Yana Batırşina

Vikipediya, azad ensiklopediya
Jump to navigation Jump to search
Yana Batırşina
rus. Яна Батыршина
Şəxsi məlumatları
Tam adı Yanina Fərhad qızı Batırşina
Vətəndaşlığı
Doğum tarixi 7 oktyabr 1979(1979-10-07)
Doğum yeri Daşkənd, Özbəkistan SSR
Boyu 165 sm
Çəkisi 46 kq
İdman növü Bədii gimnastika

Yanina Batırşina (tatar. Янина Фархат кызы Батыршина; 7 oktyabr 1979, Daşkənd, Özbəkistan SSR) — Rusiyanın əməkdar idman ustası, bədii gimnastı və teleaparıcısı. Olimpiya oyunlarının gümüş mükafatçısı, yeddiqat dünya, beşqat Avropa çempionu.[1]

Həyatı[redaktə | əsas redaktə]

Yana Daşkənddə anadan olub. Tataryəhudi köklərə (atası - tatar, anası - yəhudi[2]) malikdir. Beş yaşından (1984) bədii gimnastika ilə məşğul olmağa başlayıb. İlk məşqçisi Valentina Andreyevna Çernov olub.

Atletika Karyerası[redaktə | əsas redaktə]

Doqquz yaşında olarkən mürəkkəb seçimlərdən sonra Özbəkistan SSR yığmasına daxil olub. Bir il sonra SSRİ-nin gənclərdən ibarət yığmasına qəbul edilmişdir. SSRİ dağıldıqdan sonra valideynləri ilə birlikdə Rusiyaya köçmüş və burada İrina Vinerin rəhbərliyi altında, Rusiya yığmasının üzvü kimi Novoqor gimnastika mərkəzində idmanla məşğul olmağa davam etmişdir.

İdman karyerasını ərzində 180 medal qazanıb, bu mükafatlar arasında 1996-cı ildə Atlantada keçirilmiş Olimpiya oyunlarının gümüş mükafatı, dünya çempionatının 7 qızıl medalı, Avropa çempionatının 5 qızıl medalı, habelə daha 40 kubok vardır. "Vətən qarşısında xidmətlərinə görə" II dərəcəli (1997) orden medalı ilə təltif edilib.[3] 1998-ci ildə 19 yaşı olarkən böyük idmandan getmişdir.

20 yaşında olarkən bədii gimnastika üzrə Braziliya yığmasının baş məşqçisi olub.[4]

İdmandan sonrakı karyerası[redaktə | əsas redaktə]

2000-ci ildə televiziya karyerasına başlayıb. "16-ya qədər və daha böyük" proqramının aparıcısı olmuşdur. "Paytaxt" kanalında idman buraxılışları xəbərlərini aparmışdır. 2002-ci ildən 2012-ci ilədək "Rossiya 2" telekanalında: "Xəbər-İdman" və "Xəbər-İdman. Yerli Vaxt. Moskva" informasiya proqramlarının aparıcısı olmuşdur.

"Fort Boyard" (2002), "Xalq artisti" (2004), "İdmanla məşğul ol" (2010) televiziya verilişlərinin, həmçinin "Şöhrət" milli idman mükafatının aparıcısı olmuşdur (2003, 2004, 2006, 2008-ci illərdə).

2010-cu ildə Kanadanın Vankuver şəhərində keçirilmiş Qış Olimpiya Oyunlarında Soçi-2014 rus evinin aparıcısı olmuşdur. Hal hazırda “Karusel” kanalında yayımlanan, məktəblilər üçün intelektual şou olan "Bir nəfər hamıya qarşı" (2013-cü ildən) verilişinin aparıcısıdır.

Şəxsi həyatı[redaktə | əsas redaktə]

Yana 2004-cü ildə[5][6] prodüser, "Parni iz Baku" (Bakılı Oğlanlar) Şən və Hazırcavablar Klubu (KVN) komandasının sabiq üzvü Timur Vaynşteyn ilə ailə həyatı qurub.[7][8] Onların toy mərasimi iki şəhərdə — MoskvaBakıda baş tutub.[5] Cütlüyün Məryəm[9] və Ayla[10] adında iki qızı və Leonid adlı bir oğulları var.[11]

İctimai fəaliyyəti[redaktə | əsas redaktə]

2010-cu ilin yayından "Təmiz idman səfirləri" antidopinq layihəsinin səfirlərindən biridir.[12]

2017-ci ilin dekabrında Rusiyanın hazırkı prezidentinin siyasətini dəstəkləyən "Putin Team" komandasının sıralarına qoşulub.[13]

2019-cu ildə Bakıda keçiriləcək bədii gimnastika üzrə dünya çempionatının səfiri seçilib.[14]

İstinadlar[redaktə | əsas redaktə]

  1. ДОСТИЖЕНИЯ - официальный сайт Яны Батыршиной  (rus.)
  2. О происхождении Яны Батыршиной. Яна Батыршина. Биография, Sem40 Arxivləşdirilib 2016-03-04 at the Wayback Machine
  3. Указ Президента Российской Федерации от 6 января 1997 года № 1
  4. Яна Батыршина: «Я смотрела на Тимура Вайнштейна и думала: «По-моему, этот парень станет моим мужем»  (rus.)
  5. 1 2 "Красивая любовь Яны Батыршиной". Arqumentı i faktı. 2004-09-20.
  6. Текст от 10 июля 2011 года
  7. "РАЗВЛЕЧЕНИЯ". Oqonyok. 2004-08-29.
  8. "Яна Батыршина: "Я прятала шоколадки в капюшон, чтобы не заметил тренер"". Худеем правильно. 2014-12-03.
  9. "Яна Батыршина родила дочку. Телеведущая стала дважды мамой". Komsomolskaya pravda. 2007-05-19.
  10. "Тимур Вайнштейн: "Влюбился с первого взгляда и не задавал вопросов" - ИНТЕРВЬЮ". Day.AZ. 2015-04-27.
  11. "38-летняя гимнастка Яна Батыршина подарила супругу сына Леонида". Костромской городской портал. 2018-02-12.
  12. "Новая работа Алины Кабаевой, или куда уходят чемпионы". Теленеделя. 2013-02-07.
  13. "Гимнастка Яна Батыршина вступила в ряды Putin Team". Putin Team. 2017-12-06.
  14. "Посол 37-го Чемпионата мира по художественной гимнастике Яна Батыршина посетила клуб "Оджаг Спорт" - ФОТО". Day.az. 2019-09-15.

Xarici keçidlər[redaktə | əsas redaktə]