Geniş bağlanmış gözlərlə (film, 1999)
| GENİŞ BAĞLANMIŞ GÖZLƏRLƏ | |||
|---|---|---|---|
.jpg) |
|||
| Orijinal ad: | Eyes Wide Shut | ||
| Əsərin müəllifi: | Artur Şnisler | ||
| Ssenari müəllifi: | Stenli Kubrik
Frederik Rafael |
||
| Rejissor: | Stenli Kubrik | ||
| Operator: | Lerri Smit | ||
| Prodüser: | Stenli Kubrik | ||
| Bəstəkar: | Joslin Puk | ||
| Rollarda: | Tom Kruz | ||
| Janr: | Triller | ||
| İlk baxış tarixi: | 16 iyul 1999,  ABŞ
|
||
| Dil: | ingilis | ||
| Ölkə: | ABŞ |
||
| İstehsalçı qurum: | Warner Bros.
Hobby Films LTD Pole Star Production Stanley Kubrick Productions |
||
| Rəng: | rəngli | ||
| Vaxt: | 159 dəq. | ||
| İl: | 1999 | ||
| Büdcəsi: | 65 milyon $ | ||
| Gəliri: | 162 milyon $ | ||
|
|||
"Geniş bağlanmış gözlərlə" (ing. Eyes Wide Shut) — rejissor Stenli Kubrikin filmi.
Mündəricat |
[redaktə] Məzmun
Nyu-Yorkda Yeni il qabağıdır. Kübar axşamlar və maskaradların olduğu vaxtdır. Tanınmış həkim Bill Harfordun arvadı açıq-aşkar ərinə etiraf edir ki, onun başqa kişiylə intim əlaqədə olmaq fikirləri var. Harford təlaşa düşür. Arvadının bu etirafı onun sevgi cəbhəsində axtarışlara çıxmasına təkan verir. Əvvəl o, ölmüş pasientinin qızı ilə, sonra isə bir fahişə ilə tanış olur. Cavan kişi onunla mehmanxanada eşqbazlıq edir... Arvadına xəyanət etməyi fikirləşməyən Bill dəvətsiz və gizlicə qəribə bir kluba gəlir. Buradakı insanlar Venesiya karnavallarının maskalarındadırlar və anlaşılmaz ləhcədə danışırlar. Onların vaxtı son dərəcə əxlaqsız və azğın eyş-işrət məclisi sayəsində inkişaf edir. Görünür, bu klubda hansısa nüfuzlu bir şəxs var. Klubdakı bu mərasimin iştirakçıları Harfordu aşkara çıxarırlar. Lakin oradakı qızlardan biri onun əvəzinə cavab verməyi, klub üzvlərilə hesablaşmağı öz boynuna götürür.
Evdə arvadı Billə öz yuxusunu danışır. Bill ona qulaq asdıqca, yuxunun klubda gördüklərilə səsləşdiyini görür.
Filmdə göstərilənlər tamaşaçıya həkim Harfordun başına gələnlərin həqiqət, yoxsa xülya olduğunu dəqiqliklə çatdırmır.
[redaktə] Film haqqında
-
- Film Artur Şnislerin 1925-ci ildə yazdığı "Arzu" (alm. "Traumnovelle") əsəri əsasında çəkilmişdir.
- Film Stenli Kubrikin kinoda son işidir.
- Film rejissor Stenli Kubrikin ölümündən bir neçə ay sonra ekranlara çıxmışdır.
- Film haqqında tənqidçilərin fikri müxtəlif idi. Bəziləri onu Stenli Kubrikin ən uğursuz filmi adlandırırdı. Başqa tənqidçilər isə bu filmi "sonuncu şah əsər" sayırdılar.
[redaktə] Filmin heyəti
[redaktə] Film üzərində işləyənlər
- Əsərin müəllifi : Artur Şnisler
- Ssenari müəllifi : Stenli Kubrik, Frederik Rafael
- Rejissor : Stenli Kubrik
- Operator : Lerri Smit
- Stedikam operatorları : Elizabet Ziqler, Piter Kavaçuti
- Bəstəkar : Joslin Puk
- Prodüser : Stenli Kubrik
- Musiqisindən istifadə edilmiş bəstəkar : Dmitri Şostakoviç
[redaktə] Rollarda
- Tom Kruz - Bill Harford
- Nikol Kidman - Elis Harford
- Sidni Pollak - Viktor Siqler
- Mari Riçardson
- Rade Şerbeciya - Miliç
- Todd Fild - Nik Naytinqel
- Vinessa Şou - Domino
- Alan Kamminq
- Skay Dümont - Şandor Şavost
- Fey Masterson
- Lili Sobeski - Miliçin qızı
- Tomas Gibson - Karl Tomas
- Medison Eqinton - Helena Harford
- Lesli Loe - İlona Siqler
- Culyen Devis - Amanda Karren (Mendi)
[redaktə] Tənqidçilərin fikirləri
Kubrikin son filmi onun başqa filmləri kimi Amerika kino tənqidçilərini müxtəlif fikirlərə saldı. Onlardan biri burada baş qəhrəmanın freydist daxili mənasında dəbdən düşmüş qarabasmasını görürdü. Başqasını isə Kubrikin ər-arvadın bir-birindən bezməsi problemini araşdırmasının bədii cəsarəti valeh etmişdi. Filmdəki hadisələrin çox gec inkişafı və Nyu-York küçə səhnələrinin gah Londonda, gah da studiyada çəkilməsi tənqid edilmişdi. Filmdə Nyu-Yorkda baş verən hadisələrdə real olmayan hisslər yerli kino tənqidçilərini Kubrikin işinə qarşı çıxarmışdı. "Demək olar ki, 35 il olmadığın şəhər haqqında film çəkmək çətindir" – deyə kinotənqidçi Hoberman istehza edirdi.
Lakin filmin pərəstişkarları deyirdilər ki, hadisələrin asta sürətdə inkişafı və real olmayan dekorlar tamaşaçıda yuxu görmək hissiyyatı yaradır. Bu da rejissor ideyasının bir hissəsidir. Filmin kino ictimaiyyəti tərəfindən ziddiyyətlə qarşılanması və çətin dərk edilməsi onu nüfuzlu mükafatlardan uzaqlaşdırdı.
[redaktə] Xarici keçidlər
[redaktə] Video
[redaktə] İzlə
YouTube
- Filmin musiqisi sayt YouTube
