Şənlik Əliyev

Şənlik Əliyev
Azərbaycan SSR Xalq Nəzarəti Komitəsinin sədri
3 dekabr 1985 – 12 dekabr 1988
Əvvəlki	Hacıbaba Əfəndiyev
Sonrakı	Aydın Məmmədov
Azərbaycan Kommunist Partiyası Sumqayıt Şəhər Komitəsinin birinci katibi
20 yanvar 1979 – 5 dekabr 1985
Əvvəlki	Həsən Həsənov
Sonrakı	Cahangir Müslümzadə
Şəxsi məlumatlar
Doğum tarixi	1935
Doğum yeri	Bakı, Azərbaycan SSR, ZSFSR, SSRİ
Partiya	Sovet İttifaqı Kommunist Partiyası (1961–)
Fəaliyyəti	siyasətçi
Təltifləri

Şənlik Müslüm oğlu Əliyev (1935, Bakı) — Azərbaycan dövlət xadimi, Azərbaycan SSR Xalq Nəzarəti Komitəsinin sədri (1985–1988), Azərbaycan Kommunist Partiyası Sumqayıt Şəhər Komitəsinin birinci katibi (1979–1985).

Həyatı

Şənlik Müslüm oğlu Əliyev 1935-ci ildə Bakıda anadan olmuşdur.

1959-cu ildən Leytenant Şmidt adına zavodda mühəndis, laboratoriya müdiri, baş konstruktorun müavini, zavodun baş mühəndisi işləmişdir. Daha sonra partiya işinə keçirilmiş, Azərbaycan Kommunist Partiyası Mərkəzi Komitəsinin şöbə müdiri olmuşdur. 20 yanvar 1979-cu ildə Azərbaycan Kommunist Partiyası Sumqayıt Şəhər Komitəsinin birinci katibi seçilmiş və 1985-ci ilədək bu vəzifədə çalışmışdır. 1985–1988-ci illərdə Azərbaycan SSR Xalq Nəzarəti Komitəsinin sədri olmuşdur.

Şənlik Əliyev 1961-ci ildən Sovet İttifaqı Kommunist Partiyasının üzvü olmuşdur. 10-cu və 11-ci çağırış SSRİ Ali Sovetinin deputatı, eləcə də Sov.İKP XXVI və XXVII qurultaylarının nümayəndəsi seçilmişdir.