Saleh Musayev
Saleh Musayev | |
---|---|
Musayev Saleh Sabir oğlu | |
Şəxsi məlumatlar | |
Doğum tarixi | |
Doğum yeri | Yevlax, Azərbaycan SSR, SSRİ |
Vəfat tarixi | (22 yaşında) |
Vəfat yeri | Ağdərə, Azərbaycan |
Vəfat səbəbi | Döyüş zamanı minaya düşərək şəhid olub |
Dəfn yeri | |
Vətəndaşlığı |
SSRİ→ Azərbaycan |
Milliyyəti | azərbaycanlı |
Uşağı | Şahin Musavi |
Təhsili |
|
Hərbi fəaliyyəti | |
Mənsubiyyəti | A.R. Silahlı Qüvvələri |
Qoşun növü | Quru qoşunları |
Xidmət illəri | 1991-1992 |
Rütbəsi | Baş leytenant |
Döyüşlər | Qarabağ müharibəsi |
Saleh Sabir oğlu Musayev (7 aprel 1970, Yevlax – 14 noyabr 1992, Çıldıran, Kəlbəcər rayonu) — Qarabağ müharibəsinin iştirakçısı, şəhid.
Həyatı[redaktə | mənbəni redaktə et]
Saleh Musayev 7 aprel 1970-ci ildə Azərbaycan SSR-in Yevlax şəhərində anadan olmuşdur. 1976-cı ildə Yevlax şəhər 4 nömrəli məktəbə daxil olmuş, 1985-ci ildə bitirmişdir. 1985-ci ildə Bakıda yerləşən fizika-riyaziyyat təmayüllü liseyə daxil olmuşdur. 1987-ci ildə həmin məktəbi bitirmişdir. 1987-ci ildə Ukrayna SSR-in Poltava şəhərində yerəşən general N. F. Vatutin adına Zenit-Raket Komandirlər məktəbinin Quru qoşunlarının havadan taktiki müdafiəsi ixtisasına qəbul olmuş, 1991-ci ildə radio mühəndisi ixtisası ilə leytenant rütbəsində məktəbi bitirmişdir. Elə həmin il 23 iyun tarixində SSRİ Müdafiə Nazirliyinin 0641 nömrəli əmri ilə Poltavada 35705 saylı hərbi hissədə taqım komandiri vəzifəsinə təyin edilmişdir.
Döyüş yolu[redaktə | mənbəni redaktə et]
26 fevral 1992-ci il Xocalı soyqırımıdan sonra Saleh Musayev Azərbaycana gəlmək qərarı alır. Təyinatını Gəncə şəhərində yerləşən 732 saylı hərbi hissəyə alır və baş leytenant rütbəsində batalyon komandiri olaraq ön cəbhədə döyüşlərə yollanır. İlk döyüşlərini Goranboy cəbhəsindən başlayan Saleh Ağcakənd, Başkənd və bir sıra məntəqələrinon azad edilməsində fəal iştirak edir. Daha sonra Ağdam rayonunun Sırxavənd kəndinin azad edilməsində aktiv rol oynayır.
Azərbaycan Ordusunun 1992-ci iliyin iyununda başladığı əks-hücumunda Saleh və batalyonu da aktiv iştirak edir. Marquşavan, Həsənqaya, Gödəkburunun azad edilməsində müstəsna xidmətləri olur. 1992-ci il 14 noyabr tarixində Ağdərənin Çıldıran kəndi uğrunda gedən qeyri-bərabər döyüşdə Saleh son anadək döyüşü idarə edir. Döyüş zamanı atışma mövqeyini dəyişərkən minaya düşür.
Yoldaşları cəsədini çətinliklə də olsa qarlı döyüş meydanından çıxara bilirlər. Kəskin qan itirmədən vəfat edir. Doğulduğu Yevlax şəhər Şəhidlər Xiyabanında dəfn edilib. Yevlaxda yaşadığı küçə də hal-hazırda onun adını daşıyır. Gəncə şəhər Kəpəz Hərbi Komissarlığının şəhidlər lövhəsində də şəkli var. Şəhid olan zaman Tərtər şəhər 703 saylı hərbi hissənin zabiti idi. 1991-ci ildə ailə qurmuşdu, bir oğlu var idi.
Xatirəsi[redaktə | mənbəni redaktə et]
Saleh Musayev şəhid olduqdan sonra haqqında dövrün bir sıra mətbu orqanları yazmışdır. Onlardan biri də Xəlil Rza Ulutürkün oğlu şəhid Təbriz Xəlilbəylinin həyat yoldaşı Sevinc Xəlilbəylinin qəzetdə yazdığı məqalədir:
Saleh Musayevin 23 yaşı var idi. Belə gənc olmasına baxmayaraq, Vətən uğrunda savaşlarda oddan-alovdan keçmişdi. Torpaqlarımızı erməni işğalçılarından təmizləyən qəhrəman oğullarımızdan biri, mənim ömür-gün yoldaşım Təbrizin silahdaşı, cəbhə dostu idi.
Saleh noyabrın 14-də Ağdərə bölgəsinin Çıldıran kəndi ətrafındakı döyüşlərdə qəhrəmancasına həlak oldu. Mənə elə gəldi ki, təkcə Təbrizimin dostunu yox, öz doğma qardaşımı itirdim. Amma təsəllim odur ki, torpaq uğrunda vuruşub torpağa gömülən bu igid oğulları, ərləri vətənimiz Azərbaycan bütün xalqımız zaman-zaman bir qələbə bayrağı kimi öz başı üzərinə qaldıracaq |
Xarici keçidlər[redaktə | mənbəni redaktə et]
- 7 apreldə doğulanlar
- 1970-ci ildə doğulanlar
- 22 yaşında vəfat edənlər
- 14 noyabrda vəfat edənlər
- 1992-ci ildə vəfat edənlər
- Yevlaxda dəfn olunanlar
- Azərbaycan Silahlı Qüvvələrinin baş leytenantları
- Əlifba sırasına görə hərbi xadimlər
- Yevlaxda doğulanlar
- Çıldıranda vəfat edənlər
- Ağdərədə vəfat edənlər
- Birinci Qarabağ müharibəsi iştirakçıları
- Birinci Qarabağ müharibəsində həlak olanlar
- Yevlax Şəhidlər Xiyabanında dəfn olunanlar