Livan Avroviziya Mahnı Müsabiqəsində

Vikipediya, açıq ensiklopediya
Keçid et: naviqasiya, axtar
Livan
Bayraq
Yayımlayan Tele Liban
İştirak
İştirak sayı 0
İlk iştirak 2005- ci ildə yarışmada iştirak üçün müraciət edilmişdir, lakin sonra bu müraciət geri alınmışdır. [1]
Xarici keçidlər
Tele Libanın Avroviziya səhifəsi
Eurovision.tv-dəki Livan səhifəsi

Livan Avroviziya Mahnı Müsabiqəsində heç vaxt iştirak etməmişdir. Müsabiqəni yayımlayan Tele Liban, 2005-ci ildə müsabiqədə iştirak üçün ilk dəfə müraciət etmişdir. Yarışmaya Alin Lahudun ifa edəcəyi "Quand tout s’enfuit" adlı mahnı ilə iştirak etmək istəyən Livan, İsrailə aid olan məzmunun yayımlanmasını qadağan edən qanunlara əsaslanaraq sonradan bu qərardan imtina etmişdir. Bundan sonra Livan üç illik müsabiqədə iştirak edə bilməmə cəzasını almışdır. Livan əsilli ingilis müğənni Mika Livan adına müsabiqədə iştirak etmək istədiyini bildirsə də, Livan bu günədək yarışmada iştirak etmək üçün başqa bir müraciət etməmişdir.

Seçimlər[redaktə]

21 oktyabr 2004-cü ildə Livan dövlət televiziyasının sədri İbrahim əl-Huri Ukraynanın paytaxtı Kiyevdə keçiriləcək 2005 Avroviziya Mahnı Müsabiqəsində Livanın da iştirak edə biləcəyini açıqlamıştır.[2] 3 noyabr 2004-cü ildə Livanı Avroviziyada təmsil etmək məqsədilə dövlət televiziyası tərəfindən Alin Lahudun təyin olunduğu bildirildi.[2][3][4] 2005-ci ilin fevral ayının ikinci həftəsində mahnının İngiliscə və ya Fransızca olacağı bildirildi, çünki Alin Lahud hər iki dildə də yaxşı danışırdı.[5] Sonradan mahnının şərq-qərb sintezində olduğu və mahnının dilinin fransızca olacağı bildirildi. Mahnı fevral ayının ortalarında seçilmişdi və müəllifləri Cad Rəhbani və Romeo Lahud idi.[6][7] Alin Lahudun mahnını 19 may 2005-ci ildə keçiriləcək yarımfinalda ifa etməsi planlaşdırılmışdı.[1]

İl İfaçı Mahnı Final Xal YF Xal
2005 Alin Lahud "Quand tout s’enfuit" [8] İştirak etmədi

İmtina[redaktə]

" Onlara (Livana) bütün yarışmanı yayımlamalı olduqlarını söyləyəndə onlar müsabiqədən imtina etməyə qərar verdilər.
O vaxtın Avroviziya başçısı Svante Stokselius[1]
"
2005 Avroviziya Mahnı Müsabiqəsinin iki rəsmi albomundan birincisi, Livanın iştirakını göstərir.. (ən aşağı sıra, sağdan üçüncü)

15 dekabr 2004-cü ildə Livan dövlət televiziyası iqdisadi problemlərə görə yarışmadan imtina etdiklərini bildirdi və bunun İsrail ilə olan siyasi anlaşmazlıqlara görə olduğunu təkzib etdi.[9] Lakin beş gün sonra Avropa Yayım İttifaqı (EBU), Tele Liban ilə razılaşma əldə etdi və Livanı rəsmi iştirakçılar siyahısına daxil etdi.[10]

2005-ci ilin mart ayının ilk günlərində Livanın rəsmi Avroviziya saytı İsraili iştirakçılar siyahısında göstərmədi. AYİ Livanın dövlət televiziyasına problemin həlli üçün 24 saat vaxt verdi, əks halda Livanın müsabiqədən kənarlaşdırılacağını söylədi. Buna görə də sayt iştirakçıların siyahısını tamamilə silərək yerinə Avroviziyanın rəsmi saytına istiqamətləndirilən bir link yerləşdirdi.[11]Mart ayının sonlarına doğru AYİ, Tele Libandan İsrailin çıxışı da dahil olmaqla bütün yarışmanı fasiləsiləsiz yayımlamasının zəmanətini istədi. Tele Liban buna zəmanət verə bilmədi. Buna görə də telekanal 18 mart 2005-ci ildə müsabiqədən imtina etdiyini bildirdi.[1] Livan qanunları İsrail ilə əlaqədar məzmunun Livan kanallarında yayımlanmasını qadağan edirdi.[12][13] Tele Liban internet saytında İsrail təmsilçisinin çıxışının yayınlamasına icazə verilmədiyini və bunun da 2005 Avroviziya Mahnı Müsabiqəsinin qaydalarına zidd olduğunu, buna görə də yarışmadan imtina etməli olduqlarını bildirdi.[14] Bundan sonra müsabiqədə iştirak etməyi planlaşdıran Alin Lahud çox məyus olduğunu bildirdi.[15] O vaxtın Avroviziya başçısı Svante Stokselius ən çox Alin Lahuda görə təəssüfləndiyini bildirdi.[1] Tele Libanın son imtina tarixi olan 15 dekabrdan haradasa üç ay sonra imtina etməsinə görə telekanal cəzalandırıldı. Kanalın ödədiyi iştirak haqqı qaytarılmadı və üç il müsabiqədə iştirakdan məhrum edildi.[3][11][16]

2005-ci ildən sonra[redaktə]

Üç illik qadağaya görə Livan 2009 Avroviziya Mahnı Müsabiqəsinə qədər yarışmada iştirak edə bilmədi.[16]

2006-ci ildə Kipr Respublikasından olan Xristos Yannopulos adlı bir bəstəkar Livana "Sülh Körpüsü" adlı bir mahnı göndərmək istədi, lakin Livan müsabiqədə iştirak etmədiyi üçün mahnını Türkiyə təmsilçisi Sibel Tüzünə göndərdi.[17] 2007-ci ildə Livan əsilli ingilis müğənni Mika 2008-ci ildə Livanı yarışmada təmsil etmək istədiyini bildirdi.[18] Bunu cəzası olmayan, AYİ-yə üzv olan digər Livan televiziyalarından biri ilə edəcəkdi.[16] Mika 2009-cu ildə Tele Libanın cəzasının bitməsindən sonra da ölkəsini təmsil edib qalib olmağa hazır olduğunu bildlrməsinə[19] baxmayaraq Mikanın istəyi heç reallaşmadı və Livan dövlət televiziyasının cəzasının sona çatmasından sonra belə yarışmada iştirak üçün müraciət edilmədi. 2009-cu ildə o vaxtın Avroviziya başçısı Svante Stokselius Livanı hər il yarışmaya dəvət etdiyini, lakin iqtisadi problemlərini əsas göstərərək müsabiqədə iştirak etmədiklərini bildirdi.[20] 2012-ci ildə də Livan yarışmada iştirak üçün müraciət etməmişdir.[21]

2007-ci ildə Nibras Media Ltd. adlı bir təşkilat Avroviziyanın bir bənzərini Orta Şərq ölkələri arasında keçirmək üçün təşəbbüs etdi və Livana bu müsabiqədə iştirak üçün dəvət göndərdi.[22]

İstinadlar[redaktə]

  1. 1,0 1,1 1,2 1,3 1,4 "Lebanon withdraws from Eurovision". BBC News. 18 mart 2005. http://news.bbc.co.uk/2/hi/entertainment/4362373.stm. 
  2. 2,0 2,1 Bakker, Sietse (3 noyabr 2004). "Aline Lahoud first Lebanese participant!". ESCToday. http://esctoday.com/news/read/3279. İstifadə tarixi: 9 avqust 2008. 
  3. 3,0 3,1 Staff (19 mart 2005). "Eurovision Song Contest doch ohne Libanon" (Almanca). Netzeitung. http://www.netzeitung.de/entertainment/music/330453.html. İstifadə tarixi: 27 iyun 2005. 
  4. "Lebanese and Latvian news update over their national selections" (İngiliscə). oikitimes.com. 2005. http://web.archive.org/web/20050210194304/www.oikotimes.com/site/index.php?id=381. İstifadə tarixi: 18 aprel 2011. 
  5. "Aline Lahoud: English or French?". ESCToday. 14 fevral 2005. http://www.esctoday.com/news/read/3816. İstifadə tarixi: 19 fevral 2010. 
  6. X Tra (19 fevral 2005). "Aline Lahoud to sing Quand tout s'enfuit". ESCToday. http://www.esctoday.com/news/read/3848. İstifadə tarixi: 9 avqust 2005. 
  7. >"Le Liban au Concours Eurovision". songcontest.free.fr. http://songcontest.free.fr/bdd/liban.htm. İstifadə tarixi: 18 aprel 2011. 
  8. "Lebanon 2005". ESCforum. 19 may 2007. http://www.escforum.net/forum/showthread.php?4850-Lebanon-2005-Aline-Lahoud-Quand-tout-s-enfuit-%28withdrawn-entry%29. İstifadə tarixi: 17 aprel 2011. 
  9. Philips, Roel (15 dekabr 2004). "Lebanon withdraws for financial reasons". ESCToday. http://esctoday.com/news/read/3485. İstifadə tarixi: 9 avqust 2008. 
  10. Bakker, Sietse (18 mart 2005). "Breaking News: Lebanon Withdraws". ESCToday. http://www.esctoday.com/news/read/4060. İstifadə tarixi: 9 avqust 2008. 
  11. 11,0 11,1 Philips, Roel (4 mart 2005). "Télé Liban tries to prevent Lebanese disqualification". http://esctoday.com/news/read/3951. İstifadə tarixi: 9 avqust 2008. 
  12. "Lebanon to boycott Eurovision due to Israel's participation". 20 mart 2005. http://www.highbeam.com/doc/1P1-106667846.html. İstifadə tarixi: 10 avqust 2008. 
  13. Staff (19 mart 2005). "Lebanon leaves Eurovision contest". 2012-06-29 tarixində ilkin mənbəyindən arxivləşdirildi. https://archive.is/D50K. İstifadə tarixi: 27 iyun 2009. 
  14. Christian, Nicholas (20 mart 2005). "Nul points as Lebanon quits contest". http://scotlandonsunday.scotsman.com/eurovisionsongcontest/Nul-points-as-Lebanon-quits.2611952.jp. İstifadə tarixi: 27 iyun 2009. 
  15. Philips, Roel (18 mart 2005). "A message from Lebanon". http://www.esctoday.com/news/read/4071. İstifadə tarixi: 19 iyul 2009. 
  16. 16,0 16,1 16,2 Kuipers, Michael (13 mart 2007). "Mika interested in Eurovision entry". http://www.esctoday.com/news/read/7969. İstifadə tarixi: 9 avqust 2008. 
  17. "Sibel'e Güney Kıbrıs'tan Beste Teklifi!". http://www.eurovision-turkey.com/portal/sayfa.php?name=News&file=article&sid=330. İstifadə tarixi: 18 aprel 2011. 
  18. Staff (13 mart 2007). "Mika for Eurovision?". http://www.metro.co.uk/fame/article.html?in_article_id=40971&in_page_id=7. İstifadə tarixi: 27 iyun 2009. 
  19. "Mika toujours prêt à remporter l’Eurovision avec le Liban en 2009". 26 mart 2008. http://mplbelgique.wordpress.com/tag/eurovision/. İstifadə tarixi: 18 aprel 2011. 
  20. "Stockselius: Hadise favori, seneye'de Tarkanı isteriz!". 6 may 2009. http://www.eurovision-turkey.com/portal/sayfa.php?name=News&file=article&sid=2208. İstifadə tarixi: 18 aprel 2011. 
  21. "Lebanon in 2012". http://www.esctoday.com/annual/2012/page/44. İstifadə tarixi: 12 aprel 2011. 
  22. "Eurovision Ortadoğu ve Afrika'da". 8 dekabr 2007. 30 iyul 2012 tarixində ilkin mənbəyindən arxivləşdirildi. http://archive.today/SGEC. İstifadə tarixi: 18 aprel 2011. 

Xarici keçidlər[redaktə]

Həmçinin bax[redaktə]