Vyaçeslav Pereteyko
| Vyaçeslav Pereteyko | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Şəxsi məlumatlar | |||||||||||||||||
| Tam adı | Vyaçeslav Pereteyko | ||||||||||||||||
| Vətəndaşlığı |
 Özbəkistan |
||||||||||||||||
| Doğum tarixi | |||||||||||||||||
| Doğum yeri | Daşkənd, Özbəkistan | ||||||||||||||||
| Boyu | 187 sm | ||||||||||||||||
| Çəkisi | 90 kq | ||||||||||||||||
| İdman növü | Cüdo | ||||||||||||||||
|
Medallar
|
|||||||||||||||||
| 15 noyabr 2016 tarixində yenilənib. | |||||||||||||||||
Vyaçeslav Dmitrieviç Pereteyko (19 yanvar 1981) — Orta çəki dərəcəsində Özbəkistanı təmsil edən cüdoçu. Özbəkistan yığmasının 2000-ci illərin birinci yarısında əsas üzvü olmuşdur. Afinada keçirilən Yay Olimpiya Oyunlarının iştirakçısı, Asiya Oyunlarının bürünc medalının sahibi, Asiyanın Çempionatlarının gümüş və bürünc mükafatçısı, milli və beynəlxalq turnirlərinin bir çox yarışlarının qalibidir.
Bioqrafiyası
[redaktə | mənbəni redaktə et]Vyaçeslav Pereteyko 19 yanvar 1981-ci ildə anadan olmuşdur. İlk dəfə 2000-ci il mövsümündə turnirlərdə iştirak etməyə başlamışdır. Orta çəki dərəcəsində Nabeuledə keçirilən Gənclərin Dünya Çempionatında çıxış etmiş və 1/16 final mərhələsinə qədər çatmışdır. Bu mərhələdə rusiyalı Müslüm Hacıməhəmmədova məğlub olmuşdur. Bir il sonra Minskdə "A" sinfinin beynəlxalq yarışında yeddinci yeri tutmuş və Münhendə Dünya Çempionatının hesabat turnirində iştirak etmişdir. 1/16 final mərhələsində koreyalı Yun Ton Sik-ə məğılub olub.
Böyük beynəlxalq turnirlərdə birinci ciddi uğuruna 2002-ci ildə nail olmuşdur. Özbəkistan milli yığmasının əsas tərkibinə düşdü və Koreyanın Busan şəhərində keçirilən Asiya Oyunlarında iştirak etdi. Orta çəki dərəcəsində ölkəsinə bürünc medal qazandırmışdır. Bundan başqa həmin mövsümdə Romada keçirilən Sülh Kuboku turnirində yeddinci olmuşdur. Növbəti mövsümdə Parisdə keçirilən Sülh Superkubokunda yeddinci yeri tutmuşdur. Jejuda keçirilən Asiya Çempionatına bürünc medal qazanmış və Yaponiyanın Osaka şəhərində keçirilən Dünya Çempionatında çıxış etmişdir. Bu turnirdə 1/8 finala qədər gəlmişdir.
2004-cü ildə Pereteyko öz kolleksiyasına Almatıda keçirilən Asiya birinciliyində alınmış gümüş medalı əlavə etdi. Burada o, bütün rəqiblərinə qalib gələrək finala yüksəldi. Finalda isə koreyalı Pak Sun U-ya məğlub oldu.[1] Həmçinin Moskvada keçirilən Sülh Superkubokunda yeddinci oldu və Minskdə "A" sinfinin beynəlxalq yarışında beşinci yeri tutdu. Uğurlu çıxışlarının sayəsində 2004-cü ildə Afinada keçirilən Yay Olimpiya Oyunlarında ölkəsinin şərəfini qorumaq hüququ əldə etdi. Ancaq ilk döyüşündə yunan Dionisios İliadisə məğlub oldu və mükafatçıların sırasına düşmək imkanını birdəfəlik itirdi.[2][3][4]
Vyaçeslav Pereteyko Afina Olimpiadasından sonra qısa bir müddət ərzində Özbəkistan komandasının cüdo yığmasının əsas tərkibində qaldı və ən böyük beynəlxalq yarışlarında iştirak etməyə davam etdi. Belə ki, 2005-ci ildə orta çəki dərəcəsində o, Nyu-Yorkda açıq yarışda qələbə qazandı. Axırıncı dəfə 2006-cı il mövsümündə beynəlxalq səhnədə əhəmiyyətli nəticələri qazandı. Parisdə və Hamburqda keçirilən Sülhün Superkubokunda öz çəki dərəcəsində iştirak etdi. Yarışlar bitəndən sonra peşəkar idmançı karyerasını bitirdiyini açıqladı.
İstinadlar
[redaktə | mənbəni redaktə et]- ↑ "Сервер Мурадасилов: Узбекистан от Казахстана — ни на шаг". Gazeta.kz. 18 May 2004. 14 December 2014 tarixində orijinalından arxivləşdirilib. İstifadə tarixi: 20 November 2014.
- ↑ "Judo: Men's Middleweight (90kg/198 lbs) Round of 32". Athens 2004. BBC Sport. 15 August 2004. 4 November 2021 tarixində arxivləşdirilib. İstifadə tarixi: 31 January 2013.
- ↑ "2004: Απολογισμός του τουρνουά τζούντο" (gr). ANT1. 21 August 2004. 23 September 2015 tarixində arxivləşdirilib. İstifadə tarixi: 10 December 2014.
- ↑ "Ο αντίπαλός μου με νίκησε δίκαια" (gr). Rizospastis. 19 August 2004. İstifadə tarixi: 10 December 2014.
Xarici keçidlər
[redaktə | mənbəni redaktə et]- Вячеслав Перетейко — профиль на сайте Judoinside.com