Rövşən Almuradlı

Vikipediya, azad ensiklopediya
Naviqasiyaya keç Axtarışa keç
Rövşən Almuradlı
Rövşən Əziz oğlu Almuradlı
Doğum tarixi
Doğum yeri Bakı, Azərbaycan SSR, SSRİ
Vəfat tarixi (64 yaşında)
Vəfat yeri Sumqayıt, Azərbaycan
Vəfat səbəbi ürək tutması
Milliyyəti azərbaycanlı
Vətəndaşlığı SSRİ SSRİ→
Azərbaycan Azərbaycan
Uşağı Kamal Almuradlı
Atası Əziz Almuradlı
Anası Xavər Almuradlı[1]
Fəaliyyəti rejissor, ssenarist, aktyor
Təhsili
IMDb ID0022020
Vikianbarın loqosu Vikianbarda əlaqəli mediafayllar

Rövşən Almuradlı (tam adı: Almuradlı Rövşən Əziz oğlu; 19 aprel 1954, Bakı – 2 aprel 2019, Sumqayıt) — azərbaycanlı rejissor, ssenarist, əsər müəllifi, aktyor.

Həyatı

[redaktə | vikimətni redaktə et]

Rövşən Almuradlı 1954-cü il aprelin 19-u Bakı şəhərində anadan olmuşdur.

1972-1976-cı illərdə Mirzəağa Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində ali təhsil almışdır. Sonra o, aktyor kimi Tədris Teatrında fəaliyyətə başlamışdır. 1984-1987-ci illərdə Moskva SSRİ Mədəniyyət Nazirliyi nəzdində Təkmilləşdirmə İnstitutunda ali rejissorluq kursunu bitirmiş, Moskva Dövlət Akademik Satira Teatrında təcrübə keçmişdir. Orada onun kurs rəhbəri SSRİ xalq artisti V.N.Pluçek idi.

1976-1980-cı ilə qədər Şəki Dövlət Dram Teatrında çalışan aktyor, həmin illərdə Şekspirin "Kral Lir"ində Kral Lir, Cəfər Cabbarlının "Aydın"ında Dövlət bəy, Anarın "Adamın adamı"nda İbiş İbşli və Xoca Zıq-zıq, Əkrəm Əylislinin "Kür qırağının meşələri"ndə Qasım obrazlarını yaratmışdır.

O, 1980-1985-ci illərdə Sumqayıt Dövlət Dram Teatrında Əkrəm Əylislinin "Vəzifə" tamaşasının quruluşçu rejissoru olmuşdur.

1987-ci ildə Şəki Dövlət Dram teatrında M.Salimoviçin "Dərviş və ölüm", 1987-ci ildə Sumqayıt Dövlət Teatrında N.Hikmətin "Bayramın birinci günü", 1988-ci ildə Sumqayıt Dövlət Teatrında M.Süleymanlının "Dəyirman" əsərlərinin quruluşçu rejissoru olmuşdur.

Rövşən Almuradlı 1988-1989-cu illərdə Mingəçevir Dövlət Dram Teatrının baş rejissoru olarkən Y.Səmədoğlunun "Qətl günü", V. Sergeyevin "Bağlı qapı arxasında iki nəfər" əsərlərinə quruluş vermişdir.

1989-cu ildə "Azərbaycanfilm" kinostudiyasının "Debüt" studiyasında "Hücum" adlı qısametrajlı bədii filmin quruluşçu rejissoru olmuşdur.

1990-cı ildə çəkilən "Azadlığa gedən yollar" filminin rejissorlarından biri olmuşdur.

1991-ci ildə Azərbaycan Teatr Xadimləri İttifaqının nəzdində açılan, müstəqil "İstiqlal" teatrının bədii rəhbəri olmuşdur.

1991-ci ildə M.Süleymanlının "Zirzəmi", 1992-ci ildə M.Dostoyevskinin "Şıltaq qız", 1992-ci ildə Qoqolun "Dəlinin qeydləri", 1992-ci ildə Gəncə Dövlət Dram Teatrında Anarın "Beş mərtəbəli evin altıncı mərtəbəsi" kimi əsərlərin quruluşçu rejissoru olmuşdur.

1993-1995-illərdə "Bəri bax" müstəqil kinostudiyasında tammetrajlı "Yük" bədii filminin quruluşçu rejissoru olmuşdur.

1994-cü ildə "Doğma" kino-povesti əsasında çəkilmiş "Ümud" bədii filminin müəllifidir.

R.Almuradlı AzTV-nin "Sabah" yaradıcılıq birliyində aşağıdakı film tamaşalara quruluş vermişdir:

  • C.Məmmədquluzadənin "Anamın kitabı"
  • N.Hacızadənin "Qayalarda qalan səs"
  • Orxan Fikrətoğlunun "Şəkilçi və şəkilçi"
  • Şekspirin "Kleopatra"

"Telefilm" yaradıcılıq birliyində aşağıdakı bədii televiziya filmlərinin quruluşçu rejissoru olmuşdur:

  • "Yaz yuxusunun işiqi"
  • "Bəsdir aglama"

Film dastanlar:

  • "Abbas və Gülgəz" 7 seriyalı
  • "Koroğlu"

Sənədli filmlər:

  • "Etnoqrafik etüdlər"
  • "Qobustan"
  • "Qax abidələri"
  • "Padarçöl"
  • "Molla Cümə"
  • "Şıx ocağının işığı"
  • "Qudyalçay"
  • "Göyçə gözəlləməsi"
  • "Yurd" və sair...

2006-2008-ci illərdə Mədəniyyət Nazirliyinin sifarişi ilə çəkilmiş “Cavad xan” bədiii filminin quruluşçu rejissoru olmuşdur.[2]

2005-ci ildə Akademik Milli Dram Teatrında İ.Şıxlının "Ölüləri qəbiristanlıqda basdırın" əsərinin rejissoru olmuşdur.

Rövşən Almuradlı 2006-cı il oktyabr ayının 25-də Akademik Milli Dram Teatrına quruluşçu rejissor vəzifəsinə qəbul edilmişdir.

Bakı Bələdiyyə Teatrında 2010-cu ildə M. Süleymanlının “Bəylik dərsi” əsərinə, 2011-ci ildə Anarın “Qaravəlli” əsərinə, 2012-ci ildə M.F. Axundzadənin “Müraviyyə vəkilləri əhvalatı” əsərinə quruluş vermişdir.

2012-ci ildə Azərbaycan Dövlət Akademik Milli Dram Teatrında F. Dürrenmattın “Yaşlı xanımın gəlişi” əsərinə quruluş vermişdir.

2019-cu ilin 2 aprel tarixində səhər saatlarında şəhərin Sülh küçəsində Qubaya rejissoru olduğu "Əsgərlər unudulanda ölürlər" filminin təqdimatına getməyə hazırlaşan Rövşən Almuradlının vəziyyəti qəflətən pisləşir. Əraziyə dərhal təcili tibbi yardım çağırılır. Lakin o, xəstəxanaya aparılarkən yolda dünyasını dəyişir[3].

Siyasi fəaliyyəti

[redaktə | vikimətni redaktə et]

Rövşən Almuradlı 2013-cü ildən Vətəndaş Həmrəyliyi Partiyasının (VHP) üzvü olub. 2015-ci ildən VHP Siyasi Şurasının üzvü və Mədəniyyət Komissiyasının sədri olub.

Filmoqrafiya

[redaktə | vikimətni redaktə et]
  1. Hücum (film, 1989) — Quruluşçu Rejissor
  2. Qəzəlxan (film, 1991) — Aktyor
  3. Anamın kitabı (film, 1994) — Quruluşçu Rejissor və Ssenari müəllifi
  4. Azadlığa gedən yollar (film, 1990)— Quruluşçu Rejissor
  5. Qayalarda qalan səs (film, 1995) — Quruluşçu Rejissor
  6. Şəkilçi və şəkilçi... (film, 1995) — Quruluşçu Rejissor
  7. Ümid (film, 1995) — Əsərin müəllifi
  8. Yük (film, 1995)— Quruluşçu Rejissor
  9. Etnoqrafik etüdlər (film, 1996)— Quruluşçu Rejissor
  10. Kleopatra (film, 1996)— Quruluşçu Rejissor
  11. Yaz yuxusunun işığı (film, 1996) — Quruluşçu Rejissor və Ssenari müəllifi
  12. Qobustan (film)— Quruluşçu Rejissor və Ssenari müəllifi (həmmüəllif: Qulu Məhərrəmov)
  13. Bəsdir, ağlama! (film, 1999)— Quruluşçu Rejissor
  14. Ünvansız qız (film, 1999) — Quruluşçu Rejissor və Ssenari müəllifi
  15. Abbas və Gülgəz (film, 2000)— Quruluşçu Rejissor
  16. Qax abidələri (film, 2001)— Quruluşçu Rejissor
  17. Qudyalçay (film, 2001) —Quruluşçu Rejissor
  18. Padarçöl (film, 2002) —Quruluşçu Rejissor
  19. Koroğlu (film, 2003) — Quruluşçu Rejissor
  20. Cavad xan (film, 2009) —Quruluşçu Rejissor
  21. Teatral həyat (film, 2009)— Aktyor
  22. Molla Cümə (film) — Quruluşçu Rejissor
  23. Şıx Ocağının İşığı (film)
  24. Sonuncu fəsil (teleserial, 2013) — Aktyor rol: Oqtay
  25. "Əsgərlər unudulanda ölürlər" (sənədli film) - rejissor[4]

Teatr tamaşaları

[redaktə | vikimətni redaktə et]
  1. Ölüləri qəbiristanlıqda basdırın (2005) Akademik Milli Dram Teatrı
  2. "Bəylik dərsi" Bakı Bələdiyyə Teatrı
  3. "Oğru" Sumqayıt Dövlət Dram Teatrı
  4. "Qaravəlli" Bakı Bələdiyyə Teatrı
  5. "Mürafiə vəkilləri" Bakı Bələdiyyə Teatrı
  6. "Yaşlı xanımın gəlişi" (2011) Akademik Milli Dram Teatrı
  7. "Dəyirman" (1988) Sumqayıt Dövlət Dram Teatrı
  8. "Bayramın birinci günü" Sumqayıt Dövlət Dram Teatrı
  9. "Bir saatlıq xəlifə" Sumqayıt Dövlət Dram Teatrı
  10. "Kimdir müqəssir?" Sumqayıt Dövlət Dram Teatrı

İstinadlar

[redaktə | vikimətni redaktə et]
  1. ↑ "Rövşən Almuradlıya ağır itki üz verib". 2016-03-06 tarixində arxivləşdirilib. İstifadə tarixi: 2013-11-23.
  2. ↑ Mədəniyyət TV. "Rövşən Almuradlı tarixin bu günü dünyaya gəlib" (az.). Youtube.com. 19.04.2024. 2024-04-19 tarixində arxivləşdirilib. İstifadə tarixi: 2024-04-19.
  3. ↑ Azərbaycanın tanınmış rejissoru dayanacaqda vəfat edib- FOTO Arxivləşdirilib 2021-06-17 at the Wayback Machine. xeberle.com, 02.04.2019  (az.)
  4. ↑ Əsgərlər unudulanda ölürlər Arxivləşdirilib 2020-05-07 at the Wayback Machine. azertag.az, 11.10.2018  (az.)

Mənbə

[redaktə | vikimətni redaktə et]

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Rövşən_Almuradlı&oldid=7777954"