Tofiq Babayev (general-mayor)

Vikipediya, açıq ensiklopediya
Jump to navigation Jump to search
Tofiq Babayev
Tofiq Behbud oğlu Babayev
Tofiq Babayev (general-mayor).jpg
bayraqAzərbaycan Milli Təhlükəsizlik Nazirinin müavinibayraq
2000 — 2005
Şəxsi məlumatlar
Doğum tarixi 9 iyun 1949 (1949-06-09) (70 yaş)
Doğum yeri Ağdam rayonu
Vəfat tarixi 9 sentyabr 2012(2012-09-09)
Vəfat yeri İstanbul
Hərbi xidmət
Rütbəsi General

Mükafatları Azərbaycan Bayrağı ordeni - lent (1993-2013).png "Hərbi xidmətlərə görə" medalı "Vətən uğrunda" medalı

Tofiq Babayev — Azərbaycan Respublikası Milli Təhlükəsizlik nazirinin sabiq müavini, general-mayor.

Həyatı[redaktə | əsas redaktə]

Tofiq Behbud oğlu Babayev 1949-cu il iyunun 9-da Ağdam rayonunda anadan olmuşdur. 1956-1966-cı illərdə Ağdam şəhəri 1 saylı orta məktəbdə oxumuşdur. 1971-ci ildə Azərbaycan Dövlət Universitetinin (indiki BDU) Fizika fakültəsini bitirmişdir. 1972-1974-cü illərdə leytenant hərbi rütbəsində Naxçıvan və Dağlıq Qarabağda yerləşən hərbi hissələrdə xidmət keçmişdir. 1974-1976-cı illər ərzində Ağdam şəhər 50 saylı tam orta texniki peşə məktəbində fizika müəllimi, 1976-1979-cu illərdə isə Ağdam rayon Komsomol Komitəsində II katib və rayon Partiya Komitəsində təlimatçı vəzifələrində çalışmışdır.

Fəaliyyəti[redaktə | əsas redaktə]

1979-cu ildə Azərbaycan Təhlükəsizlik orqanlarına qəbul olunub. Dağlıq Qarabağda baş əməliyyat müvəkkili, Ağdam, Quba, Yevlax, Gəncə şəhər şöbələrinin və Qarabağ üzrə idarənin rəisi vəzifəsində çalışıb. General-mayor Tofiq Babayev 2000-2005-ci illərdə Azərbaycan Respublikası Milli Təhlükəsizlik nazirinin müavini vəzifəsində çalışmışdır. 2005-ci ildə öz xahişilə vəzifəsindən azad edilib.

Mükafatları[redaktə | əsas redaktə]

"Azərbaycan bayrağı" ordeni, "Hərbi xidmətlərə görə", "Vətən uğrunda"[1] medalları və Azərbaycan Respublikası Prezidentinin "Fəxri Fərmanına" layiq gorülüb. Qarabağ üzrə idarənin rəisi olarkən (Ağdam-1992) Xocalı soyqırımına etiraz əlaməti olaraq polkovnik rütbəsindən imtina etmişdir.

Vəfatı[redaktə | əsas redaktə]

General 9 sentyabr 2012-ci ildə müalicə üçün getdiyi İstanbulda hospitalların birində vəfat etmişdir.[2].

İstinadlar[redaktə | əsas redaktə]