Xucbala

Vikipediya, azad ensiklopediya
Jump to navigation Jump to search
Xucbala
Xucbala kəndi ümumi görünüş.jpg
41°25′05″ şm. e. 48°27′56″ ş. u.
Ölkə  Azərbaycan
Rayon Quba rayonu
Tarixi və coğrafiyası
Saat qurşağı
Əhalisi
Əhalisi 1480 (2009) nəfər
Xucbala xəritədə

XucbalaAzərbaycan Respublikasının Quba rayonunun inzibati ərazi vahidində kənd. Ərazi vahidliyinə Xucbala, Çartəpə, Ağağı-Xuc və Digah kəndləri daxildir.

Toponimikası[redaktə | mənbəni redaktə et]

Xucbala oyk, mür. Quba r-nunun eyniadlı i.ə.v.-də kənd. Qusar maili düzənliyindədir. Keçmiş adı Yuxarı Xuc olmuşdur. Oykonim Xuc (qıpçaqların kuç tayfa adını əks etdirən etnotoponim) və bala (kiçik) komponentlərindən düzəlib, "kiçik Xuc kəndi" mənasındadır. Buradakı bala komponenti yaşayış məntəqəsini Orta Xuc və Aşağı Xuc kəndlərindən fərqləndirməyə xidmət edir.[1]

Əhalisi[redaktə | mənbəni redaktə et]

1886-cı ildə ailələr üzrə aparılmış siyahıyaalmaya əsasən Bakı quberniyası, Quba qəzası, Qusar şöbəsi, Xucbala kənd cəmiyyəti tərkibinə daxil olan Xucbala kəndində 56 evdə sünni etiqadlı müsəlman tatarlardan (azərbaycanlılardan) ibarət 495 nəfər (248 nəfəri kişilər, 247 nəfəri qadınlar) əhali yaşayırdı. 2009-cu ilin siyahıyaalınmasına əsasən kəndə 1480 nəfər əhali yaşayır.[2]

Coğrafiyası[redaktə | mənbəni redaktə et]

Xucbala kəndi Quba-Qusar yolunun 9-cu kilometrliyində yerləşir.

Din[redaktə | mənbəni redaktə et]

Kənddə Xucbala kənd məscidi dini icması fəaliyyət göstərir[3].

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  2. Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
  3. MÜSƏLMAN DİNİ İCMALAR - 2016-cı ildə qeydiyyatdan keçənlər. scwra.gov.az  (az.)

Xucbala kəndinin tanınmış ziyalıları haqqında[redaktə | mənbəni redaktə et]

1.İbrahimov Cəfər Müzəffər oğlu-Xızı rayon Partiya Komitəsinin birinci katibi, Quba rayon ZDS İcraiyyə komitəsinin sədri, 30 minçilər hərəkatının iştirakçısı, qabaqcıl kolxoz sədri, Azərbaycan SSR Ali Sovetinin deputatı, Quba şəhər Sovetinin 14 il fasiləsiz sədri işləmişdir. Vəfat etmişdir.
2.İbrahimov Mehman Cəfər oğlu-Quba rayon Partiya Komitəsinin ikinci katibi, rayonun ən böyük sovxozu Zərdabi adına sovxozun direktoru, 1999-2004-cü illərdə Quba rayon İcra Hakimiyyətinin Başçısı işləmişdir, iqtisad elmləri namizədi.
3.Xəlilov Cabbar Əsədulla oğlu-Azərbaycan Respublikası Elmlər Akademiyasının Arxeologiya institutunun şöbə müdiri, tarix elmləri doktoru, Azərbaycanda arxeologiya üzrə ilk professor. Xucbala kəndinin tarixi üzrə tədqiqatlar ona məxsusdur. Vəfat etmişdir.
4.İbrahimova Münəvvər Cəfər qızı-kimya elmləri doktoru. 5.İbrahimova Yavər Cəfər qızı-kimya elmləri doktoru.
6.Şıxməmmədov Nurməmməd Əhəd oğlu-tibb elmləri doktoru, professor, tibb universitetinin müalicə fakultəsinin dekanı işləmişdir, əməkdar müəllim. Vaxtsız vəfat etmişdir..
7.İbrahimov Müslüm Azad oğlu-iqtisad elmləri doktoru, professor, iqtisad universitetinin kafedra müdiri.
8.Bağırov İsa Bağır oğlu-coğrafiya elmləri namizədi. 9.Umudov Məmmədsadıq İmam oğlu-tarix elmləri namizədi, dosent, vəfat etmişdir.
10.Umudov Cahangir İmam oğlu-coğrafiya elmləri namizədi, vəfat etmişdir.
11.Umudov Xalid Məmmədsadıq oğlu-tibb elmləri namizədi, vaxtsız vəfat etmişdir.
12.Umudov İsmayıl İmam oğlu-Quba rayon Partiya Komitəsində müxtəlif vəzifələrdə, Zərdabi adına sovxozda direktor işləmişdir. Vəfat etmişdir.
13.İbrahimov Salavat Mülküm oğlu-iqtisad elmləri namizədi, Dövlət Əmlak Komitəsinin şöbə müdiri.
14.İbrahimova Xoşqədəm Qonaq qızı-coğrafiya elmləri namizədi.
15.Xəlilov Mübariz Cabbar oğlu-tarix elmləri namizədi, tarix institutunda işləyir.
16.Osmanov Rəcəb-kənd təsərrüfatı elmləri namizədi. Vəfat etmişdir.
17.Müzəffərov Şirin Müzəffər oğlu-əməkdar mədəniyyət işçisi, Azərbaycan Respublikası Dövlət Arxivi Quba filialının direktoru.
18.Hidayətov Bağır Hidayət oğlu- Uzun müddət Ekologiya və Təbii Sərvətlər Nazirliyində mühüm vəzifələrdə işləmişdir. 19.İmamquliyev Bahadır Bəkir oğlu-"tərəqqi" medalı ilə təltif edilmişdir. "Azərbaycan" qəzetinin redaksiyasında şöbə müdiri.
20.Şıxməmmədov Fuad Əhəd oğlu-polkovnik, müxtəlif rayonlarda hərbi komissar işləmişdir.
21.Həsənov Əflatun Qubad oğlu-polkovnik, Bakı metropoliteninin mühafizə idarəsinin rəisi işləmişdir. Hal-hazırda Daxili İşlər Nazirliyində işləyir.
22.Nəcəfov Xanməd Səfər oğlu- polis mayoru. Uzun illər Daxili İşlər Nazirliyi sistemində işləmişdir. Vəfat etmişdir. 23.Məmmədxanov Fərhad Alik oğlu'-polkovnik, Daxili İşlər Nazirliyi sistemində işləmişdir, təqaüdçüdür..
24.İbrahimov Elmar Azad oğlu-polkovnik-leytenant, Daxili İşlər Nazirliyində işləyir.
25.İbrahimov Hamlet Sabir oğlu-BP Neft şirkətinin şöbə müdiri işləmişdir, vaxtsız vəfat etmişdir.
26.Abdullayev Piroğlan Qonaq oğlu-Quba rayon İcra Hakimiyyəti Başçısının Xucbala İƏD üzrə nümayəndəsi.
27.Nəcəfov Nəbi Xanməd oğlu-polis mayoru.Daxili İşlər Nazirliyi sistemində işləyir.
28.Umudova Zülfiyyə Xanqulu qızı-Uzun illər Xucbala kənd orta məktəbinin direktorudur.