Semih Şəntürk

Vikipediya, açıq ensiklopediya
Jump to navigation Jump to search
Semih Şəntürk
Semih Şentürk Başakşehir.jpg
Ümumi məlumatlar
Ləqəbi Növbətçi qolçu
Doğum tarixi 29 aprel 1983 (1983-04-29) (35 yaş)
Doğum yeri Bornova, İzmir, Türkiyə
Vətəndaşlıq Flag of Turkey.svg Türkiyə
Boyu 183 sm
Çəkisi 78 kq
Mövqeyi hücumçu
Klub haqqında məlumat
Klub Flag of Turkey.svg Fənərbaxça
Nömrəsi 23
Karyerası
Peşəkar karyerası[* 1]
1999—h.h. Flag of Turkey.svg Fənərbaxça 166 (54)
2001—2002  Flag of Turkey.svg İzmirspor 22 (3)
Milli yığma[* 2]
2006—h.h. Flag of Turkey.svg Türkiyə 27 (8)
Beynəlxalq medallar
Avropa çempionatları
Bürünc Avstriya/İsveçrə 2008

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 22 may 2011 tarixində redaktə olunub.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı, iyun 2011 tarixində redaktə olunub.
Commons-logo.svg Semih Şəntürk Vikianbarda

Semih Şentürk (29 aprel 1983, İzmir, Bornova) — Fənərbaxça klubunun və Türkiyə milli futbol komandasının hücumçusu. Adətən oyunlarda meydana ehtiyat oyunçu kimi çıxıb qol vurması ilə tanındığına görə "növbətçi qolçu" ləqəbini almışdır. 2007/2008-ci il mövsümü Futbol üzrə Türkiyə çempionatında 17 qol vuraraq qol kralı olmuşdur.

Klub karyerası[redaktə | əsas redaktə]

Semih Şənturk 1999-cu ilin iyun ayında Türkiyə milli futbol komandasının (15 yaşlılar) heyətində ilk oyununu Rumıniya milli futbol komandasına (15 yaşlılar) qarşı keçirmişdir. Həmin ilin avqust ayında keçirilən "Gənclər arasında Balkan Çempionatı"nda 4 oyunda 8 qol vurmuşdur. Turniri izləyən Fənərbaxçanın gənclərdən ibarət komandasının baş məşqçisi Saraloğlu Yuqoslaviya milli futbol komandasının (15 yaşlılar) qapısına vurduğu 5 qolu gördükdən sonra onu 1999-cu ilin sentyabr ayında komandasının heyətinə dəvət etmişdir. Həmin il Futbol üzrə Türkiyə çempionatının ikinci dövrəsində Mustafa Dənizli tərəfindən Fənərbaxçanın əsas heyətinə cəlb olunmuşdur. Fənərbaxçada ilk rəsmi oyununu Siirtspora qarşı keçirmişdir. Bu oyunun son 15 dəqiqəsində meydana çıxmışdır. Futbol üzrə Türkiyə çempionatının 2001/2002 mövsümündə İzmirspora icarəyə verilmişdir.[1] 17 dekabr 2005-ci ildə Fənərbaxçanın heyətində Dənizlispora 4 cavabsız qol vurmaqla bu klubun tarixində bir oyunda 4 və daha artıq qol vuran 13-cü futbolçu olmuşdur. 13 dekabr 2006-cı ildə UEFA Kuboku çərçivəsində keçirilən və 2-2 ilə nəticələnən Fənərbaxça-Ayntraxt Frankfurt oyununun 75-ci dəqiqəsində meydana çıxmış, 79-cu dəqiqədə ilk sarı vərəqəsini almış, 82-ci dəqiqədə isə Fənərbaxçanın sonrakı mərhələyə keçməsini təmin edən qolu vurmuşdur. Həmin oyunun 91-ci dəqiqəsində ikinci sarı vərəqəsini alsa da hakim ona qırmızı vərəqə göstərməyi və meydandan uzaqlaşdırmağı unutduğuna görə təxminən 20 saniyə oyunu davam etdirmişdir. Amma sonra özü ikinci sarı vərəqə aldığını hakimə bildirmiş və bununla da oyunun nəticəsinin ləğvinə səbəb ola biləcək anlaşılmazlığı aradan qaldırmışdır. Futbol üzrə Türkiyə çempionatının 2007/2008 mövsümündə 17 qola imza ataraq mövsümün qol kralı olmuşdur. 6 avqust 2008-ci ildə Uefa Çempionlar Liqasının seçmə mərhələsində Fənərbaxçanın heyətində Macarıstanın MTK Budapeşt klubuna qarşı keçirdiyi cavab oyununda 4 qol vuraraq o zamana qədər Fətki Həpərin daşıdığı "Avropa Kuboku yarışlarında bir oyunda ən çox qol vuran türk futbolçu" adını almış və UEFA Çempionlar Liqasında bir oyunda 4 qol vuran ilk türk futbolçu olmuşdur[2].

Milli komanda karyerası[redaktə | əsas redaktə]

Türkiyə milli futbol komandasının heyətində ilk oyununu Futbol üzrə Avropa çempionatı 2008-in seçmə mərhələsi çərçivəsində 17 noyabr 2007-ci ildə Norveçə qarşı keçirmişdir. İlk qolunu Finlandiya milli futbol komandasına vurmuşdur. İkinci qolunu Futbol üzrə Avropa çempionatı 2008-də İsveçrə milli futbol komandasına qarşı keçirilən qrup oyununda bu komandanın qapısından keçirmişdir. 20 iyun 2008-ci ildə Futbol üzrə Avropa çempionatı 2008-in Türkiyə-Xorvatiya arasında keçirilən 1/4 final görüşündə 112-ci dəqiqədə qapıçı Rüştü Rəcbərin birbaşa rəqib komandanın qapıçı meydançasına göndərdiyi topu qapıdan keçirməklə oyunun hesabını bərabərləşdirmiş (1-1) və oyundan sonrakı penalti zərbələrinin vurulmasını təmin etmişdir. Bu qol həm də Futbol üzrə Avropa çempionatları tarixində oyunun ən sonlarında vurulmuş qol kimi qeydə alınmışdır. Penalti zərbələrindən sonra Türkiyə milli futbol komandası 3-1 hesabı ilə qalib gəlmişdir. Semih Şəntürk də bu penalti zərbələrindən birini uğurla yerinə yetirmişdir. Bundan sonra turnirdə Almaniya milli futbol komandasına qarşı keçirilən oyunda komandasının 2-ci qolunu vursa da bu qol Türkiyə yığmasını məğlubiyyətdən xilas edə bilməmişdir. Bununla belə Semih Şəntürk Futbol üzrə Avropa çempionatı 2008-də komandasının ən çox qol vuran futbolçusu olmuşdur.

Müvəffəqiyyətləri[redaktə | əsas redaktə]

Milli komanda heyətində vurduğu qollar[redaktə | əsas redaktə]

# Tarix Yer Rəqib Hesab Nəticə Qarşılaşma
1. 29 may 2008 Duysburq, Almaniya Flag of Finland.svg Finlandiya 2 – 0 2 – 0 Yoldaşlıq görüşü
2. 11 iyun 2008 Bazel, İsveçrə Flag of Switzerland.svg İsveçrə 1 – 1 2 – 1 Futbol üzrə Avropa çempionatı 2008
3. 20 iyun 2008 Vyana, Avstriya Flag of Croatia.svg Xorvatiya 1 – 1 1 – 1 Futbol üzrə Avropa çempionatı 2008
4. 25 iyun 2008 Bazel, İsveçrə Flag of Germany.svg Almaniya 2 – 2 2 – 3 Futbol üzrə Avropa çempionatı 2008

İstinadlar[redaktə | əsas redaktə]

  1. Semih Şəntürk: "Növbətçi deyil əsl qolçuyam"
  2. ntvspor.net

Xarici keçidlər[redaktə | əsas redaktə]

Vikianbarda Semih Şəntürk ilə əlaqəli mediafayllar var.

Həmçinin bax[redaktə | əsas redaktə]