science.gov.az

Vikipediya, azad ensiklopediya
Jump to navigation Jump to search

www.science.gov.az, www.elm.az, www.nauka.az
Science.gov.azlogo1.jpg
URL science.gov.az
Qeydiyyat AZ1073, Azərbaycan Respublikası, Bakı ş., Hüseyn Cavid prospekti 115
Dilləri Azərbaycan, rusingilis
Açılma tarixi 1995

Science.azAMEA-nın rəsmi veb-portalı olaraq www.ab.az adı ilə 1995-ci ildə istismara verilmişdir. Science.az ölkədə fəaliyyət göstərən İnternet-media orqanları arasında öz çəkisinə, əhatə genişliyinə görə seçilən və böyük oxucu kütləsinə malik portallardandır. Portal böyük informasiya bazası və güclü axtarış imkanlarına malikdir.

“Science.az” AMEA-da fəaliyyət göstərən alimlərin dünyanın tanınmış elmi qurumları ilə əlaqə yaratması, beynəlxalq əməkdaşlığın gücləndirilməsi üçün vasitəçi rolunu oynayır. Azərbaycan elminin təbliği istiqamətində fəaliyyət göstərdiyi illər ərzində portal bütün ölkə üzrə ən etibarlı məlumat mənbələrindən birinə çevrilib. AMEA-nın fəaliyyətinin işıqlandırılması işini uğurla davam etdirən bu resurs, həm də ölkəmizdə ilk internet-jurnalistika məktəbidir.

Əsas məqsədi AMEA haqqında müvafiq məlumatların, onun coxşaxəli fəaliyyətinin Azərbaycan və dünya ictimaiyyətinə çatdırılması, həmçinin akademiyanın əməkdaşlarının beynəlxalq elmi informasiya məkanı ilə əlaqələrinin təmin edilməsidir.

Yaranma tarixi[redaktə | əsas redaktə]

Azərbaycan Respublikasında ilk veb-sayt olan science.az 1995-ci ildə AMEA İnformasiya Texnologiyaları İnstitutunda akademik Əli Abbasovun rəhbərliyi altında fəaliyyətə başlamışdır.

Portal 3 inkişaf dövrünü geridə qoymuşdur. I mərhələ 1995-2003, II mərhələ 2003-2015, III mərhələ isə 2015-2019-cu illəri əhatə edir. Fəaliyyət göstərdiyi ilk - 1995-2003-cü illərdə sayt statik, strukturlaşdırılmamış səhifələrdən ibarət idi, verilənlər bazası isə mövcud deyildi.

AMEA Rəyasət Heyəti 26 sentyabr 2001-ci il tarixdə “www.science.az portalının yaradılması haqqında” qərar qəbul etmiş və bu işi İnformasiya Texnologiyaları İnstitutuna həvalə etmişdir. Bu mərhələdə portalın dizaynı və strukturu yenilənmiş, fotoqalereyası yaradılmış, xəbərlər verilənlər bazası əsasında işlənilməyə başlamışdır.

AMEA Rəyasət Heyətinin 3 iyul 2013-cü il tarixli qərarı ilə təsdiq edilmiş “AMEA Rəyasət Heyətinin informasiyalaşdırılmasına dair Fəaliyyət Planı”nda digər məsələlərlə yanaşı, www.science.az portalının yeni versiyasının hazırlanması da nəzərdə tutulmuşdur. AMEA İnformasiya Texnologiyaları İnstitutunun mütəxəssisləri tərəfindən ən yeni texnologiyaların tətbiq olunması şərtilə portalın yeni versiyası hazırlanmışdır.

Portalda, həmçinin Azərbaycanda elmin populyarlaşdırılması məqsədini daşıyan İnternet-televiziya – “ElmTV” fəaliyyət göstir AMEA-nın Rəyasət Heyəti, elmi müəssisə və təşkilatları, o cümlədən görkəmli alimlərin fəaliyyətləri haqqında videoreportaj və videoçarxlar hazırlanır.

Qeyd olunub ki, 2003-cü ildən bəri istismarı AMEA İnformasiya Texnologiyaları İnstitutunda həyata keçirilən science.az portalı 2014-cü ildə AMEA Rəyasət Heyəti aparatının İctimaiyyətlə əlaqələr və elmin populyarlaşdırılması idarəsinin strukturuna daxil edilmişdir. 2019-cu ildə edilən müvafiq struktur dəyişikliklərindən sonra isə idarə İctimaiyyətlə əlaqələr, mətbuat və informasiya şöbəsi adlandırılmış və filologiya üzrə fəlsəfə doktoru Ağahüseyn Şükürov şöbənin müdiri təyin edilmişdir. Hazırda science.gov.az həmin şöbənin Elektron informasiya sektorunun əməkdaşları tərəfindən idarə olunur.

Portalın vəzifələri[redaktə | əsas redaktə]

  • AMEA, eləcə də bütövlükdə respublikanın elmi ictimai mühitində baş verən yeniliklərin - müxtəlif seminarlar, elmi, elmi-texniki konfranslar, simpoziumlar, yubileylər, nəşrlər, görüşlər və s. haqqında informasiyaların operativ əldə edilərək istifadəçilərə ötürülməsi;
  • Azərbaycanın elmi nailiyyətlərinin dünya ictimaiyyətinə çatdırılması;
  • AMEA əməkdaşlarının beynəlxalq elmi informasiya məkanı ilə əlaqələrinin təmin edilməsi.

Portalın işinin təşkili[redaktə | əsas redaktə]

  • www.science.az portalı daim müşaiyət olunur, məlumatlar yenilənir, təkmilləşdirilir və genişləndirilir;
  • Ölkə Prezidenti tərəfindən elm və təhsil sahəsində imzalanmış rəsmi sənədlər, AMEA Rəyasət Heyətinin rəsmi sənədləri, eləcə də AMEA-nın dövri nəşrləri burada yerləşdirilir;
  • Saytda Azərbaycan, eləcə də dünya elmi məkanında baş verən yeniliklər öz əksini tapır;
  • Portala daxil olan məlumatlar operativ olaraq işlənilir, rus və ingilis dillərinə tərcümə olunur;
  • science.az-ın müxbirləri tərəfindən portalın fotoqalereyasına AMEA-da keçirilən konfrans, seminar, görüş və digər tədbirlərdən çəkilən fotoşəkillər yerləşdirilir;
  • Hər il AMEA-da həyata keçirilən struktur dəyişiklikləri ilə əlaqədar institut və təşkilatlara aid olan məlumatların özləri tərəfindən yoxlanılması və son variant kimi təhvil verilməsi məqsədilə həmin qurumlar rəsmi şəkildə məlumatlandırılır.

Veb-portal AR Nazirlər Kabinetinin 4 sentyabr 2012-ci il tarixli Qərarı ilə təsdiq edilmiş “Dövlət orqanlarının informasiya ehtiyatlarının yaradılmasına və idarə edilməsinə dair Tələblər”ə, həmçinin Xüsusi Dövlət Mühafizə Xidmətinin Kompüter İnsidentlərinə Qarşı Mübarizə Mərkəzinin tələblərinə cavab verir, təhlükəsizlik tam şəkildə təmin olunur.

Qeyd edək ki, 2019-cu ildə portala 2213 xəbər yerləşdirilib. İl ərzində sayta edilən müraciətlərin sayı Google Analytics (www.google.com/analytics) sayğacı üzrə 2 062 288 təşkil edib. Müraciət edən ölkələr arasında ilk beşlikdə Azərbaycan, Rusiya, Türkiyə, Almaniya və ABŞ qərarlaşıb.

science.az portalı tədris bazası[redaktə | əsas redaktə]

Dəyərli informasiya mənbəyi olan www.science.az fəaliyyət göstərdiyi illər ərzində həm də tədris bazası rolunu oynamışdır. Burada ölkənin müxtəlif ali məktəblərindən olan tələbələr təcrübə keçmiş, onlarla jurnalist, veb-dizayner və veb-proqramçılar yetişdirilmişdir. Belə ki, Bakı Dövlət Universitetinin Jurnalistika fakültəsinin çoxsaylı tələbələri veb-jurnalistika sahəsində kadr hazırlığı məktəbi olan science.az portalında işləyərək təcrübə qazanmışlar.

Tələbələr İnternet-medianın praktiki əsasları, saytların yaradılması və idarə edilməsi barədə məlumatlandırılıb. Ölkənin bir çox tanınmış saytlarında fəaliyyət göstərən media mütəxəssisləri məhz science.az-ın yetirmələridir. Hazırda portalın əməkdaşları tərəfindən science.az-ın “Facebook” və “Twitter” səhifəsi idarə olunur. Portalda yerləşdirilən mühüm məlumatlar sosial şəbəkələrdə də operativ olaraq işıqlandırılır.

17 dekabr 2015-ci il tarixdə Azərbaycanın mətbuat tarixində xüsusi yeri olan www.science.az veb-portalının 20 illik yubileyi təntənəli şəkildə qeyd olunmuşdur. Tədbirdə science.az-ın səmərəli fəaliyyətinə görə fərqlənən əməkdaşlar “AMEA-nın Fəxri Diplomu” ilə təltif olunmuş, xatirə hədiyyələri ilə mükafatlandırılmışlar.

Bu gün science.az keyfiyyətcə özünün yeni inkişaf mərhələsinə qədəm qoyub. Portal Azərbaycan və dünya elmində baş verən ən son yenilikləri ictimaiyyətə daha operativ çatdırmaq üçün mütəmadi olaraq yeniliklər edir, öz fəaliyyətini gücləndirir. Cari ildə, science.az-ın 25 illik yubileyi ərəfəsində portalın dizayn və proqram təminatının təkmilləşdirilməsi, eləcə də təcrübə mübadiləsi və əməkdaşlıq əlaqələrinin genişləndirilməsi nəzərdə tutulur.

Portalın strukturu[redaktə | əsas redaktə]

  • Ana səhifə
  • AMEA haqqında
  • AMEA Rəyasət Heyəti
  • AMEA-nın strukturu
  • AMEA-nın üzvləri, fəxri adlar
  • Rəsmi sənədlər
  • Xəbərlər
  • Beynəlxalq əməkdaşlıq
  • AMEA institut və təşkilatlarının saytları
  • Elmi tədqiqatların əlaqələndirilməsi şurası
  • Problemlər üzrə elmi şuralarin saytları
  • Sosial xidmətlər
  • Linklər
  • Əks əlaqə

Həmçinin bax[redaktə | əsas redaktə]