Raqub Kərimov
| Raqub Kərimov | |
|---|---|
| Doğum tarixi | |
| Doğum yeri | Əhmədağalı kəndi, Ağdam rayonu, Azərbaycan SSR |
| Vətəndaşlığı |
 Azərbaycan |
| Milliyyəti | Azərbaycanlı |
| Elm sahəsi | Şərqşünas |
| Elmi dərəcəsi | filologiya üzrə elmlər doktoru |
| Elmi adı | professor |
| İş yeri | AMEA M.Füzuli adına Əlyazmalar İnstitutu |
| Təhsili | Bakı Dövlət Universiteti |
Raqub Şahmar oğlu Kərimov (22 mart 1928, Ağdam, Əhmədağalı kəndi, Azərbaycan Respublikası) — Azərbaycan ədəbiyyatşünası, şərqşünas, filologiya elmləri doktoru, professor, tərcüməçi
Həyatı[redaktə | mənbəni redaktə et]
Raqub Şahmar oğlu Kərimov 22 mart 1946-cı ildə Azərbaycanın Ağdam rayonunun Əhmədağalı kəndində anadan olmuşdur. Orta məktəbi doğulduğu kənddə bitirmişdir.[1] 1963-cü ildə Azərbaycan Dövlət Universitetinin (indiki Bakı Dövlət Universiteti) "Şərqşünaslıq" fakültəsinə daxil olmuş, 1971-ci ildə orada "Fars dili və ədəbiyyatı" ixtisası üzrə tam kursu bitirmişdir. 1967–1970-ci illərdə tərcüməçi kimi Əfqanıstana ezam olunmuşdur. 1971-ci ildə Universiteti bitirib Azərbaycan SSR EA Tarix İnstitutunda baş laborant vəzifəsində çalışmış, 1973–1975-ci illərdə ikinci dəfə tərcüməçi kimi Əfqanıstana ezam olunmuşdur. 1976-cı ildə Sovet Azərbaycanının 60 illiyi adına Xankəndi Pedaqoji İnstitutunda müəllim kimi əmək fəaliyyətiinə başlamışdır. 1982-ci ildə filologiya elmləri namizədi adını almaq üçün "XIX əsrin ikinci yarısı farsdilli Azərbaycan poeziyası" mövzusunda dissertasiya müdafiə etmişdir.[2] 1986-cı ildə dosent elmi adını almışdır. 1991–2001-ci illərdə ADPU-nun Şuşa filialında Tarix-filologiya fakültəsinin dekanı vəzifəsində çalışmışdır. 2001-ci ildən 2003-cü ilə qədər ADPU-nun Ağcabədi tədris məntəqəsinin müdiri vəzifəsində işləmişdir. 2003-cü ilin iyul ayından Sumqayıt Dövlət Universitetinin Qədim və orta əsrlər Azərbaycan ədəbiyyatı kafedrasının müdiri, 2005-ci ilin may ayından isə Xarici ölkələr ədəbiyyatı kafedrasının müdiri vəzifəsində çalışmışdır. 2004-cü ildən AMEA Məhəmməd Füzuli adına Əlyazmalar İnstitutunun Farsdilli əlyazmaların tədqiqi şöbəsində çalışır. 2017-ci ildə filologiya üzrə elmlər doktoru elmi dərəcəsi almaq üçün "Qasım bəy Zakir: həyatı, dövrü, mühiti və müasirləri" mövzusunda dissertasiya müdafiə etmişdir. 2023-cü ildə professor adını almışdır.
Hazırda AMEA M. Füzuli adına Əlyazmaları İnstitutunda baş elmi işçi vəzifəsini icra edir.[3]
Yaradıcılığı[redaktə | mənbəni redaktə et]
Raqub Kərimov 1982-ci ildə "XIX əsrin ikinci yarısı farsdilli Azərbaycan poeziyası" mövzusunda namizədlik, 2017-ci ildə "Qasım bəy Zakir: həyatı, dövrü, mühiti və müasirləri" mövzusunda doktorluq dissertasiyasını müdafiə etmişdir. O, "Farsdilli Azərbaycan poeziyası (XIX əsərin II yarısı) və "Qasım bəy Zakir və müasirləri" monoqrafiyalarının, "Abdulla bəy Asinin həyat və yaradıcılığı" və digər elmi əsərlərin müəllifidir.
Raqub Kərimovun araşdırmalarında, xüsusilə, Qasım bəy Zakirin yaradıcılığının öyrənilməsi mühüm yer tutur.[4] O, həmçinin XIX yüzil Qarabağ ədəbi mühitini təmsil edən ayrı-ayrı sənətkarların yaradıcılığına aid çoxsaylı araşdırmaların müəllifidir.
Əsərləri[redaktə | mənbəni redaktə et]
Transliterasiya, tərcümə və tərtib etdiyi əsərlər[redaktə | mənbəni redaktə et]
1. Mir Möhsün Nəvvab. "Nəsihətnamə". Bakı, "Yazıçı" nəşr., 1987 (80s.) (farsca mətnin tərtibçisi)
2. Mir Mehdi Xəzani. Əsərləri. Bakı, Azərbaycan Dövlət Nəşriyyatı, 1989 (124s.)
3. Mir Möhsün Nəvvabın elmi, dini, tibbi qeydləri//Əsərləri (səh.185–214). Bakı, "Şuşa" nəşr., 1999, II nəşri, "Şərq-Qərb" nəşriyyatı, 2006 (214s.)
4. Məşədi Əyyub Baki. "Riyazül-məhəbbət". Bakı, "Şuşa" nəşr., 2000 (190s.)
5. Məhəmmədəli bəy Məxfi. Qəzəllər. Bakı, "Şuşa" nəşr., 2001 (213s.)
6. Həsənəli xan Qaradaği. Əsərləri. Bakı, "Şuşa" nəşr., 2001 (167s.)
7. Həsənəli xan Qaradaği. Fələyin bir belə dövrü olacaqmış. Bakı, Azərbaycan Milli Ensiklopediyası, NRB nəşr., 2003 (280s.)
8. Məşədi Məhəmməd Bülbül. Əsərləri. Bakı, "Şuşa" nəşr., 2008 (360s.)
9. İbrahim Tahir Musayev. Əsərləri. Bakı, "Elm və Təhsil" nəşr., 2012 (633s.)
10. Mirzə Baxış Nadim. Seçilmiş əsərləri. Bakı, "Alatoran" nəşr., 2018 (249s.)
Tərcümələri[redaktə | mənbəni redaktə et]
1. Bəhmən Mirzə Qacar. "Şükürnameyi-Şahənşahi". Bakı, "Şuşa" nəşr., 1999 (62s.) – fars dilindən
2. Pənahi Semnari. Fətəli Şah Qacar. "Şuşa" nəşr., 2006 (256s.) – fars dilindən
Elmi araşdırmaları[redaktə | mənbəni redaktə et]
1. Şərq xalqlarının maariflənməsində klassik Azərbaycan şairlərinin rolu. Bakı, Bilik, 1981 (84s.)
2. Nəsimi poeziyasında bədii təsvir və ifadə vasitələri. Bakı, N. Tusi adına ADPU-nun nəşriyyatı, 1993 (64s.) (metodik tövsiyə)
3. Farsdilli Azərbaycan poeziyası (XIX əsrin ikinci yarısı) (monoqrafiya). Bakı, "Azəırbaycan" nəşr., 1999 (155s.)
4. Hüseynbala Mirələmovun yaradıcılıq yolu (monoqrafiya). Bakı, "Şuşa" nəşr., 2007 (310s.)
5. Abdulla bəy Asinin həyat və yaradıcılığı. Əsərləri. Bakı, "Nurlan" nəşr., 2009 (290s.)
6. Sədi Sani Qarabağinin həyat və yaradıcılığı. Qəzəlləri. Bakı, "Nurlan" nəşr., 2011 (222s.)
7. Qasım bəy Zakir və müasirləri (monoqrafiya). Bakı, "Elm və təhsil" nəşr., 2013 (250s.)
8. Mir Mehdi Xəzaninin həyat və yaradıcılığı. Əsərləri. Bakı, "Elm və təhsil" nəşr., 2014 (236 s.)
9. Sədi Sani Qarabağinin həyat və yaradıcılığı. Əsərləri. Bakı, "Elm və təhsil" nəşr., 2014 (304s.)
İstinadlar[redaktə | mənbəni redaktə et]
- ↑ "Kərimov Raqub Şahmar oğlu". 2021-12-02 tarixində arxivləşdirilib. İstifadə tarixi: 2024-03-05.
- ↑ "Tədqiqatçı-alim Raqub Kərimovun 75 illiyi qeyd edilib". 13.03.2024 tarixində arxivləşdirilib.
- ↑ "XIX əsr ədəbi məclisləri". Archived from the original on 2024-03-11. İstifadə tarixi: 2024-03-11.
- ↑ "Klassiklərimizin elmi tərcümeyi-halına doğru". Archived from the original on 2024-03-13. İstifadə tarixi: 2024-03-13.
Xarici keçidlər[redaktə | mənbəni redaktə et]
Filologiya üzrə elmlər doktoru Raqub Kərimovun 75 illik yubiley tədbiri