Səidə Quliyeva
| Səidə Quliyeva | |
|---|---|
| Doğum tarixi | 5 mart 1957 (67 yaş) |
| Doğum yeri | |
| Vətəndaşlığı | |
| Fəaliyyəti | aktrisa |
| Təhsili | |
| Mükafatları |
  |
| IMDb | ID1665720 |
Səidə Əbülfəz qızı Quliyeva (5 mart 1957, Bakı) — Azərbaycan teatr və kino aktrisası,[1] Azərbaycan Respublikasının xalq artisti (2012), Prezident təqaüdçüsü (2019).
Həyatı
[redaktə | mənbəni redaktə et]Səidə Quliyeva 5 mart 1957-ci ildə Bakıda anadan olub. 1978-ci ildə Azərbaycan Dövlət İncəsənət İnstitutunun "dram və kino aktyoru" fakültəsini bitirib. Həmin ildən təyinatla Akademik Milli Dram Teatrında fəaliyyətə başlayıb.
Böyük səhnədə debütü 1979-cu ildə rejissor Ə. Quliyevin hazırladığı Vilyam Şekspirin "Heç nədən hay-küy" komediyasında Hero rolu olmuşdur. Bundan sonra, aktrisa teatrda müxtəlif rejissorların səhnə quruluşlarında maraqlı obrazlar yaratmışdır. S. Quliyeva Akademik Milli Dram Teatrının səhnəsində İlyas Əfəndiyevin "Xurşidbanu Natəvan" tarixi dramında Bəyim, Ş. Qurbanovun "Sənsiz" dramında Sevinc, Maksim Qorkinin "Həyatın dibində" əsərində Nastya, Əli Əmirlinin "Ağqoyunlular və Qaraqoyunlular"ında Qaraqoyunlu ana, Elçinin "Ah Paris! Paris!" komediyasında Firəngiz, Süleyman Sani Axundovun "Eşq və intiqam" pyesində Həcər xanım, Nazim Hikmətin "Kəllə" dramında Qadın, Bəxtiyar Vahabzadənin "Dar ağacı"nda Ana, Elçinin "Qatil" əsərində Qonşu, Mir Cəlalın "Dirilən adam"ında Çəpəl Suralı, Cəlil Məmmədquluzadənin "Ölülər"ində Kərbəlayi Fatma, Abdulla Şaiqin "Eloğlu"nda Ana Torpaq kimi müxtəlif janrlı obrazlar qalereyası yaratmışdır.
Səidə Quliyeva 2000-ci ildə respublikanın Əməkdar Artisti, 9 may 2012-ci ildə Xalq artisti fəxri adına layiq görülmüşdür. 30 aprel 2014-cü ildə,[2] 6 may 2015-ci ildə[3], 6 may 2016-cı ildə[4], 1 may 2017-ci ildə[5] və 9 may 2018-ci ildə[6] Prezident Mükafatına layiq görülmüşdür. 10 may 2019-cu ildə Azərbaycan Respublikası Prezidentinin fərdi təqaüdünə layiq görülmüşdür.[7]
Ailəsi
[redaktə | mənbəni redaktə et]Səidə Quliyeva Tofiq Quliyevin qardaşı oğlu Rüfət Quliyev ilə evli idi.[8] Onkoloji xəstə olmuş Rüfət Quliyev 4 iyun 2024-cü il tarixində ölmüşdür.[9]
Filmoqrafiya
[redaktə | mənbəni redaktə et]- Adam ol! (film, 2005) — Səidə
- Afaqın məhəbbəti (film) — Afaq
- Ağ atlı oğlan (film, 1995) — filmi səsləndirən: Şəhla (Laləzar Mustafayeva)
- Aramızda qalsın (teleserial, 2011) — Dilbər
- Atayevlər ailəsi (film, 1978) — Reyhan
- Ayrılıq imiş (film, 2008) — Sonaxanım
- Azarkeş (film, 2008) — Səkinə
- Bala-başa bəla! (film, 1995) — İzzət Nəfisli
- Bəyaz həyat (film, 2003) — Lalə
- Bizi bağışlayın (film, 1979) — Klara (gənc)
- Bizim qəribə taleyimiz (film, 2005) — filmi səsləndirən
- Böyük ömrün davamı (film, 2007)
- Cəza (film, 1996)
- Dəvətnamə (film, 2003) — Məleykə
- Fədakar (film, 2015) — qonşu
- "Fransız" (film, 1995) — Əlibalanın nişanlısı
- Gülüş sanatoriyası (film, 1989) — mətni oxuyan
- Günahsız Abdulla (film, 1984) — Fatma
- Günaydın, mələyim! (film, 2008) — filmi səsləndirən: Raya (Gülşad Baxşıyeva)
- Hansı peşə yaxşıdır (film, 1982)
- Haray (film, 1993) — ana
- Heydər Əliyev (film)
- İtkin gəlin (film, 1994)
- Kökdən düşmüş piano (film, 1982) — Gülər
- Ordan-burdan (film, 1987) — Reyhan
- "Qayınana" əməliyyatı (film, 1999) — Naznaz
- Qeybdən gələn səs (film, 2002) — Balacaxanım
- Qəzəlxan (film, 1991) — filmi səsləndirən: Xanım (Həmidə Ömərova)
- Qonşu qonşu olsa... (film, 1989) — Müzəffərin arvadı
- Məhəbbətin familiyası (film, 1977) — gənc qız
- Mən mahnı qoşuram (film, 1979) — kənd sakini
- Milli bomba (film, 2004) — Əbdülqəninin qızı
- Min birinci söz (film, 1997)
- Nekroloq (film, 2001) — Elmira
- Sabiqlər (film, 1999)
- Sabiqlərin yeni sərgüzəştləri (film, 2000)
- Sarıköynəklə Valehin nağılı (film, 1980) — Sənubər
- Susmuş vicdan (film, 2010)
- Sürəyya (film, 1987) — müəllimə
- Şahid qız (film, 1990) — filmi səsləndirən: tibb bacısı Rzayeva (Sona Mikayılova)
- Təxribat (film, 1989)
- Tənha durna uçuşu (film, 2003) — Firəngiz
- Topal Teymur (film, 1983) — Meliça
- Ultionis
- Vəkil hanı? (film, 2011) — Nisə xala
- Yaramaz (film, 1988) — Hətəmin keçmiş arvadı
- Yerlə göy arasında (film, 1999)
- Yoxlama (film, 2006) — lal-kar qonşu
- Yollar görüşəndə... (film, 1979) — Çiçək
- Yük (film, 1995) — filmi səsləndirən: Sona xanım (Nailə Əliyeva)
İstinadlar
[redaktə | mənbəni redaktə et]- ↑ Quliyeva, S. "Xəmirdən yalnız çörək bişirilmir": Səidə Quliyeva sənət potensialının çox az hissəsini xərcləyib: [Aktrisa ilə söhbət] //Mövqe.- 2011.- 12 fevral.- S. 13.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-04-07 tarixində arxivləşdirilib. İstifadə tarixi: 2014-04-30.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində arxivləşdirilib. İstifadə tarixi: 2015-09-03.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-07-23 tarixində arxivləşdirilib. İstifadə tarixi: 2016-05-06.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2017-05-04 tarixində arxivləşdirilib. İstifadə tarixi: 2017-05-02.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-10.
- ↑ President.Az. "Azərbaycan mədəniyyət və incəsənət xadimlərinə Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. 2019-05-10 tarixində arxivləşdirilib. İstifadə tarixi: 2019-05-10.
- ↑ modern.az. ""Əzab çəkirdik, amma dözürdük" - Xalq artisti Səidə Quliyeva ilə MÜSAHİBƏ". modern.az (az.). 2024-06-09 tarixində arxivləşdirilib. İstifadə tarixi: 2024-06-09.
- ↑ "Səidə Quliyevaya ağır itki". Qafqazinfo (az.). 2024-06-06. 2024-06-08 tarixində arxivləşdirilib. İstifadə tarixi: 2024-06-09.
8. https://news.milli.az/culture/695542.html 9. https://news.milli.az/culture/611288.html 10.https://news.milli.az/culture/18540.html
Tematik saytlar |
|---|
- 5 martda doğulanlar
- 1957-ci ildə doğulanlar
- Yaşayan insanlar
- Bakıda doğulanlar
- Azərbaycan Dövlət Mədəniyyət və İncəsənət Universitetinin məzunları
- Azərbaycan Respublikasının xalq artistləri
- Azərbaycan Respublikasının əməkdar artistləri
- Əlifba sırasına görə film sənətçiləri
- Azərbaycan aktrisaları
- Azərbaycan Respublikası Prezidentinin fərdi təqaüdçüləri