Vikipediya:Yeni istifadəçilərə kömək

Vikipediya, açıq ensiklopediya
Jump to navigation Jump to search

Rəmzi Novruzov[əsas redaktə]

Novruzov Rəmzi Siyavuş oğlu 11 avqust 1971-ci ildə İsmayıllı rayonunun Basqal qəsəbəsində müəllim ailəsində anadan olmuşdur.Orta məktəbi əla qiymətlərlə bitirən Rəmzi sənədlərini Azərbaycan Dövlət Universitetinin hüquq fakultəsinə vermiş lakin müsabiqədən keçə bilməmişdi. 1988-ci ilin sentyabr ayından 1989-cu ilin oktyabrına kimi İsmayıllı rayonunun yerli istehsalat kombinatında toxucu şagirdi ve toxucu işləmişdir.O hüquqşünas olmaq haqq-ədaletin keşikçisi olmaq istəyirdi. 1989-cu ilin noyabrında Ordu sıralarına çağrılan Rəmzi heç də arzusundan əl çəkmədi.Hərbi xidmətdən sonra da olsa mütləq arzusuna çatacağına əmin idi.Ermənilərin fitnəsi onu ilk gündən narazı salırdı.Uzaq Türkmənistanın Kuşka şəhərində xidmət edən Rəmzi tezliklə respublikamıza gələrək ermənilərə qarşı amansız döyüşə can atırdı. 1991-ci ilin noyabr ayında hərbi xidmətini bitirərək respublikamıza gələn Rəmzi ilk gündən cəbhəyə getmək istəyirdi. Qardaşı Anarın Milli Ordu sıralarında döyüşməsinə baxmayaraq ,Rəmzi 1992-ci ilin may ayında yeni yaradılmış Laçın batalyonuna yazılan ilk könüllülərindən biri idi. İyun 1992-ci ilden Laçın rayonu ərazisinde döyüşə başlayan Remzi bu bölgənin Pircahan,Bozgüney,Corman,Hocaz,Piçeniş,Bilindüz,Sonasap,Soyuqbulaq,Tıcıq-1, Tıcıq-2,Ağdərə kəndləri uğrunda apardığı döyüşlərdə 2 eded PDİ-ni məhv etmiş,bir qaz-66 markalı maşını döyüş sursatı ile birlikdə ələ keçirmiş,onlarla düşmən əsgərini ve bir komandirini məhv etmişdi. Avqust ayının ortalarında Laçın bölgəsindən Ağdərə bölgesinə öz hissəsi ilə birlikdə gətirilən Rəmzi Vaqaus,Artyuncome,Veng uğrunda gedən döyüşlərdə düşmənin iyirmiye qədər əsgərini məhv etmişdir. 27 avqust 1992-ci ildə Rəmzi sinəsindən ağır yara almasına,komandirinin təkidini baxmayaraq, döyüş sıralarını terk etməmişdi, 2 sentyabr 1992-ci ildə son döyüşdə düşmənin xeyli canlı qüvvəsini susduran Rəmzi,başından aldığı ağır yaradan həlak olmuşdur. Hazırda Basqal qəsəbə tam orta məktəbi onun adını daşıyır.Burada qəhrəman şəhidin büstü qoyulmuşdur. Reəmzi ailənin,onu tanıyanların,döyüş yoldaşlarının rəğbətini qazanmış bir gənc olmuşdur. Döyüş yoldaşları onun şücaətlərinin qiymətləndirilməsinə,şəhidə Milli Qəhrəman adı verilməsinə çalışsalar da bu mümkün olmadı.

İkinci addım. Belə bir məqalənin mövcud olub-olmadığını yoxlayın[əsas redaktə]

Sizin tərəfinizdən seçilmiş başlığı axtarış sətrinə daxil edin və axtar düyməsinə basın. Axtarışın nəticələrini keçidlər şəklində görəcəksiniz. Əgər Sizi maraqlandıran mövzuda məqalə artıq varsa, həmin keçid vasitəsilə məqaləyə keçin və "redaktə et" düyməsinə basın. Qarşınızda redaktə üçün tam hazır məqalə görəcəksiniz.

Üçüncü addım. Məqalə yaradın[əsas redaktə]

Yox əgər sizi maraqlandıran mövzuda məqalə yoxdursa, deməli, onu yaratmaq lazımdır. Bunun üçün məqalənin adını yenə də soldakı axtar qutusuna yazın, sonra isə Gətir (Axtar yox) düyməsini basın. Açılmış səhifədə sizə bu başlıq altında məqalə yaratmaq təklif olunacaq, həmin yazını basın və məqalənin yazılması səhifəsinə keçin. Beləliklə, siz öz birinci səhifənizi yazmaq üçün hazırsınız.

Dördüncü addım. Məqaləni düzgün başlayın[əsas redaktə]

Vikipediyada məqalələr məqalə başlığının təkrarlanmasıyla və məqalənin predmetinin açıqlanmasıyla başlayır. Məsələn, "Blek Metal – musiqi stili", "Xaç atası – məşhur ABŞ filmi". Mötərizədə terminin kökü haqqında məlumat verilə bilər. Şəxslər haqqında məqalələrdə mötərizə içərisində addan sonra anadan olduğu və öldüyü illər yazılmalıdır. Məsələn, Lui Jan Lümyer (fr. Louis Jean Lumière; 5 oktyabr 1864, Bezanson — 6 iyun 1948, Bandol) — kinematoqrafın icadçısı.

Beşinci addım. Məqalənin məzmununun yazılması[əsas redaktə]

Məsləhətdir ki, məqalənin ilkin həcmi 500 işarədən az olmasın. Məqalələrin yazı stili elmi-bədii olmalıdır. Həmçinin məqalələri yazarkən iki ümumvikipediya (əslində beşdir, lakin Siz yeni olduğunuz üçün hələlik ikisi deyilir) prinsipinə ciddi şəkildə əməl etmək lazımdır:

  1. Yazılmış məqalənin neytrallığı prinsipi - Bu prinsipə əsasən, yazılmış məqalənin məzmunu tamamilə tərəfsiz olmalı, heç bir subyektiv fikir əks etdirməməlidir. Əgər bir fikir ətrafında bir neçə versiya varsa onda bütün versiyalar bərabər şəkildə əks olunmalıdır.
  2. Müəllif hüquqlarının qorunması. Viki-cəmiyyətin əsas məqsədi pulsuz və ümumi istifadə oluna biləcək bir bilik bazasının yaradılmasıdır. Buna görə də Vikipediyaya müəlliflik hüquqları ilə qorunmuş mətn, şəkil və ya media faylların əlavə olunması qəti qadağandır. Yox əgər siz mənbənin müəlliflik hüquqları ilə qorunub-qorunmadığını bilmirsinizsə, onda bu cür mənbədən istifadə etməkdən çəkinin.

Altıncı addım. İstifadə etdiyiniz mənbəni qeyd edin[əsas redaktə]

Məqalənin məzmununu qeyd etdikdən sonra Mənbə adında bölüm yaradın və ora istifadə etdiyiniz bütün çap materiallarının (kitab, qəzet və s.), müəlliflərin, nəşriyyatların adlarını, çap ilini və s. bu kimi parametrləri qeyd edin. Daha sonra Həmçinin bax adlı bölüm yaradın və orada Vikipediya daxilində məqaləyə yaxın məzmunlu digər məqalələrin adlarını göstərin. Ən sonda Xarici keçidlər adlı bölüm yaradın. Bura isə internetdə mövzu ilə əlaqədar istənilən səhifələri göstərə bilərsiz. Bir şərtlə ki, göstərilən linklər Spam olmasın. Spam səhifədən dərhal silinəcək, istifadəçiyə isə müəyyən məhdudiyyətlər qoyula bilər.

Yeddinci addım. Məqaləni kateqoriyalaşdırın[əsas redaktə]

Axtarışda asanlıq təşkil eləsin deyə, xarici keçidlərdən sonra bir sətr boş qoyaraq məqalənizin daxil olduğu kateqoriyaların siyahısını göstərin: [[Kateqoriya:Avropa paytaxtları]][[Kateqoriya:Müharibələr]] və s.

Səkkizinci addım. Məqaləyə interviki linklərin artırılması[əsas redaktə]

Vikipediya yalnız Azərbaycan dilində mövcud deyildir. Vikipediya dünyanın onlarca müxtəlif dillərində mövcud olan beynəlxalq ensiklopediyadır. İnterviki linklərin artırılmasında əsas məqsəd onlar arasında əlaqə yaratmaqdır. Öz məqalənizin adını bacarsanız ingilis dilinə tərcümə edin və həmin məqaləni ingilis vikipediyasında tapın.

Biz əminik ki, Sizdə hər şey alınacaq! Uğurlar.

Unutmayın[əsas redaktə]

  • Vikipediyada reklam xarakterli məqalələr yaratmaq və ya mövcud məqalələrə reklam xarakterli mətnlər əlavə etmək olmaz. Reklam xarakterli məqalə və mətnlər tez bir zamanda silinəcəkdir.
  • Əgər məqalədə məzmun səhvi tapmısınızsa, əvvəlcə bunu həmin məqalənin müzakirə səhifəsində müzakirəyə çıxarın, daha sonra redaktəyə başlayın.
  • Məqalələr Azərbaycan dilində və elmi-bədii üslubda yazılmalıdır. Vikipediya ensiklopediya olduğuna görə burada mətbuat üslubunda məqalə yazılmasına yol verilmir.
  • Məqaləni redaktə edərkən Azərbaycan dilinin orfoqrafiya qaydalarına ciddi şəkildə əməl edin, heç bir ləhcədən və ya şivədən istifadə etməyin.