Məzmuna keç

Yaap de Hoop Sxeffer

Vikipediya, azad ensiklopediya
Yaap de Hoop Sxeffer
nid. Jaap de Hoop Scheffer
NATO-nun 11-ci baş katibi
5 yanvar 2004 – 1 avqust 2009
ƏvvəlkiCorc Robertson
SonrakıAnders Foq Rasmussen
Niderland xarici işlər naziri
22 iyul 2002 – 3 dekabr 2003
Baş nazirYan-Peter Balkenende
ƏvvəlkiYozias van Artsen
SonrakıBen Bot
Şəxsi məlumatlar
Doğum tarixi 3 aprel 1948(1948-04-03)[1][2][…] (78 yaş)
Doğum yeri Amsterdam, Niderland
Təhsili Leyden Universiteti
Fəaliyyəti siyasətçi, diplomat, hüquqşünas, universitet müəllimi, vəkil
Dini Roma-Katolik kilsəsi
Elmi fəaliyyəti
Elm sahəsi beynəlxalq münasibətlər
Təltifləri "Oran-Nassau" ordeninin böyük xaçı — 2009 "Oran-Nassau" ordeninin zabit dərəcəsi — 2003 "Oran-Nassau" ordeninin cəngavər dərəcəsi — 2002 Knight Commander of the Order of St Michael and St George — 2010 "Rumıniya ulduzu" ordeninin böyük xaçı — 2004 "Xilaskar" ordeninin böyük xaçı Order of the Cross of Terra Mariana, 1st Class — 2009 "Üç ulduz" ordeninin böyük zabit dərəcəsi — 2004 Cross of Recognition 1-ci dərəcəli "Cüt ağ xaç" ordeni — 2009 Decoration for Exceptional Merits — 2009 "Stara Planina" ordeni Kral Tomislavın Böyük Ordeni Grand Order of King Petar Krešimir IV "Macarıstan qarşısında xidmətlərə görə" Böyük xaçı — 2009 "Xidmətlərə görə" ordeninin böyük xaçı — 2009 "Böyük Vitautas" ordeninin böyük xaçı "İtaliya Respublikası qarşısında xidmətlərə görə" ordeninin böyük cəngavər xaçı — 2009
Vikianbarın loqosu Vikianbarda əlaqəli mediafayllar

Yakob "Yaap" de Hoop Sxeffer (nid. Jakob Gijsbert "Jaap" de Hoop Scheffer; ˈjaːp də ˈɦoːp ˈsxɛfərⓘ; 3 aprel 1948[1][2][…], Amsterdam) — Niderland siyasətçisi, 2004–2009-cu illərdə NATO-nun baş katibi.

Sxeffer 1967-ci ildə Müqəddəs İqnati Layola adına katolik klassik gimnaziyasını bitirmiş, 1974-cü ildə isə Leyden Universitetinin hüquq fakültəsindən məzun olmuş və hüquq magistri dərəcəsini almışdır. Universiteti bitirdikdən sonra hərbi xidmətdə olmuşdur.

Hərbi xidmətdən sonra 1976–1986-cı illərdə Niderland Xarici İşlər Nazirliyində çalışmış, ilk iki ili Niderlandın Qanadakı səfirliyində, 1980-ci ilədək isə Brüsseldə Niderlandın NATO-dakı nümayəndəliyində çalışmışdır.

1982-ci ildə Xristian Demokrat Çağırışı Partiyasına qoşulmuş və 1986-cı il parlament seçkilərində Niderland Nümayəndələr Palatasına üzv seçildi. 3 iyun 1986-cı ildən 23 may 2002-ci ilədək Niderland Nümayəndələr Palatasının üzvü kimi fəaliyyət göstərmişdir. 2002-ci il parlament seçkilərində qalib gələn Xristian Demokrat Çağırışı Partiyası, başda Yan-Peter Balkenende olmaqla, yeni hökumət qurmuş və 22 iyul 2002-ci ildən Sxeffer Balkenende kabinetində xarici işlər naziri vəzifəsini tutmuşdur. Bu vəzifədə o, ABŞ-nin 2003-cü ildə İraqa müdaxiləsində Niderland ordusunun iştirakına müsbət qərar verilməsində mühüm rol oynamışdı.

22 sentyabr 2003-cü ildə NATO-nun növbəti baş katibi seçildiyi üçün Sxeffer 3 dekabr 2003-cü ildə Niderland xarici işlər naziri vəzifəsindən istefa verdi. 5 yanvar 2004-cü ildə Sxeffer NATO baş katibi vəzifəsinin icrasına başladı. 2006-cı ilin dekabrında onun vəzifə müddətinin 2009-cu ilədək uzadılması qərara alındı və 1 avqust 2009-cu ildə o vəzifəsini Danimarkanın keçmiş baş naziri Anders Foq Rasmussenə təhvil verdi.

Sxeffer 21 iyul 2009-cu ildə infarkt keçirmiş və həkimlərin səyləri nəticəsində vəziyyəti normallaşmışdır.[3]

İstinadlar

[redaktə | vikimətni redaktə et]
  1. 1 2 Peter Saracino. Jaap de Hoop Scheffer (ing.). // Encyclopædia Britannica. (İstifadə tarixi: 9 oktyabr 2017).
  2. 1 2 Leidse Hoogleraren (nid.). (İstifadə tarixi: 19 iyun 2019).
  3. ↑ "Arxivlənmiş surət". 23 oktyabr 2021 tarixində arxivləşdirilib. İstifadə tarixi: 28 avqust 2014.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Yaap_de_Hoop_Sxeffer&oldid=7536537"