Xilə-buta xalçaları

Vikipediya, açıq ensiklopediya
Jump to navigation Jump to search
Xalça
Xilə-buta xalçaları
Geometric rug motives.jpgAzeri teppich1.jpgAzeri teppich3.jpgAserbaidschanischer Teppich1.jpg
Xilə-buta xalçaları

Xilə-buta xalçaları
Xalça haqqında məlumat
Tam adı: Xilə-buta xalçaları
Digər adı: Qızqarıdan.
Məktəbi: Abşeron xalçaçılıq məktəbi
Növü: Xovlu
Ölkə: Azərbaycan
Şəhər: Bakı şəhəri
Kənd: Əmircan kəndi
Toxunması haqqında məlumat
Digər məlumatlar
Material: Yun
Düyünlərin sayı: Hər kvadrat desimetrdə 40x40 ilmədən 45x45 ilməyə qədər

Xilə-buta xalçalarıAbşeron xalçaçılıq məktəbinin Bakı qrupuna daxil olan xovlu xalçalar.

Ümumi məlumat[redaktə | əsas redaktə]

Belə naxışlı xalçalar Bakı qrupunun bütün xalçaçılıq məntəqələrində istehsal olunurdu. Xarici mənbələr bu xalçanı səhvən "Şirvan xalçaları" və ya "Dağıstan xalçaları" adı altında göstərirlər. Toxucu ustalar isə onu "Qızqarıdan xalçaları" adlandırıblar. Buna səbəb xalçanın hazırlanma prosesinin mürəkkəbliyi və uzun müddət vaxt aparması ilə bağlıdır.

Əslində isə Abşeron xalçaçılıq məktəbinin Bakı qrupuna daxil olan "Xilə-buta xalçaları"nın adı Bakı şəhərinin 15 km məsafəsində yerləşən Xilə (Əmircanın keçmiş adı) kəndinin adından adlandırılmışdır.

Bədii analiz[redaktə | əsas redaktə]

Adətən "Xilə-buta xalçaları"nın orta sahəsi butalarla bəzədilir. "Xilə-buta xalçaları"nı üç qrupa bölmək olar: Sadə quruluşlu xalçalar, künclü xalçalar, Mürəkkəb qruluşlu xalçalar.

Sadə quruluşlu xalçalar[redaktə | əsas redaktə]

Orta sahədə sıraya düzülmüş və enli üfiqi zolaqlar əmələ gətirən butalardan toxunmuş sadə quruluşlu "Xilə-buta xalçalar"ının orta sahəsinin bəzəyində ki, zolaqların fərqi oradakı butaların müxtəlif tərəflərə dönməsindən ibarətdir. Zolaqların nizami addımı ardıcıl surətdə dəyişərək naxışın monotonluğunu aradan qaldırır. Bəzi "Xilə-buta" xalçalarının kompozisiyası şaquli istiqamətdə bir-birinin üstündə yerləşmiş butalardan ibarət olur.

Künclü xalçalar[redaktə | əsas redaktə]

Orta sahəsinin dörd küncündə (bəzən iki küncündə) düzbucaqlılar, xalçanın mərkəzində isə gül xonça yerləşməsi künclü "Xilə-buta xalçaları"nın sadə quruluşlu "Xilə-buta xalçaları"ndan fərqini qabarıq şəkildə göstərir. Bu düzbucaqlıların çoxu forma etibarilə dişli və ya zolaqlı olur. Künclərində düzbucaqlılar olan, lakin ara sahəsində xonçası olmayan kompozisiyaya nadir hallarda rast gəlmək olar. Göllərin və düzbucaqlıların səthi doldurucu elementlərlə bəzənir. Kiçik və orta ölçülü bu elementlər "Xilə-Suraxanı" xalçası üçün xarakterikdir.

Mürəkkəb quruluş[redaktə | əsas redaktə]

Mürəkkəb quruluşlu "Xilə buta xalçaları"n quruluşu əvvəlki iki tiplə müqayisədə çox mürəkkəbdir. Mürəkkəblik ondan ibarətdir ki, bir neçə buta medalyonun daxilində olur.

Sadə quruluşlu "Xilə buta xalçaları"nın ümumi köbə haşiyəsi onların ölçülərindən asılı olmayaraq üç zolaqdan (ara haşiyə və iki zəncirə, yaxud iki kiçik haşiyə), bəzən isə dörd zolaqdan ibrətdir. Mürəkkəb quruluşlu xalçaların ümumi köbə haşiyəsindəki zolaqların sayı xalçanın ölçüsündən asılı olaraq artır.

"Xilə-buta" xalçalarında müxtəlif ara haşiyələrdən istifadə olunur, lakin ara haşiyənin yalnız bu xalçalara xas olan müstəqil kompozisiyası var - "Kaşı", "Şarlama" və "Qədim heykəl". "Xilə-buta" üçün xarakterik olan zolaqları həm də Quba, Təbriz və Şirvan qrupundan olan xalçalarda görmək olar.

Mürəkkəb quruluşlu "Xilə-buta" xalçalarında gətəbə formalı ara haşiyələrə də rast gəlmək olur.[1]

Texniki xüsusiyyətlər[redaktə | əsas redaktə]

"Xilə-buta xalçaları"nın ölçüsü 120x190 sm-dən 150x250 sm-ə qədər ola bilər. Bu xalçaçılıq məntəqələrində əksər hallarda uzunsov xalçalar istehsal olunurdu.

"Xilə-buta xalçaları"nda bir kvadrat desimetrdə ilmələrin sıxlığı 40x40 ilmədən 45x45 ilməyə qədər olur. Bir kvadrat metrdə olan ilmələrin sayı 160 min ilmədən 200 min ilmə arasında dəyişir.

"Xilə-buta xalçaları"nın xovunun hündürlüyü 5-7 mm-dir.

İstinadlar[redaktə | əsas redaktə]

  1. Xilə-buta xalçaları