Vikipediya:Kənd meydanı

  VMF elanları

Qısayol: VP:KM

Mövzu əlavə et

Arxiv

Kənd meydanı

Bu səhifə Vikipediyanın təkmilləşdirilməsi ilə əlaqədar təkliflərin müzakirə olunması üçün nəzərdə tutulub. Bu səhifədə yalnız Vikipediyanın təkmilləşdirilməsi istiqamətində məsələlər müzakirə olunur və elanlar qeyd olunur.

Vikipediyadan istifadə ilə bağlı suallarınızı Vikipediya:Yardım masası səhifəsində qeyd edin.

Lütfən, digər mövzularda müraciətləriniz üçün aşağıda qeyd edilmiş müvafiq səhifələrə müraciət edin.

• İcma portalı
• İnzibatçılara müraciət
• Tez-tez soruşulan suallar
• Texniki müraciətlər
• Transliterasiya
• Addəyişmə müraciətləri
• Yükləmə müraciətləri
• Kateqoriya müzakirələri
• Şablon müzakirələri
• İcma qərarı olan mövzular
• Şikayətlər

Solar.Pokinin məqalələri

@Solar.Poki tərəfindən yaradılmış əksəriyyəti İran azərbaycanlısı olan xadimlər məqalələri çox problemlidir. Məqalələrin adı Azərbaycan dilində deyil: Yashar Hakak Pour (Yaşar Hakakpur), Alireza Asgharzadeh (Əlirza Əsgərzadə), Fakhteh Luna Zamani (Faxtə Luna Zamani), Sevil Suleymani (Sevil Süleymani), Shervin Shadpour (Şervin Şadpur), Said Mughanli (Səid Muğanlı), Roghaiye Kabiri (Rüqəyyə Kəbiri məqaləsi ola-ola), Rahim Baqqal-Asghari (Rəhim Baqqal Əsgəri), Mohammad Alimoradi (Məhəmməd Əlimuradi). Mötərizədəki adla axtarış verəndə Azərbaycandilli mənbələrdə bu cür yazıldıqlarını görmək mümkündür. VP:ADM tək-tək müraciət etmək istəmirəm, çünki həmin səhifəyə 3-4 şəxsdən başqa heç kim baxmır, baxanlar da bürokratiya yaradaraq "burada müzakirə yeri deyil" yazıb, addəyişməni icra etmirlər.

Əlavə olaraq məqalələrdə yazı və üslub səhvləri var, ensiklopediyaya uyğun yazılmayıb, mənbələr də problemlidir. İnzibatçıları məqalələri təftiş etmələrinə, addəyişdiriciləri isə bu şəxslərin adlarını Azərbaycan dilinə uyğun şəkildə dəyişdirmələrinə çağırış edirəm. Yousiphh (müzakirə) 17:20, 14 iyun 2026 (UTC)

O dəfə bu məqalələri @Rəcəb Yaxşı ilə müzakirə etmişdik. Nemoralis (müzakirə) 06:56, 15 iyun 2026 (UTC)

@Nemoralis, başlığı arxivləşdirmək istəyirəm. Necə edirik? Hörmətlə, Qədir (müzakirə) 16:06, 13 iyul 2026 (UTC)

@Yousiphh, əminsizsə, məqalələrə birbaşa "sil" şablonu qoyun ki, sürətli silinsin. İstifadəçiyə də əvvəlcə xəbərdarlıq edin, məhəl qoymasa, növbəti dəfə bloklanması üçün müraciət edin. samral ^müzakirə 05:49, 18 iyun 2026 (UTC)

@White Demon və Sura Shukurlu: bəzi əməliyyatlar icra etmisiniz, şərh də əlavə etsəniz yaxşı olar. Mövzu ilə bağlı fikirlərinizi də qeyd edə bilərsiniz. Hörmətlə, Qədir (müzakirə) 16:13, 13 iyul 2026 (UTC)

vikilayihələrlə bağlı

salammm!! vikilayihələr ilə bağlı 2 məsələ ilə bağlı konsensus əldə etmək məqsədilə müzakirəni başladıram:

1. VikiLayihə, yoxsa Vikilayihə? hal-hazırda iki variant yanaşı istifadə edilir; mənə elə gəlir, bunu standartlaşdırsaq, yaxşı olar;
2. 10 ildən bir az artıq əvvəl müxtəsər müzakirə edildiyi kimi, portallar və kömək səhifələri kimi vikilayihələr üçün də ayrıca ad fəzası (vikilayihə:, yaxud sadəcə layihə:) yaradılsın?

aşağıda fikrinizi bölüşsəniz, şad olaram! çox sağ olun ^^ əkrəm. 23:13, 20 iyun 2026 (UTC)

@Nemoralis, @Araz Yaquboglu, @Qədir, @Zohrab Javad, @ChanisCaucasi, @Samral, @Yousiphh, @Bikar, @Lawyer.F və adını ötürdüyüm digər redaktorlar, mövzulardan, heç olmasa, birində fikrinizi bildirməyinizə şad olaram ^^ əkrəm. 10:32, 24 iyun 2026 (UTC)

Salam, orfoqrafiya baxınımdan "VikiLayihə" səhv variant kimi görünür,"Vikilayihə" daha doğru olar. Sadəcə "layihə" isə spesifikanı nəzərə almır. Təklif edrədim "Vikilayihə" kimi yazılsın. Lawyer.F (müzakirə) 08:04, 7 iyul 2026 (UTC)

orfoqrafiya

variant 1) VikiLayihə

•  lehinə başlıqlarda rəsmi orfoqrafiya qaydalarına riayyət etmək mütləq deyil. Məsələn, məncə, bu məqalənin başlığında orfoqrafik səhv olmalıdır, amma yoxdur. --Мурад 97 (müzakirə) 08:32, 21 iyun 2026 (UTC)
•  Lehinə Nemoralis (müzakirə) 13:37, 24 iyun 2026 (UTC)

variant 2) Vikilayihə

•  lehinə, digər viki- tipli birləşmələrdəki (baxın: vmf layihələrinin adları) qanunauyğunluğa əsasən :3 əkrəm. 23:13, 20 iyun 2026 (UTC)
•  lehinə Lawyer.F (müzakirə) 08:05, 7 iyul 2026 (UTC)

ad fəzası

variant 1) VikiLayihə, yaxud Vikilayihə (digər müzakirənin nəticəsinə əsasən)

•  lehinə, ümumiyyətlə, punktdakı «portallar və kömək səhifələri» nümunəsindəki qanunauyğunluğa əsasən; məhz bu variant isə, layihə sözünün yarada biləcəyi potensial çaşbaşlığı aradan qaldırmaq (bir sözlə, dəqiqləşdirməni təmin etmək) üçün :3 əkrəm. 23:15, 20 iyun 2026 (UTC)
•  lehinə Lawyer.F (müzakirə) 08:09, 7 iyul 2026 (UTC)

variant 2) sadəcə Layihə

•  Lehinə Sadəcə "Layihə" kifayət edir. Onsuz da söhbətin getdiyi bilinir. Həmçinin rus və fransız dillərində də sadəcə "Proyekt" olaraq verilib. – Toghrul R (m) 05:55, 21 iyun 2026 (UTC)

  @Toghrul R, @Əkrəm, ümumiyyətlə, biz niyə ayrıca ad fazası açırıq ki? Vikipediya: ad fazası elə layihələr üçün də nəzərdə tutulmayıb ki? Məsələn, Kateqoriya: ad fazası var, çünki onun özünə aid texniki xüsusiyyəti var. Şablon, MediaViki və s. onlar üçün də eyni məsələdir. Amma Vikipediya:VikiLayihə Anime və manqa ilə VikiLayihə:Anime və manqa arasında hansı texniki fərq var ki? Yəni bunu etməklə bizə hansı fayda gəlir ki, biz edirik, əvvəl bunu aydınlaşdırmaq lazımdır. Bu, əlavə iş yükünü də özü ilə birlikdə gətirir. Nə qədər səhifədə redaktə, düzəliş edilməlidir. Buna dəyər həqiqətən? Sousou no Frieren 21:07, 21 iyun 2026 (UTC)

  @White Demon, mən təklifi ona görə vermişdim ki, 1) vikipediya: fəzası çox cluttered olmasın; 2) hal-hazırkı formada 3 kilometr səhifə adı yazmaq lazım gəlir. «portal & kömək səhifələri» nümunəsini də elə ona görə vermişdim ki, technically onlar da saytın özü ilə bağlıdır & əlavə texniki xüsusiyyətləri də yoxdur, ona görə də polno vikipediya: ad fəzasında yerləşə bilərlər, amma hal-hazırda vəziyyət belə deyil & belə olmamağını da, şəxsən, mən rahatlıqverən hesab eləyirəm, elə həmin o qeyd etdiyim 2 punkta əsasən. fikirləşirdim ki, layihələri də bu cür eləyə bilərik :3 əkrəm. 23:44, 21 iyun 2026 (UTC)

  redaktə məsələsi də ki, addəyişdirməni (hətta elə keçidlərin düzəldilməsini də) avtomatlaşdırmaq, hal-hazırda mövcud olan səhifələrdən də istiqamətləndirmə vermək olar, backwards compatibility üçün. üstəlik elə də çox sayda vikilayihə səhifəsi yoxdur hələ ki. müxtəsəri, elə də bir katastrof olan deyil, dw :3 əkrəm. 23:45, 21 iyun 2026 (UTC)

  Portal: ad fazası fərqli məsələdir. Portallar sırf vikipediyaçılar üçün deyil, oxuculara təqdim olunmaq üçün nəzərdə tutulub, məzmun səhifəsidir. Vikilayihələr isə o vikipediyaçıların işi üçün nəzərdə tutulub, onlar məzmun deyil, vikipediyaçıların işi üçün nəzərdə tutulub. Kömək ad fazasını isə mən əhəmiyyətli hesab etmirəm, mənə qalsa Kömək üçün də Vikipediya: ad fazası bəs edərdi. Sousou no Frieren 00:23, 22 iyun 2026 (UTC)

  yenə axırda gəlib çıxır hansını üstün tutmaq məsələsinə də; elə də bir obyektiv tərəfi, görünür, yoxdur :P əkrəm. 00:55, 22 iyun 2026 (UTC)

•  Əleyhinə Lawyer.F (müzakirə) 08:07, 7 iyul 2026 (UTC)

variant 3) yaradılmasın (status-kvo saxlansın)

•  Lehinə yuxarıda da dediyim kimi.--Sousou no Frieren 21:08, 21 iyun 2026 (UTC)
•  Lehinə Ad fəzasına ehtiyac yoxdur. Nemoralis (müzakirə) 13:37, 24 iyun 2026 (UTC)
•  Əleyhinə Unifikasiya daha doğru yol olar. Lawyer.F (müzakirə) 08:08, 7 iyul 2026 (UTC)

Krımın yaşayış məntəqələri

Salam. Sualım Krımın yaşayış məntəqələrinə aiddir. Bəzən onların iki adı olur: krımtatarca və rusca/ukraynaca (hətda orada da bir az fərqli ola bilər). Bəzən ru-Vikidə və uk-Vikidə bir ad istifadə olunur, krım-tatar adı isə orada köhnə ad kimi qeyd olunur. Krım-tatar-dilli Vikidə isə bəzən köhnə ad istifadə olunur. Məsələn, ru-Vikidə kəndin müasir adı "Плодовое" - yəni Plodovoye, köhnə adı "Челебилер" - yəni Çelebiler; uk-Vikidə kəndin müasir adı "Плодове" - yəni Plodove, keçmiş adı Челебілер - yəni Çelebiler; Krım-tatar-dilli Vikidə isə məqalənin adı "Çelebiler"dir. Hansını əsas tutaq? Mənim fikrimcə, Krım-tatar dilindəki versiyanı əsas tuta bilərik. Hər necə də, Azərbaycan dilinə daha yaxındır. Belə hallar normaldır ki, bir yaşayış məntəqəsi fərqli dillərdə fərqli adlandırılsın. Adi misal Həştərxan (hərçənd ki "Həştərxan" və "Astraxan" o dərəcədə fərqli ad deyillər, daha çox eyni adın fərqli formalarıdır). Zohrab Javad (müzakirə) 10:30, 22 iyun 2026 (UTC)

Kənd Ukraynada yerləşir, Ukraynada hansı rəsmi adla adlandırılıbsa, o addan istifadə etmək daha məntiqlidir. Təbii ki, bizim mənbələrdə hansı adlandırmaya üstünlük verilibsə, o variant daha üstündür, o məsələ də var. Sousou no Frieren 00:54, 23 iyun 2026 (UTC)

Ümumiyyətlə, bu məsələ sadəcə Krımın yaşayış məntəqələri ilə bağlı deyil ki. Milyon dənə yaşayış məntəqəsi var ki, yerli dildə adı başqadır. Bavariyanın paytaxtı Münxen şəhərinin bavariya dilindəki adı Minqadır, amma təbii ki, adlandırmanı alman dilinə görə və mənbələrə görə aparırıq. Sousou no Frieren 00:57, 23 iyun 2026 (UTC)

@White Demon, Münxen böyük şəhərdir, çox guman azərbaycanca çoxsaylı mənbələr var ki “Münxen” yazılır. Yuxarıda adı çəkilən isə kənddir. Sıravi kənd olsaydı başqa, amma Krımda yerləşir - həm Ukraynada, həm Rusiyada Krımın statusu var, və mən biləni hər iki hüquqi müstəvidə Krımda Krım-tatar dilinin rəsmi statusu var. Bavariya dili və ya dialekti zatən alman dilinə bağlıdır və Azərbaycan dili üçün ikisi də yaxın deyil. Krım-tatar dili isə rus və Ukrayna dillərindən fərqlidir və Azərbaycan dilinə daha yaxındır. Zohrab Javad (müzakirə) 13:06, 23 iyun 2026 (UTC)

Krım tatarcasının bizim dilə yaxın olub olmamasının adlandırma üçün heç bir əhəmiyyəti yoxdur. Bu bilirsiniz nəyə oxşayır, təsəvvür edin ki, EnVikidə deyirlər ki, Xocalı haqqında məqalə Xocalı yox, Stepanakert olmalıdır, çünki ingilis dili ermənicəyə daha yaxındır (ikisi də Hind-Avropa dilidir), nəinki Azərbaycan dilinə. Sizcə bu tutarlı səbəb olardı? Yox, təbii ki. Sousou no Frieren 14:15, 23 iyun 2026 (UTC)

@White Demon En-Viki zatən Xankəndini Stepanakert adlandırır… Zohrab Javad (müzakirə) 19:25, 23 iyun 2026 (UTC)

Bilirəm, sadəcə səbəb kimi bu göstərilsə, düzgün deyil, onu demək istəyirəm. Sousou no Frieren 19:42, 23 iyun 2026 (UTC)

Ev-Vikidə ümumiyyətlə ciddi səbəb göstərmədən səs verirlər, yəni en-Viki Qarabağ mövzusu üçün obyektivlik nümunəsi ola bilməz. İngilis dili erməni dilinə (və əlifbaları) o qədər yaxın deyil, nə qədər ki Azərbaycan və Krım-tatar dilləri və əlifbaları. Amma olmasın dil yaxınlığı, olsun oradakı icmanın fəal və qərarvermək hüququ olanların simpatiyası. Başqaları o mövzuda nəinki redəktə etməyə yaxın buraxmırlar, hətda müzakirədə şərh edəndə də xoşlarına gəlmir. Zohrab Javad (müzakirə) 05:35, 24 iyun 2026 (UTC)

Qazaxıstan şəhərləri ilə oxşar məsələ var. Məsələn, Qarağandı şəhərinin adını rusca Karaqanda kimi yazırıq (və s.), baxmayaraq ki hətta rus dilindəki rəsmi adı çoxdan dəyişdirilib (Almatı kimi).--Мурад 97 (müzakirə) 16:17, 22 iyun 2026 (UTC)

Bəzi məsələlər əslində Vikipediya iştirakçılarından o qədər də asılı deyil. Məndən olsa, Azərbaycan dili üçün "Qırım" daha uyğundur, nəinki "Krım", amma buna mənbə lazımdır. Zohrab Javad (müzakirə) 20:15, 22 iyun 2026 (UTC)

Mənbələrdə hansı addan istifadə edilibsə onu yazmaq məqsədəuyğun olar. Moses :) 20:25, 22 iyun 2026 (UTC)

Deyək ki, Qarağandı üçün etibarlı bir mənbəni tapdım. Hər bir kənd üçün belə bir mənbəyi tapmaq mümkün deyil, axı (amma, kəndlər ensiklopedikdir və onlar haqqında məqalələr olmalıdır, əslində). Bu halda bir standart olmalıdır, qarmaqarışıqlıq olmasın, deyə. Və bu standart nə olacaq, artıq bizdən aslıdır. Əslində, bu yaxınlarda həmin məsələni Koreya adlarla əlaqədar müzakirə edirdik, onu da KM-də müzakirə etmək istəyirim. Fikrimcə, Stil Kitabçasına bir neçə əlavələr yazmaq lazımdır bunnan bağlı. --Мурад 97 (müzakirə) 07:46, 23 iyun 2026 (UTC)

@Мурад 97, məncə bu mənbə ilə addəyişməyə müzakirə aça bilərsiniz. Zohrab Javad (müzakirə) 05:37, 24 iyun 2026 (UTC)

Zohrab Javad, Qazaxıstanın 31 şəhəri, saysız-hesabsız kəndi, çayı, dağı var. Onların bir çoxunun adlandırması ya son illər ərzində dəyişilib, ya da dəyişmə prosesindədir (bundan əlavə burda müzakirə olunan Krım və s. ərazilər də var). Hər biri üçün müzakirə açmaq vaxt itkisidir. Təklifim elə odur ki, biz bir dəfəlik stil kitabçasında adlandırma prinsipini izah edək ki, bu prosses avtomatikləşsin. --Мурад 97 (müzakirə) 06:03, 24 iyun 2026 (UTC)

Fikrimcə, stil kitabçası daha çox o adlara aiddir ki, onlara mənbə məhdud olsun. O adlar ki məşhurdur (məsələn böyük şəhərlər) adətən mənbələr olur. Bəzən eyni məntəqəyə fərqli dillərdə fərqli adlara (və ya eyni adın fərqli variantlarına) üstünlük verirlər (məsələn Qüds - Yerüsəlim, Hələb - Aleppo). Məsələn ru-Vkkidə Azərbaycan yaşayış məntəqələrinin adları üçün çox vaxt belə təcrübə var: əgər Roskartoqrafiyada o məntəqənin adı rus dilində keçirsə, həmin ad istifadə olunur; əgər Roskartoqrafiyada adı keçmirsə, onda Azərbaycan-rus praktiki transkripsiyadan istifadə olunur - mən biləni o səhifə də Buşuyevaya istinad edir.

Qazaxıstana gəlincə, fikrimcə bu təcrübədən (və ya buna bənzər təcrübədən, çünki əmin deyiləm ki Roskartoqrafiyanın atlasları kimi Azərbaycanda da elə rəsmi etibarlı mənbələr olsun) istifadə edə bilərik: böyük məşhur şəhərlər və digər məntəqələr üçün etibarlı azərbaycanca mənbə, digərləri üçün isə orijinal dildə necədirsə azərbaycancaya transkripsiya edilsin. İkincilər üçün ola bilər ki az-Vikidə xüsusi transkripsiya kitabçasına ehtiyyac olmasın. Çünki rus dilindən fərqli olaraq Azərbaycan dili çevikdir (bəzi istisnalar ola bilər). Rus dilində çox vaxt problem nədir - ə, ö, ü, ğ, c hərfləri. Azərbaycan dili bu cəhətdən rahatdır. Zohrab Javad (müzakirə) 08:16, 24 iyun 2026 (UTC)

Təklifim elə təxminən siz yazdığınızı stil kitabçasına əlavə etməkdir. Və bundan əlavə, koreyalıların adları ilə bağlı ayrı normanı özüm yaza bilərəm. --Мурад 97 (müzakirə) 09:07, 26 iyun 2026 (UTC)

@Moses Tutaq ki, böyük şəhərlər barədə mənbə tapmaq olur. Bəs məsələn kəndlər barəsində mənbə tapılmayanda necə? Zohrab Javad (müzakirə) 12:50, 23 iyun 2026 (UTC)

Müxtəlif detallar istinadların təkrar istifadəsi – Altistinadları təqdim edirik

Altistinad nümunəsi

Salam, mən Vikimedia Almaniyanın Texniki İstəklər komandasındanam və adım Cohannesdir.

Biz müxtəlif detalalra istinadların təkrar istifadəsini yaxşılaşdırmaq üçün yeni bir funksiya üzərində işləyirik: Altistinadlar. Bu funksiyanı 2026-cı ilin iyun ayına etibarən çex, alman, fransız, italyan, polyak və isveçcə Vikipediyalarda, bir neçə kiçik vikidə və əksər qardaş layihələrdə tətbiq etmişik. İndi isə bütün Vikipediya dil versiyalarında qlobal tətbiq mərhələsinə başlayırıq.

Nə gözləmək olar?

Əgər mənbələr altistinadlardan istifadə edilməklə müxtəlif detallarla (məsələn, fərqli səhifə nömrələri ilə) göstərilibsə, Vikipediya məqalələrində [1.1] kimi keçidlər görəcəksiniz. Biz icmanın uzun müddətdir mövcud olan istəyini həyata keçiririk: Hazırda bir çox Vikipediya məqaləsində demək olar ki, eyni olan, lakin səhifə nömrəsi kimi detallarda fərqlənən istinadlar mövcuddur. Bu, istinad siyahılarının həddindən artıq yüklənməsinə səbəb olur və oxucuların neçə müxtəlif mənbədən istifadə edildiyini tez qiymətləndirməsini çətinləşdirir. Bundan əlavə, tam eyni təkrar istifadədən fərqli olaraq, müxtəlif detallarla istinadların təkrar istifadəsi əvvəllər istinadın dublikatının yaradılmasını tələb edirdi, bu da daha uzun vikimətnə və xüsusilə VizualRedaktorda daha çox vaxt sərf olunmasına gətirib çıxarırdı. {{sfn}} kimi icma tərəfindən yaradılmış mövcud həll yollarının isə VizualRedaktor istifadəçiləri və istinad popapları üçün (xüsusilə mobil oxucular üçün – problem haqqında daha ətraflı) müəyyən çatışmazlıqları var.

Altistinadlar bu problemləri həll edir: Biz yeni bir vikimətn atributu əlavə edirik: details="..." – bu atribut mövcud ref name="..." atributuna bənzəyir. VizualRedaktor istifadəçiləri altistinad əlavə etmək üçün "detal əlavə et" düyməsindən istifadə edə bilərlər. Ətraflı təlimatları layihə səhifəmizdə tapa bilərsiniz. Həmçinin Almanca Vikipediyada altistinadların istifadəsinin ilk ayları ilə bağlı əldə etdiyimiz təcrübələri əks etdirən hesabat da dərc etmişik, bu sizin üçün maraqlı ola bilər. Nəzərə alın ki, altistinadlar məcburi deyil; istəsəniz digər istinad üslublarından istifadə etməyə davam edə bilərsiniz.

Aktivləşdirmə

Altistinadları 23 iyun tarixində Azərbaycanca Vikipediyada aktivləşdirəcəyik (phab:T414094). Buna hazırlıq üçün aşağıdakı addımları atmağınızı xahiş edirik:

• Yeni funksiyada yarana biləcək problemləri tez müəyyən etmək üçün altistinadlardan istifadə edən səhifələr üçün bir izləmə kateqoriyası mövcuddur. Kateqoriyanın adını MediaWiki:Cite-tracking-category-ref-details vasitəsilə dəyişə bilərsiniz. Kateqoriya səhifəsini (hal-hazırda Kateqoriya:Alt istinad istifadə edən səhifələr) standart oxuculardan gizlətmək üçün __HIDDENCAT__ (və ya eyni məqsədə xidmət edən şablon) ilə yarada və onu d:Q129764848 elementinə əlavə edə bilərsiniz.
• Görülə biləcək mümkün tədbirlər və müxtəlif vikilərdən nümunələr barədə daha ətraflı məlumatı TVS bölməmizdə toplamışıq.
• Nəzərə alın ki, VizualRedaktor bu hallarla işləməkdə çətinlik çəkdiyi üçün {{İstinad siyahısı}} ilə istinad bölməsində müəyyən edilmiş (alt) istinadların ({{İstinad siyahısı|refs=...}}) birlikdə istifadəsini tövsiyə etmirik. Bu problem <references>...</references> istifadəsinə aid deyil. İngiliscə Vikipediya da oxşar səbəblərə görə siyahı şəklində müəyyən edilmiş istinadlarla birlikdə {{Reflist}} istifadəsini məhdudlaşdırıb .

Hər hansı sualınız olarsa, mənə bildirə bilərsiniz. Yeni funksiya ilə bağlı rəylərinizi müzakirə səhifəmizdə, mənim istifadəçi müzakirə səhifəmdə və ya bu paylaşımın altında görməkdən məmnun olarıq. Rəyləriniz əsasında altistinadları daha da təkmilləşdirməyə davam edəcəyik!

Texniki İstəklər komandası adından ən xoş arzularla — Johannes Richter (WMDE) (müzakirə) 07:16, 23 iyun 2026 (UTC)

@White Demon, çoxdandır istədiyin funksiya :). Nemoralis (müzakirə) 09:44, 23 iyun 2026 (UTC)

Koreyalıların adları. Stil kitabçasına əlavənin qaralaması

Salam. Stil kitabçasına Koreyalıların adları ilə bağlı yeni qayda toplusunun təklifini Vikicəmiyyətə təqdim edirəm. Həmin səhifədə təkliflərimi detallı şəkildə izah etməyə çalımışam. Ümumən vurğulamaq istərdim ki, hazırkı vəziyyət xaosdur. Buna görə bu qaydaları yazmağa qərar vermişəm. Xahiş olunur, bu qaralama ilə bağlı fikirlərinizi bölüşərsiniz. Мурад 97 (müzakirə) 12:45, 1 iyul 2026 (UTC)

Bu mətni koreya dili müəllimi olan bir dostuma da göstərmişəm. Deyir ki, "ng" məsələsi ilə razı deyiləm, çünki boğuq da olsa deyilir. Mən də defissiz olan variantı dəstəkləyirəm, Li San Hyok kimi. Amma transliterasiya məsələsi sadəcə Pak soyadı ilə məhdudlaşmır. Yəni konkret bir cədvəl lazımdır ki, filan şey necə yazılmalıdır. Transliterasiya səhifəsindəki cədvəllər kimi. Həm də ki, transliterasiya məsələsini stil kitabçası kimi yaratmaq lazım deyil. Stil kitabçası sadəcə bir mövzuda məqaləni yazmaq üçün təyin olunan göstərişlərdir. Sousou no Frieren 20:35, 3 iyul 2026 (UTC)

@Мурад 97, Defisi yığışdırmağın və sonrakı kiçik hərfi böyük hərflə yazmağın səbəbi nədir? Bu məsələ üçün rəsmi (və ya sadəcə dərc olunmuş) mənbə var? Məsələn ru-Vikidəki Azərbaycan-rus praktiki transkripsiyası Buşuyevaya istinad edir. Əgər belə vahid mənbə yoxdursa, hər məqam üçün ayrı-ayrı mənbələrə baxmaq olar. Məsələn, adlarda defis və ardınca kiçik hərf olanda adətən azərbaycanca mənbərdə necə yazırlar? Yəni, vacib deyil ki həm “Pak Hyon-şik”i, həm “Lim O-Kyon”u axtaraq - hansısa biri (hətda onlar olmasa da, buna bənzər digər ad) azərbaycandilli mənbədə adı keçirsə, buna istinad etmək olar. Və ya digər məsələ, hansısa məhşur koreyalı adda “ng” olanda, azərbaycanca mənbədə baxmaq olar ki necə yazırlar - sonra da başqa sözlərə də tədbiq etmək olar. Əlbətdə ki, deyilən misallar ümumidir, istisnalar ola bilər - məsələn hansısa məşhur ad azərbaycanca mənbədə başqa formada yazıla bilər - bunu da nəzərə almaq olar. Zohrab Javad (müzakirə) 20:57, 3 iyul 2026 (UTC)

Koreya dilində defis yoxdur axı. Koreya dilində defis yoxdursa, biz niyə defis yazırıq ki. Sousou no Frieren 21:14, 3 iyul 2026 (UTC)

Koreya dilini bilmirəm, ona görə dəqiqləşdirim. “Pak Hyon-şik” kimi adlarda onda defis haradandır? İngilis dilindəki transliterasiyada var? Zohrab Javad (müzakirə) 06:24, 4 iyul 2026 (UTC)

White Demon, onu hecanın sonunda boşluq kimi yazmaq təklif etmirəm, ng əvəzinə n kimi yazmaq təklif edirəm. Necə ki, biz başqa dillərdə olan ng hərfləri artıq n kimi yazırıq. Deyəsən, siz həmin Koreya dili müəllimi düzgün başa düşmədiniz. Koreya dilində ㅇ hərfi iki cür tələffüz olunur. Hecanın başlanğıcında boşluq kimi oxunur (məsələn, Seul sözündə var və heç cür tələffüz olunmur), hecanın başqa yerlərində isə [ŋ] səsi kimi, hansı ki adətən Azərbaycan dilində n kimi yazılır. Cədvəl məsələsi ilə razıyam. Əlavə edəcəm.

Zohrab Javad Koreya dilində bildiyimiz defis ümumiyyətlə yoxdur. Bunu görmək üçün hər hansı Koreya adına baxmaq kifayətdir. --Мурад 97 (müzakirə) 09:32, 4 iyul 2026 (UTC)

@Мурад 97, “Pak Hyon-şik” kimi adlarda onda defis haradandır? İngilis dilindəki transliterasiyadandır? Zohrab Javad (müzakirə) 13:21, 4 iyul 2026 (UTC)

Zohrab Javad bəli. İngilis transliterasiyanın bir standartı yoxdur. Buna görə bəzi yerlərdə tireli variant işlənilir, bəzi yerlərdə isə tiresiz (burda həmin problem ilə bağlı bir qeyd görə bilərsiniz). Azərbaycan dilində isə artıq tiresiz variant rəsmi və akademik mənbələrdə daha çox istifadə olunur. Məsələn, bu akademik kitabın tərcüməsində ancaq tiresiz və böyük hərfli variant işlənilir. Eyni yerdə (məsələn AzVikidə) iki variantı işlətmək ciddi stilistik səhvədir. Ya bir variant olmalıdır, ya da başqa variant. Bizdə isə hazırda 4-5 variant işlənilir. --Мурад 97 (müzakirə) 18:35, 4 iyul 2026 (UTC)

Defisin yığışdırılması məsələsi ilə bağlı sizinlə razıyam. Digər məsələlərlə bağlı dərin məlumatım olmasa da, transliterasiya məsələsinə Kim Çen İn adı əsasında baxmaq istəyirəm.

Məncə, qeyd etdiyiniz "ng = n" prinsipi düzgün deyil. Qeyd etdiyiniz kimi, bu səs [ŋ] səsinə yaxındır və Azərbaycan dilində bunu "nq" ilə vermək daha məntiqlidir. Əgər biz bunu hər yerdə "n" kimi versək, koreya dilində fərqli olan iki səsi (ㄴ və ㅇ səsləri) Azərbaycan yazısında eyniləşdirmiş oluruq. "Nq" isə Azərbaycan yazısı üçün yad forma deyil və koreya adlarında bu fərqi qorumağa imkan verir.

Məsələn, 김정은 adında 정 hecasının sonunda ㅇ var. Ona görə həmin hissəni "Çon" kimi yox, "Çonq" kimi vermək daha uyğun görünür. "Kim Çen İn" isə Koreya tələffüzündən çox rus dilindən götürülmüş formaya əsaslanır və orijinal səslənmədən uzaqdır, aidiyyətsiz və məntiqsiz görünür. Xüsusilə də "Çonq" əvəzinə "Çen" formasındakı "e" səsinin haradan gəldiyi aydın deyil.

Son heca məsələsində isə ayrıca yanaşma ola bilər. Hazırda həmin səsin "ı"ya yaxın səsləndiyi hallarda onu "i" ilə əvəz edib orijinal tələffüzdən çox uzaqlaşırıq. Azərbaycan dilində söz əvvəlində "ı" işlənmədiyinə görə onu praktik olaraq "u" ilə vermək olar. Məsələn, serb dilində bu ad "Ким Џонг Ун" (Kim Çonq Un) kimi verilir və məncə, bu forma qeyd etdiyim hər iki məsələni özündə birləşdirir. – Toghrul R (m) 14:29, 9 iyul 2026 (UTC)

"Nq" məsələsində mən də razıyam. Amma "I" niyə başlaya bilməz ki? "ı" ilə başlaya bilməz məsələsi sadəcə Azərbaycan dilindəki sözlərə aid deyil deyil ki? Ümumiyyətlə, elə bir qayda var ki, xüsusi isimlər "I" ilə başlaya bilməz? Sousou no Frieren 14:46, 9 iyul 2026 (UTC)

@White Demon maraqlı sualdı. Bu yaxınlarda president.az saytında "In" kimi verilmişdi: . Ruscadan birbaşa transliterasiyadır. Amma başqa analoji halla rastlaşmamışam. "I" ilə başlaya bilmərik, məncə. Məsələn, Iğdır → İğdır. Məntiqlə fransız dilində Ğ ilə başlayan adları da Ğ ilə verməliyik, amma R ilə əvəz edirik – Toghrul R (m) 18:03, 9 iyul 2026 (UTC)

Toghrul R serblər çox şeyi düzgün transliterasiya etmirlər onsuz da. --► Hörmətlə: ChanisCaucasi 19:34, 9 iyul 2026 (UTC)

Əslində In söz deyil, hecadır. Kim soyaddır, Çen In isə iki hecalı addır (Çon In daha düzgün olardı, amma bu forma konret bu şəxsin adı üçün hər yerdə istifadə olunur). Bir də, "nq" Azərbaycan dilində heç cür [ŋ] səsini vermir, iki [ng] səsini verir (manqo sözündə kimi). N hərfi [ŋ] səsinə daha yaxındır və onun üçün artıq istifadə olunur (nümunə). --Мурад 97 (müzakirə) 11:31, 14 iyul 2026 (UTC)

@Мурад 97 ingilis dilində də [ŋ] səsini vermir, amma onlar "ng" kimi verirlər – Toghrul R (m) 07:37, 15 iyul 2026 (UTC)

Verir. --Мурад 97 (müzakirə) 10:00, 15 iyul 2026 (UTC)

@Мурад 97 bu məqalə ingilis dilinin sonundakı hərf birləşmələrinin tələffüzü haqqındadır. Koreya adlarının transliterasiyalarında həmin birləşmələr verilir, onu nəzərdə tuturdum. – Toghrul R (m) 11:28, 15 iyul 2026 (UTC)

İngilis dilli transliterasiyada verilir. Amma Azərbaycab dilində nə nq nə də ng heç cür [ŋ] səsini və ya ona yaxın səsini vermir. Bəzən İspan dilindən transliterasiyalarda El Niño → El Ninyo (ny) formasında verilir. Amma, bu da istisnadır. --Мурад 97 (müzakirə) 14:23, 16 iyul 2026 (UTC)

Dinlə şablonu ilə problem

Hər kəsə salam. İndi fikir verdim ki, dinlə şablonu ilə hansısa problem var: belə ki, məqalədə istifadə zamanı şablon mətni aşağı salır. Halbuki, əvvəllər istifadədə mətn şablonun yanında qalırdı. Nümunə üçün bu linkə baxa bilərsiz. Mümkünsə, bu problemin aradan qaldırılmasına kömək edin. Hörmətlə, sefer azeri 07:59, 3 iyul 2026 (UTC)

Salam. Bir daha nəzərdən keçirin, mövqe parametri standartda left olur? — Bikar ^müzakirə 08:05, 3 iyul 2026 (UTC)

Məsləhət

salam dostlar, son müddət ərzində bir neçə məqaləni yenidən işləmişəm. Bunlardan hansı sizcə status üçün namizəd göstərilə bilər? Gürcüstan azərbaycanlıları, Qafan hadisələri, Əsli və Kərəm, Azərbaycan–erməni mədəni münasibətləri, tat dili. --► Hörmətlə: ChanisCaucasi 12:59, 9 iyul 2026 (UTC)

Kənd meydanının sol menyudan çıxarılması

Təklif edirəm ki, kənd meydanını sol menyudan çıxaraq. Beləcə o, hamıya görünməyəcək, indi göründüyü üçün hamı hər şeyi ora yazır, yardım masasına yazılası müraciətlər də ora yazılır. (Başqa həll yolları təklif edə bilərsiniz.) Bir müddət əvvəl giriş bildirişi əlavə etsəm də, yenə davam edir. Səbəbi açıqda səhifə olmasıdır. Kənd meydanı icma üzvləri üçündür. Digərləri icma portalına daxil olduqlarında oradan müvafiq sorğular üçün səhifələrə istiqamətlənəcəklər. Həmçinin ana səhifədən yardım masasına olan düymədən daha aktiv istifadə etməyə başlayacaqlarına inanıram. Bunu təklif kimi verirəm, lütfən aşağıda mövqeyinizi bildirin. Hörmətlə, Qədir (müzakirə) 17:47, 16 iyul 2026 (UTC)

 Əleyhinə Bu, çıxış yolu deyil. Bəs həqiqətən müzakirələrdə iştirak etmək istəyən, təkliflər vermək istəyən hardan xəbər tutsun bu səhifədən? Ondansa oradakı İcma portalı keçidini Yardım masası ilə əvəzləmək olar. İcma portalının məqsədi nədir bilinmir onsuz da. Nemoralis (müzakirə) 18:47, 16 iyul 2026 (UTC)

"İcma üzvü" nisbi anlayışdı. Hesab yaradıb vikipediyaya qoşulan bir istifadəçi artıq icma üzvü sayıla bilməz? Neçə redaktədən sonra icma üzvü olursan? Və ya qədər aktivlikdən sonra? Sousou no Frieren 19:40, 16 iyul 2026 (UTC)

Dediyim o deyil, yanlış anlaşılmasın. Yəni KM istifadəçilərin Vikipediya ilə bağlı sual və müraciətləri üçün uyğun məkan deyil. Bilirəm, əvvəldən bunun üçün ayrıca səhifə olmayıb və hər şey KM və İM üzərində olub. Amma artıq xeyli müraciət səhifələrimiz var və aidiyyəti üzrə istifadə edilməlidir, bir səhifəni belə yükləmək düzgün deyil (SNS və İHM kimi mövzuları necə ki, burada açmadığımız kimi). Üzdə olduğu və aktiv olduğunu bildikləri üçün gəlib hər mövzunu bura yazırlar. Onsuz da təcrübəli töhfə verən üzvlər KM kimi səhifədən bir müddət sonra xəbərdar olurlar (eynən, məsələn, SNS kimi). Yeni gələnlərin təklif verməsi nadirdir, müraciətləri elə Vikipediya ilə bağlı olur. Nemoralis deyəni də sınamaq olar, amma hələ də bura yaza bilərlər, həmişə özüm köçürürəm, artıq iş yükü yaranır. Hörmətlə, Qədir (müzakirə) 19:48, 16 iyul 2026 (UTC)

• Qədir, bu yaratdığınız səhifə bildirişi açılan və ekranı tutan kiçik pəncərə üslubundadır? Məncə, həmin bildirişin məzmununa bir qədər dəyişiklik lazımdır ki, ciddiyə alsınlar (və ya ciddi qəbul etsinlər). Yoxsa hazırkı "yaxşı, bildik" üslubundadır. Həmin o bildiriş, bildiriş yox, xəbərdarlıq mesajı kimi olmalıdır. Məsələn, "Qaralama səhifələri ilə bağlı müraciətiniz silinə və köçürülə bilər, ona görə də etməyin" kimi. Onda bəlkə əlaqəsiz müraciət yazanlar bir az çəkinərlər. Sofia (müzakirə) 21:25, 16 iyul 2026 (UTC)

  İlk baxışdan zəif və sadə qəbul edilə bilər, çünki sadəcə "bir bildiriş olsun" deyə yaratmışdım, təkmilləşdirilə bilər. Və lakin mümkün qədər yığcam olması yaxşı olar. Yenə də bildiriş mesajı açıq-aydın verir. Daha effektiv olmasını düşünərək təklif etdiyiniz kimi versiyanı qaralama olaraq hazırlaya bilərsiniz, qiymətləndirilərək əlavə edilə bilər. Hörmətlə, Qədir (müzakirə) 21:54, 16 iyul 2026 (UTC)

  məncə, yeri yoxdur. --► Hörmətlə: ChanisCaucasi 20:39, 21 iyul 2026 (UTC)

Adlandırma

Bir məsələyə diqqət çəkmək istəmirəm. Osetin dili və ya Oset dili, Osetinlər və Osetlər adlanması. Osetin sözündə "in" əlavəsi Rus dilindən keçmədir. İngilis və Türk dilində bu əlavə yoxdur. Təklif edirəm Osetin yox, Oset yazılsın. --Tarixi Nadir (müzakirə) 03:50, 30 iyul 2026 (UTC)

VP:TANINMIŞAD əkrəm. 04:40, 30 iyul 2026 (UTC)

Bizlik məsələ deyil. Ədəbiyyatda və mediada dəyişiklik olmalıdır ki, dəyişək. Üstəlik səhvlə yanlış nisbi anlayışlardır, səhv olan şey zamanla "doğru" şey kimi qəbul oluna bilir. VP:TANINMIŞAD Sousou no Frieren 22:19, 30 iyul 2026 (UTC)

• Udi və Udin anlayışını dəyişdik amma. Bizim fəaliyyətimiz ensiklopedikliklə yanaşı, yenilik və düzgünlük gətirməkdir. Şəxsi düşüncəm budur ki, əgər kimsə hardasa səhv edibsə, onu təkrarlamalı deyilik. Mənim fikrimcə biz də səhv olan bəzi məsələləri düzəltməklə, elə ədəbiyyat və mediaya təsir ebib, dəstək göstərməliyik. --Tarixi Nadir (müzakirə) 07:42, 31 iyul 2026 (UTC)

  VP:OT; səhv — kimə görə, nəyə görə? əkrəm. 10:01, 31 iyul 2026 (UTC)

  belə mövzulara çox girmişik. Ukrayna adları da yanlış yazılır (Volodimir Zelenski istisna), amma nə edək ... --► Hörmətlə: ChanisCaucasi 15:16, 31 iyul 2026 (UTC)

  "elə ədəbiyyat və mediaya təsir ebib, dəstək göstərməliyik" vikipediyaçıların iş prinsipi deyil. Vikipediya ədəbiyyat və medianın güzgüsüdür, nə varsa, onu əks etdirməlidir. Səhv və yanlış qıraqda aydınlaşdırılmalıdır. Əksi orijinal tədqiqat hesab olunur. Udinlər və ya udilər məsələsinə gəldikdə isə məqalənin adı müzakirə ilə dəyişdirilməyib. Sousou no Frieren 18:16, 31 iyul 2026 (UTC)

Texniki dəstək

Hər kəsə salam. Bu məqalədə istinadları üç sütuna şəklində təşkil etməyə kömək edə bilərsinizmi? sefer azeri 06:32, 7 avqust 2026 (UTC)

@Sefer azeri düzəltməyə çalışdım amma çoxlu sitat səhvləri var. Patriot (müzakirə) 07:37, 7 avqust 2026 (UTC)

 Həll edildi Nemoralis (müzakirə) 08:26, 7 avqust 2026 (UTC)

Nemoralis həll edilmədi, istinadlar error verir, bir hissəsi isə səhifənin axırına sürüşdü. Hələ də, köməyə ehtiyac var. Hörmətlə, --sefer azeri 09:14, 7 avqust 2026 (UTC)

@Sefer azeri, indi baxın. Nemoralis (müzakirə) 14:32, 7 avqust 2026 (UTC)

Nemoralis təşəkkür edirəm! --sefer azeri 15:52, 7 avqust 2026 (UTC)

Oğuz şəhəri

Salamlar. Oğuz şəhəri haqqında ətraflı məlumatı olan istifadəçilər varsa xahiş edirəm məqaləyə göz gəzdirsinlər. Məqalənin düzəlişlərə ehtiyacı var. Patriot (müzakirə) 14:47, 10 avqust 2026 (UTC)

Şablonlarda error

Hamıya salam. İndi fikir verdim, bir sıra şablonlarda daxili bölmələrdə olan göstər/gizlət düyməsi işləmir. Bir neçə il əvvəl bu şablonlarda heç bir problem yox idi və hər şey normal işləyirdi. Nümunə kimi bu şablona baxmaq olar. Ən azı 5-6 şablonda oxşar problem var. Zəhmət olmasa, texniki detalları bilən yoldaşlardan biri problemin aradan qaldırılmasına kömək edə bilərmi? Hörmətlə, sefer azeri 15:14, 16 avqust 2026 (UTC)

NavFrame istifadə etdiyi üçündür, hamısını mw-collapsible ilə əvəzləmək lazımdır. Nemoralis (müzakirə) 16:38, 16 avqust 2026 (UTC)

@Sefer azeri, indi baxın. Nemoralis (müzakirə) 20:20, 2 sentyabr 2026 (UTC)

@Nemoralis, bu gün sizə yazacaqdım ki, alınmadı.)) Çox təşəkkür edirəm. Hörmətlə, --sefer azeri 08:06, 3 sentyabr 2026 (UTC)

Klub adları

Salam. Mən bir şeyə fikir vermişəm ki, futbol klublarının adlarını Azərbaycan dilinə uyğun yazmırıq. Məsələn, "Rəvan Bakı FK" məqaləsi yanlışdır. "Rəvan (Bakı, futbol klubu)" olmalıdır, ruslar etdiyi kimi. Bizdə mətbuatda futbol klubu ifadəsini ayırd etmək yoxdur. Adətən, məsələn, "Hapoel" (Beer-Şeva, İsrail) yazırlar, ya da "Hayduk (Split)". Ən məşhur nümunə "Real (Madrid)" yazılışıdır. Məqalə içində də hər dəfə FK yazmağa ehtiyac olmalıdır. Şablonda harada oynadığı qeyd etmək üçün "Neftçi" yazmaq bəs edər "Neftçi PFK" əvəzinə. Kütləvi dəyişiklik təklif edirəm. --► Hörmətlə: ChanisCaucasi 10:54, 22 avqust 2026 (UTC)

O məsələni mən də deyirəm. Necə ki, "Azərbaycan Respublikası" yazmırıq, "Neftçi PFK" yazmaq da lazım deyil, tanınmış ad bəsdir. Eyni adı olan klublarda da dəqiqləşdirmə ilə ad qoymaq olar. "Real (Madrid)" yazılışı səhvdir bu arada. Sousou no Frieren 21:17, 23 avqust 2026 (UTC)

"Hapoel" (Beer-Şeva, İsrail)" yazılışı da səhvdir. Klubun adı sadəcə "Hapoel" olsa, başa düşərəm. Amma klubun rəsmi adı elə "Hapoel Beer-Şeva"dır. Sousou no Frieren 21:19, 23 avqust 2026 (UTC)

Bizim mətbuatda elə yazılır, ruslarda da --► Hörmətlə: ChanisCaucasi 21:19, 23 avqust 2026 (UTC)