Talış soğanı

Vikipediya, azad ensiklopediya
Jump to navigation Jump to search

Elmi adı - Allium talyschense Mischz.ex Grossh. 

IUCN Qırmızı Siyahısına görə növün kateqoriyası və statusu “Təhlükəli həddə yaxın olanlar” kateqoriyasına aiddir – VU D2. Azərbaycanın nadir, Qafqazın endemik növüdür. [1][2]

Qısa morfoloji təsviri[redaktə | əsas redaktə]

Çoxillik ot bitkisidir. Soğanaq yumurtavari və ya 1,5 sm yoğunluğunda, boz qınlıdır. Yarpaqlar novşəkilli, 2-3 mm enində, xətvaridir. Çətir şarvari, çoxçiçəklidir. Çiçəkyanlığı 5 mm uzunluğundadır, enli-zəngvari, ağ-çəhrayımtıl, tünd-qırmızı damarlıdır. Erkəkcik sapı çiçəkyanlığından qısadır, əsası qısa kirpicklidir, xaricdən neştərşəkilli, daxildən 3 bölümlü, sütuncuq çiçəkyanlığından kənara çıxmır.[1][2][3][4]

Bioloji, ekoloji və fitosenoloji xüsusiyyətləri[redaktə | əsas redaktə]

Çiçəkləmə və meyvələmə dövrü aprel-may aylarına təsadüf edir.Soğanaqla və toxumla çoxalır. Kseromezofitdir.Orta və subalp qurşaqlarında quru qayalı yerlərdə rast gəlinir. Dekorativ bitkidir.[1][2][3]

Yayılması[redaktə | əsas redaktə]

 Diabar, Lənkəranın dağlıq hissəsi.[1][2][4][5][6][7][8]

Sayı və tendensiyası[redaktə | əsas redaktə]

Hal-hazırda populyasiyanın Hirkan Milli Parkında qorunmasına və sabitliyinə baxmayaraq antropogen təsirlər azalma tendensiyasını yarada bilər.[1][2][8]

Məhdudlaşdırıcı amillər[redaktə | əsas redaktə]

Dekorativ əhəmiyyətinə gör əhali tərəfindən toplanılması, otarılma və tapdalanma.[1] [2]

Mühafizə tədbirləri[redaktə | əsas redaktə]

Mühafizəsi üçün xüsusi tədbirlər görülmür, antropogen təsiri azaltmaq məqsədilə yasaqlıqlar təşkil olunmalıdır. [1][2]

Mənbə[redaktə | əsas redaktə]

  1. 1 2 3 4 5 6 7 Azərbaycan Respublikasının Qırmızı kitabı  Nadir və nəsli kəsilməkdə olan bitki və göbələk növləri II nəşr, Bakı-2013
  2. 1 2 3 4 5 6 7 http://www.redbook.az
  3. 1 2 Гроссгейм А.А., 1940
  4. 1 2 Флора Азербайджана, 1952
  5. İbadlı O.V., 2004
  6. Ибадлы О.В. 2005
  7.  Конспект флоры Кавказа, 2006
  8. 1 2 Tərtibçinin məlumatı