Bakı Marafonu 2023
| Bakı marafonu 2023 | |
|---|---|
| Tarix | 7 may 2023 |
| Yer | Bakı, Azərbaycan |
| Yarış növü | Yol |
| Məsafə | 21 km |
| Yaranması | 1 may 2016 |
| Rekordlar |
01:04:04 — Rinas Axmadiyev 01:17:55 — Fatime Çelik |
| Rəsmi saytı | marathon.az |
Bakı Marafonu 2023 - 2016-cı ildən etibarən ənənəvi olaraq təşkil olunan Bakı Marafonu idmanın inkişafına dəstək göstərmək, sağlam həyat tərzini təbliğ etmək məqsədi daşıyır və hər il də kütləviliyi, yaşından asılı olmayaraq müxtəlif ölkələrdən iştirakçıları ətrafında toplamaqla seçilir[1]
Marafonun iştirakçıları[redaktə | mənbəni redaktə et]
Azərbaycan vətəndaşları ilə yanaşı, ölkəmizdə yaşayıb çalışan əcnəbilər, eləcə də digər ölkələrdən iştirakçılar da marafona qeydiyyatdan keçib. Bunların sırasında bu il ABŞ, Belarus, Böyük Britaniya, Çin, Fransa, Gürcüstan, İran, İtaliya, Qazaxıstan, Qırğızıstan, Özbəkistan, Polşa, Rusiya, Türkiyə, Ukrayna və digər ölkələrdən iştirakçılar olub. Bakı Marafonunda bir sıra tanınmış şəxslər də fəxri iştirakçı kimi yarışıb. [2]
Marafonun məqsədi[redaktə | mənbəni redaktə et]
Bakı Marafonu 2023” ün mükafatlandırılması iki kateqoriyada olmuşdur. Kişi və qadın kateqoriyalarının hər birində 1-ci yerin qalibi 3 000 AZN, 2-ci yerin qalibi 2 000 AZN, 3-cü yerin qalibi isə 1 000 AZN məbləğində mükafat və hədiyyələrlə, eləcə də medal və sertifikatlarla təltif edilmişdir.1-ci, 2-ci və 3-cü yerlərlə yanaşı, 5 yaş kateqoriyasında (30-39 yaş, 40-49 yaş, 50-59 yaş, 60-69 yaş, 70+ yaş) finiş xəttini keçən qadın və kişi iştirakçılara sertifikatlar təqdim edilmişdir.
Marafonun nəticəsi[redaktə | mənbəni redaktə et]
Qarabağ Dirçəliş Fondu və Fondun donoru “Stevedoring” şirkətinin dəstəyi ilə isə “Bakı Marafonu 2023” qalibləri adından işğaldan azad olunmuş ərazilərdə 1500 ağac əkilməklə “Marafon bağı”nın salınması nəzərdə tutulur. Qarabağ Dirçəliş Fondu qalib tələbələrimiz üçün “Marafon bağı”na və mədəniyyət paytaxtımız Şuşaya 1 günlük səfər proqramı hazırlanıb. Eləcə də qadın və kişi kateqoriyası üzrə finişə ilk çatan yaşlı, həmçinin korporativ iştirakçıların da Şuşaya 1 günlük səfərini təşkil edəilib.
Marafonun tərəfdaşı[redaktə | mənbəni redaktə et]
“Bakı Marafonu 2023”ün eksklüziv tərəfdaşı “Azercell Telekom” şirkətidir. Marafon Elm və Təhsil Nazirliyi, Rəqəmsal İnkişaf və Nəqliyyat Nazirliyi, KOBİA, SOCAR, Dənizkənarı Bulvar İdarəsi, “Regional İnkişaf” İctimai Birliyinin (RİİB), Azerlotereya, m10, Hyundai, Badamlı, Baltika 0 dəstəyi ilə təşkil olunub. “Bakı Marafonu 2023”ün səhnə proqramı və əyləncə tərəfdaşı “Xəzər FM”, “Araz FM” və Xəzər TV-dir. Layihənin icrasını isə Sport Marketing Group (SMG) şirkəti həyata keçirib.[3]
Mükafatçılar[redaktə | mənbəni redaktə et]
kişilər arasında ukraynalı Boqdan Simonoviç finişə birinci çatıb. Gürcüstanlı David Karataşvili ikinci, türkiyəli Arkan Çoban 3-cü yeri tutub. Qadınlar arasında ukraynalı Natalya Simonoviç hamını qabaqlayıb. Türkiyəli Hasibe Demir 2-ci, digər Ukrayna təmsilçisi Valentina Poltavska 3-cü olub[4].
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
Xarici keçidlər[redaktə | mənbəni redaktə et]
- ↑ "Heydər Əliyev Fondunun təşəbbüsü ilə "Bakı Marafonu 2023" keçirilib - YENİLƏNİB". 2023-05-18 tarixində arxivləşdirilib. İstifadə tarixi: 2023-12-09.
- ↑ "Heydər Əliyev Fondunun təşəbbüsü ilə "Bakı Marafonu 2023" keçirilib - YENİLƏNİB". 2023-05-18 tarixində arxivləşdirilib. İstifadə tarixi: 2023-12-09.
- ↑ ""Bakı Marafonu 2023" başa çatdı". 2023-05-18 tarixində arxivləşdirilib. İstifadə tarixi: 2023-12-09.
- ↑ ""Bakı Marafonu 2023"ün qalibləri müəyyənləşib". 2023-05-18 tarixində arxivləşdirilib. İstifadə tarixi: 2023-12-09.