dalga Beach[53]
2017 Aygün Kazımova - 30 il Bakı Kristal Zalı


Mükafatları[redaktə | əsas redaktə]

Aşağıdakı siyahıda Aygün Kazımovanın mükafat və nominasiyalar göstərilmişdir.

Kral TV Video Müzik Ödülleri[redaktə | əsas redaktə]

İl Mükafat Nəticə
2012 Ən Yaxşı Mahnı Nominasiya
2012 Ən Yaxşı Qadın Sənətçi Nominasiya

Big Apple Music Awards[redaktə | əsas redaktə]

Aygün Kazımova təşkilatçıların erməni olması səbəbi ilə "Big Apple Music Awards"-dan imtina etmişdir.[54]

İl Mükafat Nəticə
2015 Azərbaycanın Ən Yaxşı Qadın Sənətçisi Nominasiya
2015 Qafqazın Ən Yaxşı Qadın Sənətçisi[55] Nominasiya

Daf Bama Music Awards[redaktə | əsas redaktə]

Hər il Almaniyada keçirilən musiqi mükafatıdır.

İl Mükafat Nəticə
2015 Azərbaycanın Ən Yaxşı Qadın Sənətçisi Nominasiya
2016 Azərbaycanın Ən Yaxşı Qadın Sənətçisi Qalib
2017 Azərbaycanın Ən Yaxşı Qadın Sənətçisi Nominasiya

Altın Kelebek Ödülleri[redaktə | əsas redaktə]

Aygün Kazımova sıx iş qrafiki səbəbi ilə 2017-ci ildə "Altın Kelebek Ödülleri"ndən namizədliyinin geri götürülməsini istəmişdir. [56]

İl Mükafat Nəticə
2017 En İyi Kadın Sanatçısı [57] Nominasiya

Fəxri adları[redaktə | əsas redaktə]

Mükafat və döş nişanı Tarix Qeyd İstinadlar
Azərbaycan Respublikasının Əməkdar Artisti &0000000020020000.000000 2002 Heydər Əliyev tərəfindən [58]
Azərbaycan Respublikasının Xalq Artisti &0000000020020000.000000 2008 İlham Əliyev tərəfindən [59]

Diskoqrafiyası[redaktə | əsas redaktə]

Albomları[redaktə | əsas redaktə]

Albomun adı Çıxış tarixi Leybl Format
Ömrüm - Günüm 1995 Baki - Raks CD, kaset
Aygün 2000 CD, kaset
Sevdim 2001 CD, kaset,
Sevərsənmi 2005 Səbuhi Rekords CD, kaset, MP3 Download
Coffee from Colombia 21 aprel 2014 Doğan Music Company CD

Sinqlları[redaktə | əsas redaktə]

Duetləri[redaktə | əsas redaktə]

Siyahıda əksiklik var, tamamlamağa kömək edin.

Tarix Duet oxuduğu mahnının adı Duet oxuduğu müğənninin adı
2012 Küsməyək Röya
2005 Mavi Elşad Xose,Dəyirman
2015 Bağışla Miri Yusif
1999 Sən və Mən Cavid Hüseyn
2000 Təhna Qadın Mone
2007 Kişilər Ceyhun Zeynalov (Jin)
2000 Sevdiyini Axı Niyə Danırsan Səməd Səmədov
2003 Rəhm Elə Bizə Alim Qasımov
2012 Güləş Alim Qasımov
2013 Gecə - Gündüz Ramal İsrafilov
2015 Unutmuşam Elçin Cəfərov
2016 Ağlasın Samir Piriyev
2006 Джалма Filipp Kirkorov
2013 Любимая Xəyyam Nisanov
2013 Ben Aşık Oldum Elton Hüseynəliyev
1999 Миражи Samir Bağırov
2006 Самая самая Aytac Cəfərova
2011 Ты любовь моя Elton Hüseynəliyev
2011 Yağış Elton Hüseynəliyev
2016 Sevgilim Samir Bağırov
2001 Bir Daha Samir Bağırov
2012 Qoy bütün aləm bizdən danışsın Üzeyir Mehdizadə
2010 Petrol Miri Yusif
2012 İkinci Sen Sinan Akçıl
2000 Getmə, Getmə, Gəl Mirzə Babayev
2012 Bir Gecəlik Gökhan Erol
2012 Sən Artıq Mənimsən Gökhan Erol
2003 Xatirə İlqar Muradov
2012 İkinci Sen (Batu Çaldıran Remix) Sinan Akçıl
2014 Coffee from Colombia Snoop Dogg
2004 Bağlanıram Namiq Qaraçuxurlu
2005 Sevirəm Namiq Qaraçuxurlu
2005 Gecələr Namiq Qaraçuxurlu
2007 Məzəli Mahnı Namiq Qaraçuxurlu
2007 Nazlı Yarım Namiq Qaraçuxurlu
2006 Dedi Qodu Namiq Qaraçuxurlu
2005 Dözmədi Qəlbim Namiq Qaraçuxurlu
2005 Mənim Deyil Namiq Qaraçuxurlu
2006 Bu Necə Taledir Namiq Qaraçuxurlu
2000 Getmə Cavanşir Quliyev
2000 Əlvida Elxan Şirinov
2001 Gəl Elxan Şirinov
2000 Hatırlarmısın Elxan Şirinov
2016 Hər Şey Düzələr Rəhim Rəhimli
2017 Имя 505 ABD Malik
2018 Yaraşdın Mənə Rauf Əhmədov

Klipləri[redaktə | əsas redaktə]

Siyahıda əksiklik var, tamamlamağa kömək edin.

Videonun adı Çıxış tarixi Rejissoru Daxil olduğu albom
Sevdim 2001 Ülviyyə Könül Sevdim
Şəklimi çək 2001
Sevən Qəlbim 2006 Zöhrab Ağayev
Petrol 2010 Basa Potskhishvili Petrol
Düşün məni 2011 Murat Küçük
Qol 2012 Qol
Hayat Ona Güzel 2012 Hayat Ona Güzel
İkinci Sen 2012 İkinci Sen
İkinci Sen (Batu Çaldıran Remix) 2012 İkinci Sen (Batu Çaldıran Remix)
Coffee from Colombia 2014 Harris Hodovic Coffee from Colombia
S.U.S. 2017 Nestan Sinjikashvili S.U.S.
Yenə Tək 2007
Tənha Qadın 1999
Səndən Başqa 2005 Zafer Ünlü
Depresyondayım 2001 Ülviyyə Könül
Mən Aygünəm 2005
Я и ты 2000 Ülviyyə Könül Aygün
Bağlanıram 2005 Gülər
Sevirəm 2006 Fuad Əlişov
Güləş 2012
Xatirə 2003
Sigara 2002 Nailə Əkbərova
Son Söz 2004
Səssiz Sinema 2011
İndi Sənsiz 2002
Son Gecə 2000
Bu Sevgi 1989
Sənsizliyim 1999
Sənsiz Bir Günüm Olmasın 1995
Gözləyirəm 1993
Bizim Qızlar 1994 İlqar Əkbərov Ömrüm - Günüm
Uzaqlıq 1989
Tez Gəl 2000
Sevgilim, Süz 2002 Aqil M. Quliyev
Uyma 2000 Ülviyyə Könül Sevdim
Sevgi Nəğməsi 2008 Aqil M. Quliyev
Vokaliz 1998
Öpsən 2007 Fuad Əlişov
Gecələr Keçir 1998
Matros 2000 Aygün
Azərbaycan 2011 Azərbaycan Qızıyam
Azərbaycan Bayrağı 2009 Azərbaycan Qızıyam
Məhəbbət Üçbucağı 2000 Aygün
Gülər 2006 Aqil M. Quliyev
Bir Söz Yetər 2003 Aygün Kazımova
Vətən Anadır 2002 Aygün Kazımova
Telafisi Yok 2013 Telafisi Yok
İstərəm 2006
İstərəm 2007
Bulamadım 1994
Əllərini Uzat Gülüm 1995
Təkcə Səni 2009 Fuad Əlişov
Azərbaycan Anaların Anası 1998
Şəhidlər 1992
Hər Şey Düzələr 2016
Hara Getsən Apar Məni 1994
Cücələrim 2017 Anar Hüseynov
Hardasan 2018
Yaraşdın Mənə 2018 Nicat Məlikov

Filmoqrafiya[redaktə | əsas redaktə]

  1. Yarımştat (1996)
  2. Yaşıl eynəkli adam 2 (1999)
  3. Nekroloq (2001)
  4. Qış nağılı (2002)
  5. Tam Məxfi (2004)
  6. Xarı Bülbüllər (2005)
  7. Məşədi İbad 94 (2005)
  8. Adam Ol! 2 (2006) - rol: Aygün
  9. 3 bacı (film, 2012-2014) (bədii serial) (mahnı ifa edən, rol: Aygün)

Rejissor kimi[redaktə | əsas redaktə]

  • Vətən Anadır
  • Bir Söz Yetər

İstinadlar[redaktə | əsas redaktə]

  1. "Azərbaycan Respublikasının mədəniyyət xadimlərinə fəxri adların verilməsi haqqında" Azərbaycan Respublikası Prezidentinin 17 sentyabr 2008-ci il tarixli, 3045 nömrəli Sərəncamı  (azərb.)
  2. https://news.milli.az/showbiz/218752.html
  3. https://azerilady.com/mashurlar/aygun-kazimova.html
  4. https://oxu.az/showbiz/2456
  5. http://big.az/113479-Aygun_Kazimova_Qarabag_muharibesinde_vurusmasindan_danisib_Video.html
  6. https://www.discogs.com/Aygün-Kazımova-Ömrüm-Günüm/release/10858906
  7. http://news.lent.az/news/202934
  8. http://www.hurriyet.com.tr/gundem/ben-mert-i-bulent-ersoy-a-yedirtmem-90641
  9. https://www.discogs.com/Aygün-Kazımova-Sevərsənmi/release/10858971
  10. https://apa.az/sou_biznes/aygun-kazimova-sankt-peterburqda-plastik-emeliyyat-olunub.html
  11. http://azpress.az/index.php?lang=az&sectionid=news&id=143
  12. https://news.day.az/showbiz/261521.html
  13. https://news.milli.az/showbiz/44209.html
  14. http://sun.az/index.php?sid=2048&ord=1
  15. http://www.xezerxeber.az/news/107074.html
  16. http://joy.az/video/51638-aygun-kazimova-dushun-meni-kip-2011-yeni-70000-dollarliq-klip-original-yeni-exclusive.html
  17. https://news.milli.az/showbiz/89201.html
  18. http://ozdunyamiz.ucoz.com/news/aygun_kazimova_v_uzeyir_mehdizad_duet_oxudu/2012-05-06-20
  19. http://rezerv.axsam.az/?name=xeber&news_id=4203
  20. https://www.discogs.com/Aygün-Kazımova-Qol-/release/10821351
  21. https://apa.az/sou_biznes/aygun-kazimova-azerbaycanda-kecirilecek-futbol-uzre-dunya-cempionatina-hesr-olunmus-klipini-teqdim-edib-fotosessiya.html
  22. http://www.gomap.az/info/Detailed_News.aspx?id=4072&lng=az
  23. https://www.discogs.com/Aygün-Kazımova-Sinan-Akçıl-İkinci-Sen/master/1052265
  24. https://www.vevo.com/artist/aygun-kazimova
  25. http://ulu.az/?p=76623
  26. https://news.milli.az/showbiz/255941.html
  27. https://news.milli.az/showbiz/330758.html
  28. https://news.milli.az/showbiz/460736.html
  29. https://news.milli.az/country/548797.html
  30. https://metbuat.az/news/863690/ilin-en-yaxsi-mahnisi-secildi.html
  31. http://www.atv.az/news/show/92331-1063-fm-ilin-mahnisini-secdi
  32. http://axsam.az/?name=xeber&news_id=79183
  33. http://publika.az/news/magazin1/216310.html
  34. https://itunes.apple.com/us/album/hardasan-single/1364178556
  35. http://primetime.az/yarasdin-mənə-və-ya-aygun-kazimova-ilə-raufun-great-gatsby-stili-video/
  36. http://qafqazinfo.az/news/detail/sou-biznesin-guclu-ve-zeifleri-kimler-qisqirir-siyahi-143997
  37. https://news.milli.az/showbiz/424785.html
  38. http://pressaz.com/shou/2569-aygunle-resul-quliyevin-qardasi-oglunun-tanisliginin-sok-tarixcesi-ekskluzv.html
  39. http://az.baku.ws/hot_news/8396-aygun-kazmova-nazir-natiq-liyevin-olu-il-yaad-sevgidn-dand-vdeo.html
  40. https://azadqadin.az/qadin/19366-aygun-kazimovanin-turk-meshhurla-eshq-macerasi-fotolar.html
  41. https://news.milli.az/showbiz/269610.html
  42. http://www.hurriyet.com.tr/kelebek/azeri-ajda-nin-estetikleri-putin-in-bile-malumu-21252844
  43. http://big.az/15067-Aygun_Kazimova_ve_Yusuf_Guneyin_Nabran_konserti_Foto.html
  44. http://m.lent.az/news/286254
  45. http://www.bizimyol.info/news/1599.html
  46. https://az.trend.az/azerbaijan/culture/2226091.html
  47. http://azad.az/show-biznes/8818-aygun-kazimova-amburanda-konsert-verdi-video.html
  48. https://news.milli.az/showbiz/255941.html
  49. http://ulu.az/?p=76623
  50. http://axsam.az/?name=xeber&news_id=26952
  51. https://metbuat.az/news/214070/aygun-kazimova-cimerlik-geyiminde-konsert-verdi---foto.html
  52. https://az.trend.az/azerbaijan/culture/2548574.html
  53. https://az.trend.az/azerbaijan/culture/2651788.html
  54. https://news.milli.az/showbiz/330758.html
  55. https://style.news.am/eng/news/19997/emmy-along-with-azerbaijani-and-turkish-singers-nominated-for-big-apple-music-awards-2015.html
  56. http://publika.az/news/magazin1/216310.html
  57. http://axsam.az/?name=xeber&news_id=80037
  58. http://olke.az//news/detail/fexri-ad-almis-en-genc-senetciler-20-yasli-emekdar-33-yasli-xalq-artisti-siyahi-26627
  59. https://azertag.az/xeber/418638
  60. http://www.imdb.com/name/nm3339487/
  61. https://itunes.apple.com/us/album/hayat-ona-güzel-single/id581263122
  62. https://itunes.apple.com/us/album/i-kinci-sen-single/id585549602
  63. https://itunes.apple.com/us/album/i-kinci-sen-batu-çaldıran-remix-feat-sinan-akçıl-single/id581244232
  64. https://itunes.apple.com/us/album/aklım-başıma-geldi-single/id1071165164
  65. https://itunes.apple.com/us/album/aklım-başıma-geldi-single/id1071165164
  66. https://itunes.apple.com/us/album/arama-beni-single/id1196698232
  67. https://itunes.apple.com/us/album/dola-mənə-qolunu-single/id1249430788
  68. https://itunes.apple.com/us/album/seni-böyle-sevmediler-single/id1240814279
  69. https://itunes.apple.com/us/album/s-u-s-single/id1281901479
  70. https://itunes.apple.com/us/album/hardasan-single/1364178556
  71. https://itunes.apple.com/us/album/yaraşdın-mənə-feat-rauf-single/1387397478

Həmçinin bax[redaktə | əsas redaktə]