Vikipediya:Yaxşı məqalə nədir?

Vikipediya, açıq ensiklopediya
Keçid et: naviqasiya, axtar
Green check.png Bu səhifə Vikipediyanın rəsmi prinsiplərindən biridir. Səhifənin məzmunu, bütün vikipediyaçılar tərəfindən eyni dərəcədə riayət edilməsi tələb olunan qaydalardan ibarətdir. Səhifədə redaktə etmədən öncə, bu dəyişikliklərin Vikipediyaçılar tərəfindən dəstəkləndiyindən əmin olun. Düzgün hesab etmədiyiniz məqam varsa məqalənin müzakirə səhifəsində bunu aydın şəkildə ifadə edin.
↱ VP:YMN

Qayda səsvermə nəticəsində qəbul edilmişdir.

  • Səsvermə müddəti: 19 aprel — 6 may, 2011-ci il.
  • Qüvvədədir: 6 may 2011-ci il tarixdən

Yaxşı məqalələr Vikipediyanın Seçilmiş məqalələrdən sonra ən yaxşı məqalələrinə verilən statusdur.

Məqalənin yerləşdirildiyi səhifənin sağ yuxarı küncündə yaşıl işarə (Artículo bueno.svg) varsa, bu, onun yaxşı məqalə olduğundan xəbər verir.

Yaxşı məqalələr aşağıdakı şərtlərə malikdir:

  1. Yaxşı yazılmış olmalıdır.
  2. Məqalə Azərbaycan dilinin qrammatik qaydalarına uyğun, sadə və səlis bir dildə olmalıdır.
  3. İnandırıcı və əhatəli olmalıdır.
  4. Məntiq çərçivəsi içərisində yazılması lazımdır. Məsələnin mahiyyəti açıqlanmalıdır. Məqaləni qısa izah edən giriş bölümünə malik olmalıdır.
  5. Məqalədə olan terminlər ətraflı açıqlanmalıdır.
  6. Məqalədə olan istinadlar və mənbələr açıq-aydın göstərilməlidir.
  7. Məqalə tərəfsiz olaraq yazılmalıdır. Neytrallıq prinsipinə əməl olunmalıdır.
  8. Məqalənin həcmi 10 kb-dən qısa olmamalıdır.
  9. Məqalə Stil kitabçasının tələblərinə cavab verməlidir.

Məqalənin statusa malik olması[əsas redaktə]

  1. Məqalə yaxşı məqalə statusuna malik olması üçün müzakirələr istifadəçi tərəfindən məqaləni Yaxşı məqalə namizədləri səhifəsinə yerləşdirməklə başlayır.
  2. Məqalənin yaxşı məqalə statusuna malik olması gedən müzakirələrdən asılıdır.
  3. Müzakirə zamanı bildirilən iradlar diqqətlə araşdırılmalı, onlarda qərəz, şəxsi münasibətlər rol oynamamalıdır.
  4. Müzakirələrin müddəti 1 ay təyin olunur. (Əgər ehtiyac yaranarsa, bu müddət idarəçi tərəfindən 15 gün və ya 1 ay müddətinə artırıla bilər. Lakin heç bir halda müzakirələrin ümumi müddəti 3 aydan çox olmamalıdır.)
  5. Müzakirələr bitdikdən sonra, bu məsələyə nəzarət edən idarəçi məqaləyə yaxşı məqalə statusunun verilib-verilməməsi barədə yekunlaşdırma rəyini verir.

Məqalənin statusdan məhrum edilməsi[əsas redaktə]

Yaxşı məqalə statusuna malik məqalə aşağıdakı şərtlər daxilində statusdan məhrum edilə bilər:

1. Məqalə Seçilmiş məqalə kimi qəbul olunarsa;

  • (Qeyd 1: Yaxşı məqalə statusuna malik məqalənin Seçilmiş məqalə statusuna təqdim olunması Seçilmiş məqalə namizədi səhifəsinə təqdim olunması ilə başlayır. Müzakirələrin müddəti nəzarətçi idarəçinin seçimi ilə 7 gündən 20 günədək davam edir. Müzakirələr zamanı qarşı arqumentlər ciddi deyilsə, məqalə Seçilmiş məqalə namizədliyinə təqdim edilir.)
  • (Qeyd 2: Yaxşı məqalə statusuna malik məqalə yalnız 6 (altı) ay keçəndən sonra seçilmiş məqalə statusuna namizədliyə çıxarıla bilər.)
  • (Qeyd 3: Yaxşı məqalə statusuna malik məqalə laborotoriyaya daxil olmayaraq, birbaşa Seçilmiş məqalə namizədi olur.)

2. Məqalənin bu statusa cavab vermədiyi haqqında beş nəfər səsvermə hüququna malik istifadəçidən müraciət daxil olunarsa, onda məqalə yenidən müzakirələrə çıxarılır.

  • (Qeyd: Heç bir məqalə yaxşı məqalə statusundan malik olduğu dövrdən 1 il keçənədək statusdan məhrum edilə bilməz.)

Həmçinin bax[əsas redaktə]