Əhmədiyyə Məmmədov

Əhmədiyyə Həşim oğlu Məmmədov- müəllim, dövlət xadimi,Qəbələ Rayon İcra Hakimiyyəti Başcısının sabiq müavini,YAP Qəbələ Rayon Təşkilatının Qurucusu,"Vətənə xidmətə görə" ordeni laueratı.

Həyatı

Əhmədiyyə Həşim oğlu Məmmədov 25 iyun 1937-ci ildə Qəbələ rayonunun Xırxatala kəndində anadan olub.1952-ci ildə Bum kənd orta məktəbini bitirmiş və Şəki Dövlət İkiillik Müəllimlər İnsitutunun Fizika-Riyaziyyat fakültəsinə qəbul olmuşdur.1954-cü ildə insitutu bitirdikdən sonra Qəmərvan kəndində müəllimlik fəaliyyətinə başlamışdır.1954–1956-cı illərdə hərbi xidmətdə olmuşdur. Hərbi xidmətdən qayıtdıqdan sonra-1956-cı ildən Xırxatala Kənd Yeddiillik Məktəbində müəllimlik fəaliyyətini davam etdirmişdir.1957-ci ildə Azərbaycan Dövlət Pedoqoji Universitetinin Riyaziyyat fakültəsinin qiyabi şöbəsinə qəbul olmuş,1962-ci ildə isə bitirmişdir. Xırxatala kənd orta məktəbində 1957–60-cı illərdə müəllim, 1960–62-ci illərdə dərs hissə müdiri,1962-ci ildən 1983-cü ilə qədər isə direktor işləmişdir. Əhmədiyyə Məmmədov 21 illik direktorluğu dövründə Xırxatalanın maarif tarixində yaddaqalan işlər görüb. Direktorluğunun ilk illərində köhnə məktəb binasında otaqlar kifayət qədər olmadığı üçün öz təşəbbüsü ilə müəllimlərin, kənd camaatının köməkliyi ilə 5 geniş sinif otağı, tədris emalatxanası, yeməkxana tikildi. O,7 illik məktəbi 8 illiyə(1962),8 illik məktəbi isə 10 illik orta məktəbə(1970) çevirməyi bacarıb. Şəxsi təşəbbüsü və gərgin əməyi nəticəsində 1977–1979-cu illərdə Xırxatala kəndində Qəbələ rayonun 3-cü müasir tipli 2 mərtəbəli məktəb binası tikilib. Əhmədiyyə müəllimin direktorluğu dövründə Xırxatala kənd orta məktəbi ölkənin "istinad" və "günü uzadılmış" məktəbi kimi tanınmışdır. Çünki məhz onun direktorluğu dövründə məktəbin müəllim və şagird kollektivinin möhkəm nizam-intizamı və tədrisin yüksək keyfiyyəti nümunə göstərilirdi. Həmin illərdə rayonda müxtəlif sahələrdə keçirilən yarışlarda Xırxatala Kənd Orta məktəbi xüsusi fərqlənir və öncül sıralarda olurdu. Əhmədiyyə müəllim məktəbdə mədəni tədbirlərin keçirilməsinə çox diqqətlə yanaşırdı özfəaliyyət dram və xor kollektivləri yaratmışdı.1983-cü ilin mayında Bakıda və Qəbələdə keçirilən festival və mahnı bayramında Xırxatala məktəbinin xor kollektivi xüsusi fərqlənmişdir. Əhmədiyyə Məmmədov qabaqcıl məktəb direktoru kimi rayon təsilində böyük rol oynayırdı. Tez-tez digər məktəblərdə təcrübə mübadiləsində yoxlamalarda olurdu. Eyni zamanda rayon və respublika tədbirlərində fəal iştirak edir və çıxışlar edirdi. O məktəb direktoru işlədiyi dövrdə müxtəlif təşkilatlar tərəfindən dəfələrlə fəxri fəmanlarla təltif olunmuşdur.

Mədəniyyət Sahəsində Fəaliyyəti

Əhmədiyyə Məmmədov 1983-cü ildən 1994-cü ilə qədər Qəbələ Rayon Mədəniyyət Şöbəsinin müdiri vəzifəsində çalışmışdır. O, bu illərdə rayonun mədəni həyatında əsaslı yeniliklərə nail olmuşdur. Məhz onun rəhbərliyi ilə Azərbaycanda ilk dəfə Qəbələdə Şəhidlərin Xatirəsi Muzeyi yaradıldı. Həmçinin bu vəzifədə çalışdığı illərdə regionun gözəl binalarından olan Qəbələ Rayon Mədəniyyət Evi binası tikildi. O Mədəniyyət Şöbəsinə müdir təyin olunduqdan sonra Azərbaycan realist nəsrinin banisi görkəmli Azərbaycan yazıçısı eyni zamanda generallarımızdan biri İsmayıl Bəy Qutqaşınlının Xatirə Muzeyi yaradılması təklifini irəli sürmüş və buna rayon rəhbərliyinin köməkliyi ilə nail olmuşdur. Belə ki 1985-ci ildə İsmayıl Bəy Qutqaşınlının Xatirə Muzeyi yaradıldı. Əhmədiyyə Məmmədov tarixi abidələrimizin qorunmasına, ötən əsrlərə dair eksponatların qorunub gələcək nəsillərə çatdırılmasına xüsusi diqqət ayırırdı. Özünün şəxsi fəaliyyətilə Qəbələ Tarix-Diyarşünaslıq Muzeyinin yeni binada ekzpozisiyası quruldu. Həmçinin, o rayonda bədii özünüfəaliyyətin inkişafına yer ayırırdı.Bum kənd Mədəniyyət evinin məşhur "Zopu-Zopu" etnoqrafik folklor ansamblı da bu illərdə yaranıb. Tarix və mədəniyyət abidələrinin bərpası və qorunması bir sıra kənd mədəniyyət evlərinin orijinal tərtibatı Əhmədiyyə müəllimin fəaliyyətinin bərpasıdır. Mədəniyyət şöbəsinin müdiri olduğu dövrdə Qəbələdə musiqi festivalları, konsert proqramları yüksək səviyyədə təşkil olunmuşdur. Bu kimi tədbirlər nəticəsində Rayon Mədəniyyət Şöbəsi respublika rayonları arasında qabaqcıl yerlərdən birini tutmuşdur. Əhmədiyyə Məmmədov Azərbaycan mədəniyyətinin dünya miqyasında tanınmasına da iştirak edib. Belə ki, Moskva və Volqoqradda Başqırdıstanda Qorkidə və digər şəhərlərdə keçirilən Azərbaycan mədəniyyəti ongünlüklərində dəfələrlə nümayəndə heyətinin başcısı və üzvi olaraq iştirak etmiş və müxtəlif təltiflərə layiq görülmüşdür.

YAP Qəbələ Rayon Təşkilatının Quruluşu

1980-ci illərin sonu,1990-cı illərin əvvəlləri Azərbaycan tarixinin ən təlatümlü illəridir. Xalqımızın bu çətin dövründə Əhmədiyyə Məmmədov bu hadisələrdən kənarda qalmamışdır. Bu illərdə Əhmədiyyə müəllim qabaqcıl bir ziyalı kimi öz səsini ucaldır, mitinqlərdə, mətbuatda Dağlıq Qarabağın Azərbaycanın ayrılmaz hissəsi olmasıyla bağlı tutarlı çıxışlar edir, Ümumittifaq rəhbərliyinin qərəzli mövqeyini kəskin şəkildə tənqid edirdi. Azərbaycanın bölünmə təhlükəsiylə üzləşdiyi belə bir dövrdə uzaqgörən ziyalılarımız kimi o da Heydər Əliyevə müraciət etdi və ona böyük siyasətinə qayıtmağı təklif etdi.1992-ci ilin noyabrında Ulu Öndər Heydər Əliyevin başcılığı ilə Yeni Azərbaycan Partiyasının təsis konfransı keçirildi. Əhmədiyyə Məmmədov Yeni Azərbaycan Partiyasını alqışlayanların ilk sırasında oldu. Tezliklə,1992-ci ilin dekabrında onun rəhbərliyi ilə Yeni Azərbaycan Partiyasının təşəbbüs qrupları yaradıldı. Təşəbbüs qrupları Əhmədiyyə müəllimin səyi ilə günü-gündən yeni üzvlər hesabına genişlənirdi.1993-cü ilin sentyabr ayında [[Yeni Azərbaycan Partiyası]] Qəbələ Rayon Təşkilatının birinci təsis konfransı keçirildi və Əhmədiyyə Məmmədov rayon təşkilatının sədri seçildi. Bundan sonra partiyanın rayon təşkilatının ardıcıl olaraq 6 konfransında da o sədr seçildi. Ömrünün sonunadək partiyanın rayon təşkilatının sədri kimi fəaliyyət göstərdi. Onun partiyaya rəhbərliyi dövründə partiyanın üzvləri sayı 150 nəfərdən 3500 nəfərə qədər çatdı. Yeni Azərbaycan Partiyasının bütün qurultaylarında fəal iştirak etmişdir. Yüksək təşkilatçılıq qabiliyyəti, istedadı nəzərə alınaraq Əhmədiyyə Məmmədov 1994-cü ilin sentyabr ayında Qəbələ Rayon İcra Hakimiyyəti Başcısının I müavini təyin edildi. O ömrünün sonunadək YAP Qəbələ Rayon Təşkilatıyla bərabər bu vəzifəni də icra etmişdir. Bu vəzifədə olduğu dövrdə daim o vətəndaşları qəbul edir, onların ərizə və şikayətlərinə ciddi yanaşılmasına diqqət ayırırdı. Onların qaldırdıqları məsələlərin həlli üçün müvafiq tapşırıqları verirdi. Əhmədiyyə Məmmədov YAP Qəbələ Rayon Təşkilatının sədiri və Rayon İcra Hakimiyyəti Başcısınən I müavini kimi rayonun ictimai-siyasi həyatında böyük rol oynadı. Rayonda keçirilən bütün ictimai-siyasi mədəni xarakterli tədbirlərinin fəal təşkilatçısı və iştirakçısı olmuşdur. O, həmçinin rəhbərlik etdiyi işcilərə qarşı tələbkar olduğu qədər həm də qayğıkeş idi. Onların qarşıya çıxan şəxsi problemlərinin həll edilməsi üçün lazımi gələn hər şeyi edərdi. Əhmədiyyə Məmmədov rayon gənclərinin asudə vaxtlarının səmərəli keçməsi, onların vətənpərvərlik tərbiyəsi üçün də çalışırdı. Azərbaycan Gənclərinin IV Forumuna hazırlıq məqsəsədilə Qəbələ Gənclərinin Ümumrayon Toplantısının təşkilatçısı olmuşdu. Həmin tədbirdə bu nitqlə çıxış etmişdi: "Müstəqil Azərbaycan dövlətinin ziyalılarını, alimlərini, mütəxəsislərini yetişdiririk. Məhz bu mütəxəsislər sizlər olmalısınız. Gələcək nəsillər sizin nəvələriniz, sizin övladlarınız olmalıdır. Bu gənclər Azərbaycanı idarə etməlidirlər, Azərbayacan dövlətçiliyində çalışmalıdırlar. Bu gənclər Azərbaycanın sərhədlərini qorumalıdırlar, bu gənclər Azərbaycanın müstəqilliyini, Azərbaycan xalqının sağlamlığını qorumalıdırlar. Bu gənclər Azərbaycan xalqının milli adət və ənənələrini, dilini, dinini qorumalıdırlar." 2003-cü il prezident seçkiləri zamanı, Əhmədiyyə Məmmədov Prezident İlham Əliyevin Respublika Seçki Qərargahının üzvi , seçki qabağı təbliğat tədbirinin aparıcısı olmuşdur. İşlədiyi bütün sahələrdə o, özünü bacarıqlı təşkilatçı, istedadlı rəhbər işci kimi göstərmişdir. Rayon ictimaiyyəti arasında böyük nüfuz sahibi olmuşdur. Əhmədiyyə Məmmədov dövlət qulluğunda uzun müddət qüsursuz və səmərəli fəaliyyət göstərdiyinə görə Azərbaycan Respublikasının Prezidenti İlham Əliyevin 22 iyun 2006-cə il tarixli sərəncamı ilə [["Vətənə xidmətə görə" ordeni]] ilə təltif olundu. '

Vəfatı

Əhmədiyyə Həşim oğlu Məmmədov 7 dekabr 2007-ci ildə vəfat edib.Qəbələ rayonu Xırxatala Kənd Qəbiristanlığında dəfn olunmuşdur.

Xatirəsi

Xatirəsinə İctimai TV tərəfindən "Yaşamaq Yanmaqdır" filmi həsr olunmuşdur. Həmçinin respublikamızının "İki Sahil","Respublika","Yeni Azərbaycan" və.s kimi məşhur qəzetlərində dəfələrlə xatirəsinə məqalələr dərc olunmuşdur.'

Təltifləri

"Vətənə xidmətə görə" ordeni −22.06.2006 Əhmədiyyə Məmmədovun əməyi, bacarığı işlədiyi müxtəlif sahələrdə, uzun illər ərzində, dəfələrlə Fəxri fərmanlar, təşəkkürnamələr və digər mükafatlarla təltif olunmuşdur.