Əhmədiyyə Məmmədov

Əhmədiyyə Məmmədov
Şəxsi məlumatlar
Doğum tarixi	25 iyun 1937(1937-06-25)
Doğum yeri	Xırxatala, Qutqaşen rayonu, Azərbaycan SSR, SSRİ
Vəfat tarixi	7 dekabr 2007(2007-12-07) (70 yaşında)
Partiya	Yeni Azərbaycan Partiyası
Təhsili	Azərbaycan Dövlət Pedaqoji İnstitutu (1957–1962)

Əhmədiyyə Məmmədov – müəllim, dövlət xadimi, Qəbələ Rayon İcra Hakimiyyəti Başcısının sabiq müavini, YAP Qəbələ Rayon Təşkilatının Qurucusu, "Vətənə xidmətə görə" ordeni laueratı.

Həyatı

Əhmədiyyə Həşim oğlu Məmmədov 25 iyun 1937-ci ildə Qəbələ rayonunun Xırxatala kəndində anadan olub. 1952-ci ildə Bum kənd orta məktəbini bitirmiş və Şəki Dövlət İkiillik Müəllimlər İnsitutunun Fizika-Riyaziyyat fakültəsinə qəbul olmuşdur. 1954-cü ildə insitutu bitirdikdən sonra Qəmərvan kəndində müəllimlik fəaliyyətinə başlamışdır. 1954–1956-cı illərdə hərbi xidmətdə olmuşdur. Hərbi xidmətdən qayıtdıqdan sonra 1956-cı ildən Xırxatala Kənd Yeddiillik Məktəbində müəllimlik fəaliyyətini davam etdirmişdir. 1957-ci ildə Azərbaycan Dövlət Pedoqoji Universitetinin Riyaziyyat fakültəsinin qiyabi şöbəsinə qəbul olmuş, 1962-ci ildə isə bitirmişdir.Xırxatala kənd orta məktəbində 1957-60-cı illərdə müəllim, 1960-62-ci illərdə dərs hissə müdiri,1962-ci ildən 1983-cü ilə qədər isə direktor işləmişdir.Əhmədiyyə Məmmədov 21 illik direktorluğu dövründə Xırxatalanın maarif tarixində yaddaqalan işlər görüb.Direktorluğunun ilk illərində köhnə məktəb binasında otaqlar kifayət qədər olmadığı üçün öz təşəbbüsü ilə müəllimlərin,kənd camaatının köməkliyi ilə 5 geniş sinif otağı,tədris emalatxanası,yeməkxana tikildi.O,7 illik məktəbi 8 illiyə(1962),8 illik məktəbi isə 10 illik orta məktəbə(1970) çevirməyi bacarıb.Şəxsi təşəbbüsü və gərgin əməyi nəticəsində 1977-1979-cu illərdə Xırxata kəndində Qəbələ rayonun 3-cü müasir tipli 2 mərtəbəli məktəb binası tikilib.Əhmədiyyə müəllimin direktorluğu dövründə Xırxatala kənd orta məktəbi ölkənin "istinad" və "günü uzadılmış" məktəbi kimi tanınmışdır.Çünki məhz onun direktorluğu dövründə məktəbin müəllim və şagird kollektivinin möhkəm nizam-intizamı və tədrisin yüksək keyfiyyəti nümunə göstərilirdi.Həmin illərdə rayonda müxtəlif sahələrdə keçirilən yarışlarda Xırxatala Kənd Orta məktəbi xüsusi fərqlənir və öncül sıralarda olurdu.Əhmədiyyə müəllim məktəbdə mədəni tədbirlərin keçirilməsinə çox diqqətlə yanaşırdı özfəaliyyət dram və xor kollektivləri yaratmışdı.1983-cü ilin mayında Bakıda və Qəbələdə keçirilən festival və mahnı bayramında Xırxatala məktəbinin xor kollektivi xüsusi fərqlənmişdir.Əhmədiyyə Məmmədov qabaqcıl məktəb direktoru kimi rayon təsilində böyük rol oynayırdı.Tez-tez digər məktəblərdə təcrübə mübadiləsində yoxlamalarda olurdu.Eyni zamanda rayon və respublika tədbirlərində fəal iştirak və çıxışlar edirdi.O,məktəb direktoru işlədiyi dövrdə müxtəlif təşkilatlar tərəfindən dəfələrlə fəxri fəmanlarla təltif olunmuşdur.

Fəaliyyəti

Əhmədiyyə Məmmədov Xırxatala kənd orta məktəbində 1957–60-cı illərdə müəllim, 1960–62-ci illərdə dərs hissə müdiri, 1962-ci ildən 1983-cü ilə qədər isə direktor işləyib. Direktorluğunun ilk illərində köhnə məktəb binasında otaqlar kifayət qədər olmadığı üçün öz təşəbbüsü ilə müəllimlərin və kənd camaatının köməkliyi ilə 5 geniş sinif otağı, tədris emalatxanası, yeməkxana tikdirib. Onun rəhbərlik etdiyi dövrdə 7 illik məktəb 8 illiyə (1962), 8 illik məktəb isə 10 illik orta məktəbə (1970) çevirilib. Şəxsi təşəbbüsü ilə 1977–1979-cu illərdə Xırxatala kəndində Qəbələ rayonun 3-cü müasir tipli 2 mərtəbəli məktəb binası tikdirib. Həmin dövrlərdə Xırxatala kənd orta məktəbi ölkənin "istinad" və "günü uzadılmış" məktəbi kimi tanınıb. Məktəbdə dram və xor kollektivləri yaradıb. 1983-cü ilin mayında Bakıda və Qəbələdə keçirilən festival və mahnı bayramında Xırxatala məktəbinin xor kollektivi xüsusi fərqlənib. Onun məktəb direktoru işlədiyi dövrdə məktəb müxtəlif təşkilatlar tərəfindən dəfələrlə fəxri fəmanlarla təltif olunub.

1983-cü ildən 1994-cü ilə qədər Qəbələ Rayon Mədəniyyət Şöbəsinin müdiri vəzifəsində çalışıb. Bu illərdə rayonun mədəni həyatında əsaslı yeniliklər olub. Məhz onun rəhbərliyi ilə Azərbaycanda ilk dəfə Qəbələdə Şəhidlərin Xatirəsi Muzeyi yaradılıb. Həmçinin bu vəzifədə çalışdığı illərdə Qəbələ Rayon Mədəniyyət Evi binası tikilib. Azərbaycanın realist nəsrinin banisi görkəmli Azərbaycan yazıçısı və generalı İsmayıl bəy Qutqaşınlının Xatirə Muzeyi yaradılması təklifini irəli sürüb və rayonda 1985-ci ildə İsmayıl Bəy Qutqaşınlının Xatirə Muzeyi yaradılıb.

Özünün şəxsi fəaliyyətilə Qəbələ Rayon Tarix-Diyarşünaslıq Muzeyinin yeni binada ekzpozisiyası qurulub. Əhmədiyyə Məmmədov Moskva, Volqoqrad,Başqırdıstan, Qorki və digər şəhərlərdə keçirilən Azərbaycan mədəniyyəti ongünlüklərində dəfələrlə nümayəndə heyətinin başcısı və üzvü olaraq iştirak etmiş və müxtəlif təltiflərə layiq görülmüşdür.

1980-ci illərin sonunda Heydər Əliyevə müraciət edən şəxslərdən biri olub. 1992-ci ilin noyabrında Heydər Əliyevin başcılığı ilə Yeni Azərbaycan Partiyasının təsis konfransı keçirildi. 1992-ci ilin dekabrında onun rəhbərliyi ilə partiyanın təşəbbüs qrupları yaradıldı. Təşəbbüs qrupları Əhmədiyyə Məmmədovun səyi ilə günü-gündən yeni üzvlər hesabına genişlənirdi. 1993-cü ilin sentyabr ayında Yeni Azərbaycan Partiyası Qəbələ Rayon Təşkilatının birinci təsis konfransı keçirildi və Əhmədiyyə Məmmədov rayon təşkilatının sədri seçildi. Bundan sonra partiyanın rayon təşkilatının ardıcıl olaraq 6 konfransında sədr seçilib.

Əhmədiyyə Məmmədov 1994-cü ilin sentyabr ayında Qəbələ Rayon İcra Hakimiyyəti Başcısının birinci müavini təyin edilib. Azərbaycan Gənclərinin IV Forumuna hazırlıq məqsəsədilə Qəbələ Gənclərinin Ümumrayon Toplantısının təşkilatçısı olub. Əhmədiyyə Məmmədov dövlət qulluğunda uzun müddət qüsursuz və səmərəli fəaliyyət göstərdiyinə görə Azərbaycan Respublikasının Prezidenti İlham Əliyevin 22 iyun 2006-cı il tarixli sərəncamı ilə "Vətənə xidmətə görə" ordeni ilə təltif olunub.

Xatirəsi

Xatirəsinə İctimai TV tərəfindən "Yaşamaq Yanmaqdır" filmi həsr olunmuşdur. Həmçinin respublikamızının "İki Sahil","Respublika","Yeni Azərbaycan" və.s kimi məşhur qəzetlərində dəfələrlə xatirəsinə məqalələr dərc olunmuşdur.'

Təltifləri

• 3-cü dərəcəli "Vətənə xidmətə görə" ordeni − 22.06.2006

Həmçinin bax

• Qəbələ
• Xırxatala